ਲੰਡਨ : ਬ੍ਰਿਟਿਸ਼ ਸਾਂਸਦ ਤਾਇਵੋ ਓਵੇਤੇਮੀ ਨੇ ਪਾਬੰਦੀਸ਼ੁਦਾ ਖਾਲਿਸਤਾਨੀ ਸਮੂਹ SFJ ਦਾ ਸਮਰਥਨ ਕਰਨ ਲਈ ਮੁਆਫੀ ਮੰਗੀ ਹੈ। ਅਸਲ ਵਿਚ ਕੁਝ ਦਿਨ ਪਹਿਲਾਂ ਉਹਨਾਂ ਦੇ ਟਵਿੱਟਰ ਹੈਂਡਲ ਵਿਚ ਐੱਸ.ਐੱਫ.ਜੇ. ਦੇ ਸਮਰਥਨ ਵਿਚ ਇਕ ਟਵੀਟ ਕੀਤਾ ਗਿਆ ਸੀ। ਇਸ ਨੂੰ ਲੈ ਕੇ ਉਹਨਾਂ ਨੇ ਮੁਆਫੀ ਮੰਗੀ ਅਤੇ ਦੱਸਿਆ ਕਿ ਪੋਸਟ ਹੁਣ ਹਟਾ ਦਿੱਤੀ ਗਈ ਹੈ ਜੋ ਉਹਨਾਂ ਦੇ ਇਕ ਸਟਾਫ ਮੈਂਬਰ ਵੱਲੋਂ ਪੋਸਟ ਕੀਤੀ ਗਈ ਸੀ।
ਉਹਨਾਂ ਨੇ ਦੱਸਿਆ,’ਕੁਝ ਲੋਕਾਂ ਨੇ ਸਿੱਖਾਂ ਦੇ ਸਮਰਥਨ ਵਿਚ ਇਕ ਟਵੀਟ ਕਰਨ ਲਈ ਈਮੇਲ ਕੀਤੀ ਸੀ। ਇਸ ਦੇ ਬਾਅਦ ਮੇਰੀ ਸੋਸ਼ਲ ਮੀਡੀਆ ਹੈਂਡਲ ਕਰਨ ਵਿਚ ਮਦਦ ਕਰਨ ਵਾਲੀ ਇਕ ਮੈਂਬਰ ਨੇ ਇਹ ਟਵੀਟ ਪੋਸਟ ਕਰ ਦਿਤਾ। ਟਵੀਟ ਹੁਣ ਡਿਲੀਟ ਕਰ ਦਿੱਤਾ ਗਿਆ ਹੈ। ਮੇਰੇ ਵੱਲੋਂ ਹੋਏ ਕਿਸੇ ਵੀ ਅਪਰਾਧ ਦੇ ਲਈ ਮੈਂ ਈਮਾਨਦਾਰੀ ਨਾਲ ਮੁਆਫੀ ਮੰਗਦੀ ਹਾਂ।’
A small number of individuals emailed me to post a suggested tweet supporting Sikhs for Justice. Unbeknown to me a staff member who helps to run my social media posted the tweet. This has now been deleted. I sincerely apologise for any offence caused to any of my constituents.
— Taiwo Owatemi MP (@TaiwoOwatemi) December 12, 2020
ਇੱਥੇ ਦੱਸ ਦਈਏ ਕਿ 10 ਦਸੰਬਰ ਨੂੰ ਤਾਇਵੋ ਦੇ ਟਵਿੱਟਰ ਅਕਾਊਂਟ ‘ਤੇ ਇਕ ਪੋਸਟ ਕੀਤੀ ਗਈ ਸੀ। ਇਸ ਵਿਚ ਲਿਖਿਆ ਸੀ, ਮੈਂ #UNDayOfHumanRights ‘ਤੇ #SaysForJustice ਅਤੇ ਸਿੱਖ ਭਾਈਚਾਰੇ ਦੇ ਸਵੈ ਫ਼ੈਸਲੇ ਦੇ ਅਧਿਕਾਰ ਦਾ ਸਮਰਥਨ ਕਰਦੀ ਹਾਂ। ਇਹ ਸਭ ਤੋਂ ਸਪਸ਼ੱਟ ਤਰੀਕਾ ਹੈ ਜਿਸ ਵਿਚ ਸਿੱਖਾਂ ਅਤੇ ਭਾਰਤੀ ਅਧਿਕਾਰੀਆਂ ਦੇ ਵਿਚ ਸੰਘਰਸ਼ ਨੂੰ ਹੱਲ ਕੀਤਾ ਜਾ ਸਕਦਾ ਹੈ। ਇਸ ਟਵੀਟ ‘ਤੇ ਇਤਰਾਜ਼ ਜ਼ਾਹਰ ਕਰਨ ਤੋਂ ਬਾਅਦ ਇਸ ਨੂੰ ਡਿਲੀਟ ਕਰ ਦਿੱਤਾ ਅਤੇ ਮੁਆਫੀ ਵੀ ਮੰਗੀ।
