ਅਮਰੀਕਾ ਦੇ ਇਤਿਹਾਸ ਵਿਚ ਇੰਨੀ ਫਜੀਹਤ ਸ਼ਾਇਦ ਹੀ ਕਿਸੇ ਰਾਸ਼ਟਰਪਤੀ ਦੀ ਹੋਈ ਹੋਵੇ, ਜਿਹੜੀ ਇਹਨੀ ਦਿਨੀਂ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨਾਲ ਹੋ ਰਹੀ ਹੈ। ਰਾਸ਼ਟਰਪਤੀ ਅਹੁਦੇ ਦੇ ਕਾਰਜਕਾਲ ਦੇ ਆਪਣੇ ਆਖਰੀ ਪੜਾਅ ਵਿਚ ਟਰੰਪ ਨੂੰ ਹਰ ਪਾਸਿਓਂ ਨਮੋਸ਼ੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਹ ਵੱਖਰੀ ਗੱਲ ਹੈ ਕਿ ਉਹ ਹੁਣ ਵੀ ਵੱਡੀ ਗਿਣਤੀ ਅਮਰੀਕਨਾਂ ਦੇ ਸਮਰਥਨ ਦਾ ਦਾਅਵਾ ਕਰਦੇ ਨਹੀਂ ਥੱਕਦੇ।
ਸੋਸ਼ਲ ਮੀਡੀਆ ਦੇ ਇੱਕ ਵੱਡੇ ਮੰਚ ‘ਟਵਿੱਟਰ’ ਨੇ ਅੱਜ ਡੋਨਾਲਡ ਟਰੰਪ ਦਾ ਟਵਿੱਟਰ ਅਕਾਊਂਟ ਪੱਕੇ ਤੌਰ ‘ਤੇ ਬੰਦ ਕਰ ਦਿੱਤਾ । ਇਸ ਬਾਰੇ ਟਵਿਟਰ ਨੇ ਬਕਾਇਦਾ ਜਾਣਕਾਰੀ ਦਿੰਦੇ ਹੋਏ ਆਪਣੇ ਬਲਾਗ ਵਿਚ ਲਿਖਿਆ ਹੈ, “ਯੂਐਸ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ “ਹਿੰਸਾ ਨੂੰ ਹੋਰ ਭੜਕਾਉਣ ਦੇ ਜੋਖਮ ਕਾਰਨ” ਟਵਿੱਟਰ ਤੋਂ ਪੱਕੇ ਤੌਰ ‘ਤੇ ਮੁਅੱਤਲ ਕਰ ਦਿੱਤਾ ਗਿਆ ਹੈ।’
https://blog.twitter.com/en_us/topics/company/2020/suspension.html
ਟਵਿੱਟਰ ਨੇ ਕਿਹਾ ਕਿ ਇਹ ਫੈਸਲਾ ‘@ ਰੀਅਲਡੋਨਲਡ ਟਰੰਪ ਅਕਾਉਂਟ ਤੋਂ ਤਾਜ਼ਾ ਟਵੀਟਾਂ ਦੀ ਨੇੜਿਓਂ ਸਮੀਖਿਆ ਕਰਨ ਤੋਂ ਬਾਅਦ’ ਲਿਆ ਗਿਆ ਸੀ।
After close review of recent Tweets from the @realDonaldTrump account and the context around them we have permanently suspended the account due to the risk of further incitement of violence.https://t.co/CBpE1I6j8Y
— Twitter Safety (@TwitterSafety) January 8, 2021
ਟਵਿੱਟਰ ਨੇ ਦੋ ਦਿਨ ਪਹਿਲਾਂ ਵੀ ‘ਕੈਪਿਟਲ ਹਿੱਲ ‘ਚ ਹੋਈ ਹਿੰਸਾ’ ਕਾਰਨ ਟਰੰਪ ਦਾ ਅਕਾਊਟ ਬੰਦ ਕਰ ਦਿੱਤਾ ਸੀ ਪਰ ਉਹ ਸਿਰਫ਼ 12 ਘੰਟਿਆਂ ਲਈ ਕੀਤਾ ਗਿਆ ਸੀ, ਪਹ ਅੱਜ ਇਸਨੂੰ ਪੱਕੇ ਤੌਰ’ ਤੇ ਮੁਅੱਤਲ ਕਰ ਦਿੱਤਾ ਗਿਆ।
ਦਰਅਸਲ ਟਰੰਪ ਅਤੇ ਉਨ੍ਹਾਂ ਦੇ ਸਮਰਥਕ ਸੋਸ਼ਲ ਮੀਡੀਆ ਦੇ ਵੱਖ-ਵੱਖ ਪਲੇਟਫਾਰਮ ਦੀ ਵਰਤੋਂ, ਲਗਾਤਾਰ ਸਿੱਧੇ ਜਾਂ ਅਸਿੱਧੇ ਤੌਰ ‘ਤੇ (ਹਿੰਸਾ) ਭੜਕਾਉਣ ਲਈ ਕਰਦੇ ਆ ਰਹੇ ਸਨ। ‘ਕੈਪਿਟਲ ਹਿੱਲ ‘ਚ ਹੋਈ ਹਿੰਸਾ’ ਟਰੰਪ ਅਤੇ ਉਨ੍ਹਾਂ ਦੇ ਸਮਰਥਕਾਂ ਵਲੋਂ ਸੋਸ਼ਲ ਮੀਡੀਆ ਰਾਹੀਂ ਕੀਤੇ ਗਏ ਪ੍ਰਚਾਰ ਦਾ ਨਤੀਜਾ ਮੰਨਿਆ ਜਾ ਰਿਹਾ ਹੈ। ਉਧਰ ਕੁਝ ਸੰਸਦ ਮੈਂਬਰ ਅਤੇ ਮਸ਼ਹੂਰ ਸ਼ਖਸੀਅਤਾਂ ਟਵਿੱਟਰ ‘ਤੇ ਸਾਲਾਂ ਤੋਂ ਡੋਨਾਲਡ ਟਰੰਪ’ ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾਉਣ ਲਈ ਕਹਿੰਦੇ ਰਹੇ ਹਨ।
ਸਾਬਕਾ ਫਸਟ ਲੇਡੀ ਮਿਸ਼ੇਲ ਓਬਾਮਾ ਨੇ ਵੀਰਵਾਰ ਨੂੰ ਟਵੀਟ ਕੀਤਾ ਕਿ ਸਿਲਿਕਨ ਵੈਲੀ ਦੇ ਦਿੱਗਜਾਂ ਨੂੰ ਸ਼੍ਰੀ ਟਰੰਪ ਦੇ “ਵਿਨਾਸ਼ਕਾਰੀ ਵਿਵਹਾਰ” ਨੂੰ ਵੇਖਦੇ ਹੋਏ ਉਸ ਨੂੰ ਪੱਕੇ ਤੌਰ ‘ਤੇ ਬਾਹਰ ਕੱਢ ਦੇਣਾ ਚਾਹੀਦਾ ਹੈ ।
ਜਾਣੋ , ਟਰੰਪ ‘ਤੇ ਟਵਿਟਰ ਵੱਲੋਂ ਪਾਬੰਦੀ ਕਿਉਂ ਲਗਾਈ ਗਈ ?
ਟਵਿੱਟਰ ਨੇ ਟਰੰਪ ਨੂੰ ਬੁੱਧਵਾਰ ਨੂੰ 12 ਘੰਟਿਆਂ ਲਈ (ਟਵਿੱਟਰ ਖਾਤੇ ‘ਤੇ) ਬੈਨ ਕਰ ਦਿੱਤਾ ਗਿਆ ਜਦੋਂ ਉਹਨਾਂ ਯੂਐਸ ਕੈਪੀਟਲ ਵਿੱਚ ਮਾਰੇ ਲੋਕਾਂ ਨੂੰ “ਦੇਸ਼ ਭਗਤ” ਕਿਹਾ। ਉਸ ਦੇ ਸੈਂਕੜੇ ਸਮਰਥਕ ਕੰਪਲੈਕਸ ਵਿਚ ਦਾਖਲ ਹੋਏ ਜਦੋਂ ਅਮਰੀਕੀ ਕਾਂਗਰਸ ਨੇ ਰਾਸ਼ਟਰਪਤੀ ਅਹੁਦੇ ਦੀਆਂ ਚੋਣਾਂ ਵਿਚ Joe Biden ਦੀ ਜਿੱਤ ਨੂੰ ਪ੍ਰਮਾਣਿਤ ਕਰਨ ਦੀ ਕੋਸ਼ਿਸ਼ ਕੀਤੀ । ਇਸ ਤੋਂ ਬਾਅਦ ਹੋਈ ਹਿੰਸਾ ਦੇ ਕਾਰਨ ਚਾਰ ਨਾਗਰਿਕਾਂ ਅਤੇ ਇੱਕ ਪੁਲਿਸ ਅਧਿਕਾਰੀ ਦੀ ਮੌਤ ਹੋ ਗਈ। ਟਵਿੱਟਰ ਨੇ ਉਦੋਂ ਚਿਤਾਵਨੀ ਦਿੱਤੀ ਸੀ ਕਿ ਜੇ ਡੋਨਾਲਡ ਟਰੰਪ ਦੁਬਾਰਾ ਪਲੇਟਫਾਰਮ ਦੇ ਨਿਯਮਾਂ ਦੀ ਉਲੰਘਣਾ ਕਰਦੇ ਹਨ ਤਾਂ ਉਹ ਟਰੰਪ ਦੇ ਟਵਿੱਟਰ ਅਕਾਊਂਟ ਨੂੰ ‘ਪੱਕੇ ਤੌਰ’ ਤੇ ਪਾਬੰਦੀ ਲਗਾ ਦੇਵੇਗਾ।
ਟਵਿੱਟਰ ‘ਤੇ ਟਰੰਪ ਨੇ ਸ਼ੁੱਕਰਵਾਰ ਨੂੰ ਦੋ ਟਵੀਟ ਪੋਸਟ ਕੀਤੇ ਸਨ ।
ਇੱਕ ਵਿਚ, ਟਰੰਪ ਨੇ ਲਿਖਿਆ, “75,000,000 ਮਹਾਨ ਅਮਰੀਕੀ ਪਤਵੰਤੇ ਜਿਨ੍ਹਾਂ ਨੇ ਮੇਰੇ ਲਈ ਵੋਟਿੰਗ ਕੀਤੀ, ਅਮੈਰੀਕਾ ਫਰਸਟ, ਮੇਕ ਅਮੈਰੀਕਾ ਗ੍ਰੇਟ ਅਗੇਨ, ਭਵਿੱਖ ਵਿਚ ਲੰਬੇ ਸਮੇਂ ਤਕ ਇਕ ਮਹਾਨ ਵੌਇਸ ਰਹੇਗਾ । ਉਹਨਾਂ ਦਾ ਕਿਸੇ ਵੀ ਰੂਪ, ਰੂਪ ਜਾਂ ਅਨੁਕੂਲ ਵਿਵਹਾਰ ਜਾਂ ਅਨੌਖਾ ਵਿਵਹਾਰ ਨਹੀਂ ਕੀਤਾ ਜਾਵੇਗਾ !!! ”
ਟਰੰਪ ਨੇ ਆਪਣੇ ਦੂਜਾ ਟਵੀਟ ਕੀਤਾ: “ਉਨ੍ਹਾਂ ਸਾਰਿਆਂ ਲਈ ਜਿਨ੍ਹਾਂ ਨੇ ਪੁੱਛਿਆ ਹੈ, ਮੈ ਦੱਸ ਰਿਹਾ ਹੈ, ਮੈਂ 20 ਜਨਵਰੀ ਨੂੰ ਉਦਘਾਟਨ ਲਈ ਨਹੀਂ ਜਾਵਾਂਗਾ।”
ਇੱਥੇ ਦੱਸਣਾ ਬਣਦਾ ਹੈ ਕਿ ਅਮਰੀਕਾ ਵਿਚ ਸੱਤਾ ਪਰਿਵਰਤਨ 20 ਜਨਵਰੀ 2021 ਨੂੰ ਹੋਣ ਜਾ ਰਿਹਾ ਹੈ । ਕਰੀਬ 11 ਦਿਨਾਂ ਬਾਅਦ Joe Biden ਅਮਰੀਕਾ ਦੇ 46ਵੇ ਰਾਸ਼ਟਰਪਤੀ ਵਜੋਂ ਸਹੁੰ ਚੁੱਕਣਗੇ। ਰਾਸ਼ਟਰਪਤੀ ਚੋਣ ਨਤੀਜਿਆਂ ਤੋਂ ਬਾਅਦ ਟਰੰਪ ਲਗਾਤਾਰ ਇੰਨਾਂ ਵਿੱਚ ਹੇਰਾਫੇਰੀ ਦਾ ਇਲਜ਼ਾਮ ਲਾਉਂਦੇ ਹੋਏ ਕਾਨੂੰਨੀ ਅੜਿੱਕੇ ਵੀ ਖੜੇ ਕਰਦੇ ਰਹੇ ਹਨ, ਪਰ ਉਹਨਾਂ ਦੀ ਇੱਕ ਵੀ ਨਹੀ ਚੱਲੀ।
ਵਿਵੇਕ ਸ਼ਰਮਾ
