ਓਟਾਵਾ : ‘ਚਾਇਨਾ ਵਾਇਰਸ’ ਕਾਰਨ ਕਰੀਬ ਡੇਢ ਸਾਲਾਂ ਤੋਂ ਪੂਰੀ ਦੁਨੀਆ ਤ੍ਰਾਹਿਮਾਮ-ਤ੍ਰਾਹਿਮਾਮ ਕਰ ਰਹੀ ਹੈ । ਇਹ ਵਾਇਰਸ ਹੁਣ ਨਵੇਂ ਸਟ੍ਰੇਨ ਦੇ ਨਾਲ ਦੁਨੀਆ ਵਾਸਤੇ ਖ਼ੌਫ਼ ਬਣ ਚੁੱਕਾ ਹੈ । ਉਧਰ ਇਸ ਕੋਰੋਨਾ ਕਾਰਨ ਹਰ ਮੁਲਕ ‘ਚ ਕਾਰੋਬਾਰਾਂ ਤੇ ਪ੍ਰਭਾਵ ਪਿਆ ਹੈ । ਕੋਰੋਨਾ ਦੇ ਚਲਦਿਆਂ ਹੋਈ ਤਾਲਾਬੰਦੀ ਨੇ ਕਈ ਕਾਰੋਬਾਰਾਂ ਨੂੰ ਅਜਿਹੀ ਸੱਟ ਲੱਗੀ ਹੈ ਕਿ ਉਹ ਹੁਣ ਤੱਕ ਇਸ ਤੋਂ ਉਭਰ ਨਹੀਂ ਪਾਏ ਹਨ। ਮਹਾਂਮਾਰੀ ਦੀ ਸਭ ਤੋਂ ਵੱਡੀ ਮਾਰ ਹਵਾਈ ਕੰਪਨੀਆਂ ’ਤੇ ਪਈ ਸੀ, ਕਿਉਂਕਿ ਲੌਕਡਾਊਨ ਹੋਣ ਕਾਰਨ ਲਗਭਗ ਸਾਰੇ ਮੁਲਕਾਂ ਨੇ ਹਵਾਈ ਯਾਤਰਾ ’ਤੇ ਪਾਬੰਦੀਆਂ ਲਾ ਦਿੱਤੀਆਂ ਸਨ। ਕੈਨੇਡਾ ਦੀਆਂ ਸਭ ਤੋਂ ਵੱਡੀਆਂ ਹਵਾਈ ਕੰਪਨੀਆਂ ਵਿੱਚੋਂ ਇੱਕ ‘ਏਅਰ ਕੈਨੇਡਾ’ ਵੀ ਮਹਾਂਮਾਰੀ ਦੀ ਇਸ ਮਾਰ ਤੋਂ ਨਹੀਂ ਬਚ ਸਕੀ ਤੇ ਉਸ ਦਾ ਕਾਰੋਬਾਰ ਲੀਹ ਤੋਂ ਉਤਰ ਗਿਆ, ਪਰ ਹੁਣ ਇਸ ਕੰਪਨੀ ਨੂੰ ਸਹਾਰਾ ਮਿਲਦਾ ਹੋਇਆ ਨਜ਼ਰ ਆ ਰਿਹਾ ਹੈ, ਕਿਉਂਕਿ ਕੰਪਨੀ ਨੂੰ ਆਰਥਿਕ ਘਾਟੇ ’ਚੋਂ ਬਾਹਰ ਕੱਢਣ ਲਈ ਕੈਨੇਡਾ ਦੀ ਲਿਬਰਲ ਸਰਕਾਰ ਨੇ 5.9 ਬਿਲੀਅਨ ਡਾਲਰ ਦੇ ਰਾਹਤ ਪੈਕੇਜ ਦਾ ਸਮਝੌਤਾ ਕੀਤਾ ਹੈ।
Airlines are essential for maintaining connections between communities across our vast country.
— Chrystia Freeland (@cafreeland) April 13, 2021
ਕੈਨੇਡਾ ਦੀ ਉਪ ਪ੍ਰਧਾਨ ਮੰਤਰੀ ਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਅਤੇ ਟਰਾਂਸਪੋਰਟ ਮੰਤਰੀ ਓਮਰ ਅਲਘਾਬਰਾ ਨੇ ਇਸ ਸਬੰਧੀ ਓਟਾਵਾ ’ਚ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਵੱਡਾ ਐਲਾਨ ਕੀਤਾ। ਕ੍ਰਿਸਟੀਆ ਫਰੀਲੈਂਡ ਨੇ ਕਿਹਾ ਕਿ ਫੈਡਰਲ ਸਰਕਾਰ ਏਅਰ ਕੈਨੇਡਾ ਨੂੰ ‘ਲਾਰਜ ਐਂਪਲਾਇਰ ਐਮਰਜੰਸੀ ਫਾਇਨੈਂਸ਼ੀਅਲ ਫੈਸਲਿਟੀ’ (LEEFF) ਪ੍ਰੋਗਰਾਮ ਰਾਹੀਂ 5.9 ਬਿਲੀਅਨ ਡਾਲਰ ਦਾ ਭੁਗਤਾਨ ਕਰੇਗੀ। ਇਸ ਪ੍ਰੋਗਰਾਮ ਦਾ ਮੁੱਖ ਟੀਚਾ ਕੈਨੇਡਾ ਦੀਆਂ ਉਨ੍ਹਾਂ ਵੰਡੀਆਂ ਕੰਪਨੀਆਂ ਜਾਂ ਰੋਜ਼ਗਾਰਦਾਤਾ ਦੀ ਮਦਦ ਕਰਨਾ ਹੈ, ਜਿਹੜੇ ਕੋਵਿਡ-19 ਮਹਾਂਮਾਰੀ ਕਾਰਨ ਘਾਟੇ ਵਿੱਚ ਚਲੇ ਗਏ ਹਨ।
➡️ Airline jobs, pensions, and agreements are protected
➡️ Restriction on dividends, buying back shares, and executive compensation https://t.co/r9CkBnbbgy— Chrystia Freeland (@cafreeland) April 13, 2021
ਫੈਡਰਲ ਮੰਤਰੀਆਂ ਨੇ ਆਸ ਪ੍ਰਗਟਾਈ ਕਿ ਇਸ ਨਾਲ ਏਅਰ ਕੈਨੇਡਾ ਨੂੰ ਨਵੀਂ ਤਾਕਤ ਮਿਲੇਗੀ ਅਤੇ ਉਹ ਮੁੜ ਤੋਂ ਪਹਿਲਾਂ ਵਾਂਗ ਆਪਣੇ ਆਪ ਨੂੰ ਸਾਬਤ ਕਰਨ ਵਿੱਚ ਸਫ਼ਲ ਹੋਵੇਗੀ।
