ਹਿਊਸਟਨ: ਟੈਕਸਾਸ ‘ਚ ਐਤਵਾਰ ਨੂੰ ਇਕ ਛੋਟੇ ਜਹਾਜ਼ ਦੇ ਇੰਜਨ ‘ਚ ਖਰਾਬੀ ਹੋਣ ਕਾਰਨ ਐਮਰਜੈਂਸੀ ਲੈਂਡਿੰਗ ਦੀ ਕੋਸ਼ਿਸ਼ ਕਰਦਿਆਂ ਜਹਾਜ਼ ਕ੍ਰੈਸ਼ ਹੋਗਿਆ । ਜਿਸ ਕਾਰਨ 4 ਲੋਕਾਂ ਦੀ ਮੌਤ ਹੋ ਗਈ।
ਟੈਕਸਾਸ ਵਿਭਾਗ ਦੇ ਪਬਲਿਕ ਸੇਫਟੀ (ਡੀਪੀਐਸ) ਦੇ ਅਧਿਕਾਰੀ ਏਰਿਕ ਬਰਸੇ ਨੇ ਦਸਿਆ ਕਿ ਸਵੇਰੇ ਤਕਰੀਬਨ 10:50 ਵਜੇ ਸਿੰਗਲ ਇੰਜਨ ਜਹਾਜ਼ ਲਿਓਨ ਕਾਉਂਟੀ ਦੇ ਹਿੱਲਟਾਪ ਲੇਕ ਏਅਰਪੋਰਟ ਦੇ ਨੇੜੇ ਹਾਦਸਾਗ੍ਰਸਤ ਹੋ ਗਿਆ। ਉਨ੍ਹਾਂ ਕਿਹਾ ਕਿ ਜਹਾਜ਼ ‘ਚ ਬੈਠੇ ਦੋ ਪੁਰਸ਼ਾਂ ਅਤੇ ਦੋ ਔਰਤਾਂ ਦੀ ਮੌਤ ਹੋ ਗਈ। ਜਹਾਜ਼ ਆੱਸਟਿਨ ਤੋਂ ਉੱਡ ਕੇ ਲੁਈਸੀਆਨਾ ਵਾਪਸ ਆ ਰਿਹਾ ਸੀ।
ਸਥਾਨਕ ਅਧਿਕਾਰੀ ਨੇ ਕਿਹਾ ਕਿ ਪਾਇਲਟ ਨੇ ਐਮਰਜੈਂਸੀ ਸਥਿਤੀ ‘ਚ ਜਹਾਜ਼ ਨੂੰ ਉਤਾਰਨ ਦੀ ਕੋਸ਼ਿਸ਼ ਕੀਤੀ ਸੀ ਅਤੇ ਦੁਰਘਟਨਾ ਦਾ ਸ਼ਿਕਾਰ ਹੋਣ ਤੋਂ ਪਹਿਲਾਂ ਸੰਘੀ ਉਡਾਣ ਪ੍ਰਸ਼ਾਸਨ ਦੇ ਨਾਲ ਰੇਡੀਓ ਸੰਪਰਕ ‘ਚ ਸੀ।
ਪੀੜਿਤ ਲੋਕਾਂ ਦੀ ਪਛਾਣ ਅਜੇ ਜਾਰੀ ਨਹੀਂ ਕੀਤੀ ਗਈ ਹੈ।
NTSB is investigating the September 20, 2020 crash in Hilltop, TX involving a Piper PA-46. The NTSB is not traveling to the scene of the crash at this time.
— NTSB_Newsroom (@NTSB_Newsroom) September 20, 2020