ਕੈਨੇਡਾ ‘ਚ ਵਧੀਆ ਕੋਰੋਨਾ ਪ੍ਰਭਾਵਿਤਾਂ ਦਾ ਅੰਕੜਾ
ਉਂਟਾਰੀਓ ‘ਚ 111, ਟੋਰਾਂਟੋ ‘ਚ 38 ਨਵੇਂ ਮਾਮਲੇ
ਕੈਨੇਡਾ ਦੇ ਲੋਕਾਂ ਨੂੰ ਵੈਕਸੀਨ ਦਾ ਇੰਤਜ਼ਾਰ !
ਟੋਰਾਂਟੋ : ਕੋਰੋਨਾ ਵਾਇਰਸ ਤੋਂ ਬਚਾਅ ਲਈ ਤਿਆਰ ਹੋਣ ਜਾ ਰਹੀ ਵੈਕਸੀਨ ਦੇ ਦਾਅਵਿਆਂ ਵਿਚਾਲੇ ਕੋਰੋਨਾ ਪ੍ਰਭਾਵਿਤਾਂ ਦਾ ਅੰਕੜਾ ਲਗਾਤਾਰ ਵਧਦਾ ਜਾ ਰਿਹਾ ਹੈ। ਸਭ ਤੋਂ ਵੱਧ ਕਰੋਨਾ ਪ੍ਰਭਾਵਿਤ ਅਮਰੀਕਾ ਵਿੱਚ ਹਨ, ਤੇ ਦੁਨੀਆ ਦਾ ਸਭ ਤੋਂ ਵੱਧ ਵਿਕਸਿਤ ਦੇਸ਼ ਅਮਰੀਕਾ ਵੀ ਹਾਲੇ ਤਕ ਕੋਰੋਨਾ ਦਾ ਤੋੜ ਨਹੀਂ ਲੱਭ ਸਕਿਆ ਹੈ। ਉਧਰ ਕੈਨੇਡਾ ਦੇ ਵੱਖ-ਵੱਖ ਸੂਬਿਆਂ ਵਿੱਚ ਕੋਰੋਨਾ ਪਾਜ਼ਿਟਿਵ ਕੇਸਾਂ ਦਾ ਗ੍ਰਾਫ਼ ਰੋਜ਼ਾਨਾ ਉਪਰ ਵੱਲ ਵਧ ਰਿਹਾ ਹੈ।
ਓਂਟਾਰੀਓ :
ਓਂਟਾਰੀਓ ‘ਚ ਇਂਕ ਵਾਰ ਮੁੜ ਤੋਂ ਕੋਵਿਡ-19 ਦੇ 111 ਨਵੇਂ ਮਾਮਲੇ ਦਰਜ ਹੋਏ ਹਨ। ਇਸ ਦੇ ਨਾਲ ਹੀ ਸੂਬੇ ‘ਚ ਕੋਰੋਨਾ-ਜਾਂਚ ਵਧਾ ਦਿੱਤੀ ਗਈ ਹੈ। ਬੀਤੇ ਦਿਨ ਸੂਬੇ ‘ਚ 31,000 ਤੋਂ ਵੱਧ ਕੋਰੋਨਾ ਵਾਇਰਸ ਟੈਸਟ ਕੀਤੇ ਗਏ। ਓਂਟਾਰੀਓ ਦੇ ਸਿਹਤ ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਕਿ ਸੂਬੇ ‘ਚ ਪਿਛਲੇ 24 ਘੰਟਿਆਂ ਦੌਰਾਨ 111 ਨਵੇਂ ਮਾਮਲੇ ਦਰਜ ਕੀਤੇ ਗਏ ਹਨ।
ਓਂਟਾਰੀਓ ਦੀ ਡਿਪਟੀ ਪ੍ਰੀਮੀਅਰ ਕ੍ਰਿਸਟਾਇਨ ਇਲੀਅਟ ਅਨੁਸਾਰ ਹੁਣ ਇਥੇ ਸਥਿਤੀ ਕਾਬੂ ਹੇਠ ਹੈ ।
Today, Ontario is again reporting 111 cases of #COVID19, a 0.3% increase. Locally, 28 of Ontario’s 34 public health units are reporting five or fewer cases, with 18 of them reporting no new cases. Yesterday, the province processed over 31,000 tests.
— Christine Elliott (@celliottability) July 17, 2020
ਟੋਰਾਂਟੋ
ਉਧਰ ਟੋਰਾਂਟੋ ‘ਚ ਪਿਛਲੇ 24 ਘੰਟਿਆਂ ਦੌਰਾਨ 30,000+ ਟੈਸਟ ਕੀਤੇ ਗਏ। ਕੋਰੋਨਾ ਵਾਇਰਸ ਦੇ ਸਭ ਤੋਂ ਵੱਧ 38 ਨਵੇਂ ਮਾਮਲੇ ਟੋਰਾਂਟੋ ‘ਚ ਦਰਜ ਹੋਏ ਹਨ। ਵਿੰਡਸਰ-ਐਸੈਕਸ ‘ਚ 21 ਮਾਮਲੇ ਆਏ ਹਨ। ਉੱਥੇ ਹੀ, ਪੀਲ ਰੀਜ਼ਨ ‘ਚ ਇਸ ਦੌਰਾਨ ਸਿਰਫ 3 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਟੋਰਾਂਟੋ ਨੂੰ ਛੱਡ ਕੇ ਸੂਬੇ ਦੇ ਜ਼ਿਆਦਾਤਰ ਹਿੱਸਿਆਂ ‘ਚ ਜਿੰਮ, ਰੈਸਟੋਰੈਂਟ ਵਗੈਰਾ ਖੋਲ੍ਹਣ ਦੀ ਮਨਜ਼ੂਰੀ ਦੇ ਦਿੱਤੀ ਗਈ ਹੈ। ਟੋਰਾਂਟੋ ‘ਚ ਲਗਾਤਾਰ ਆ ਰਹੇ ਮਾਮਲਿਆਂ ਕਾਰਨ ਇਹ ਫਿਲਹਾਲ ਸਟੇਜ-2 ‘ਚ ਹੀ ਹੈ। ਉੱਥੇ ਹੀ, ਸੂਬੇ ‘ਚ ਕੋਰੋਨਾ ਕਾਰਨ 9 ਹੋਰ ਮੌਤਾਂ ਹੋਣ ਨਾਲ ਮ੍ਰਿਤਕਾਂ ਦੀ ਗਿਣਤੀ 2,746 ਹੋ ਗਈ ਹੈ।
ਉਂਟਾਰੀਓ ਦੀ ਸਿਹਤ ਮੰਤਰੀ ਅਤੇ ਡਿਪਟੀ ਪ੍ਰੀਮੀਅਰ ਕ੍ਰਿਸਟਾਇਨ ਇਲੀਅਟ ਨੇ ਕਿਹਾ ਕਿ ਹੁਣ ਅਸੀਂ ਸਟੇਜ-3 ਵਿੱਚ ਪਹੁੰਚ ਚੁੱਕੇ ਹਾਂ, ਉਹਨਾਂ ਲੋਕਾਂ ਨੂੰ ਮਾਸਕ ਲਾਜ਼ਮੀ ਤੌਰ ਤੇ ਪਹਿਨਣ ਦੀ ਅਪੀਲ ਕੀਤੀ।
Most of Ontario enters Stage 3 today. As we do, please continue to practice physical distancing and wear a face covering when doing so is a challenge, such as safely visiting a favourite local store. Today’s numbers will be available at 10:30 a.m. at https://t.co/ypmgZbVRvn.
— Christine Elliott (@celliottability) July 17, 2020
ਕੋਰੋਨਾ ਦੇ ਹੱਲ ਲਈ ਲੋਕਾਂ ਦੀਆਂ ਨਜ਼ਰਾਂ ਹੁਣ ਸਰਕਾਰਾਂ ਵੱਲ ਟਿਕੀਆਂ ਹੋਈਆਂ ਨੇ ਕਿ ਆਖ਼ਰ ਕਦੋਂ ਤੱਕ ਕੋਰੋਨਾ ਦੀ ਵੈਕਸੀਨ ਉਹ ਹਾਸਲ ਕਰ ਸਕਣਗੇ। ਹਾਲ ਦੀ ਘੜੀ ਲੋਕਾਂ ਵਾਸਤੇ ਮਾਸਕ ਹੀ ਕੋਰੋਨਾ ਤੋਂ ਬਚਣ ਲਈ ਸਭ ਤੋਂ ਵੱਡਾ ਹਥਿਆਰ ਸਾਬਤ ਹੋ ਰਿਹਾ ਹੈ।