ਕੈਨੇਡਾ ਸਰਕਾਰ ਨੇ ਪਹਿਲਕਦਮੀ ਕਰਦੇ ਹੋਏ ਕਈ ਵੱਖਰੇ ਸਰਹੱਦੀ ਭਾਈਚਾਰਿਆਂ ਦੇ ਵਸਨੀਕਾਂ ਲਈ ਕੈਨੇਡਾ ਦਾਖਲ ਹੋਣ ਤੋਂ ਬਾਅਦ 14 ਦਿਨਾਂ ਦੀ ਕੁਆਰੰਟੀਨ ਕਰਨ ਦੀ ਸ਼ਰਤ ਨੂੰ ਹਟਾ ਲਿਆ ਹੈ । ਜਨਤਕ ਸੁਰੱਖਿਆ ਮੰਤਰੀ ਬਿਲ ਬਲੇਅਰ ਅਤੇ ਸਿਹਤ ਮੰਤਰੀ ਪੈਟੀ ਹਾਜਦੂ ਨੇ ਸ਼ੁੱਕਰਵਾਰ ਸ਼ਾਮ ਨੂੰ ਇੱਕ ਮੀਡੀਆ ਰਿਲੀਜ਼ ਵਿੱਚ ਤਬਦੀਲੀਆਂ ਦਾ ਐਲਾਨ ਕੀਤਾ। ਨਵੇਂ ਨਿਯਮ ਸਟੀਵਰਟ, ਬੀ.ਸੀ., ਹੈਦਰ, ਏ.ਕੇ., ਕੈਂਪੋਬੇਲੋ ਆਈਲੈਂਡ, ਐਨ.ਬੀ. ਅਤੇ ਮਿਨੀਸੋਟਾ ਦਾ ਉੱਤਰ ਪੱਛਮੀ ਐਂਗਲ ਦੇ ਵਸਨੀਕਾਂ ‘ਤੇ ਲਾਗੂ ਹੁੰਦੇ ਹਨ ।
ਤਬਦੀਲੀਆਂ ਦੇ ਤਹਿਤ, ਇਹਨਾਂ ਭਾਈਚਾਰਿਆਂ ਦੇ ਵਸਨੀਕ ਨੇੜਲੇ ਕੈਨੇਡੀਅਨ ਜਾਂ ਅਮਰੀਕੀ ਕਮਿਊਨਿਟੀ ਤੋਂ ‘ਜੀਵਨ ਦੀਆਂ ਜਰੂਰਤਾਂ (ਜਿਵੇਂ ਖਾਣਾ, ਡਾਕਟਰੀ ਸੇਵਾਵਾਂ) ਤੱਕ ਪਹੁੰਚਣ ਦੇ ਲਈ ਸਰਹੱਦ ਪਾਰ ਕਰ ਸਕਣਗੇ’
ਪਹਿਲਾਂ ਤੋਂ ਜਾਰੀ ਸਖਤ ਨਿਯਮਾਂ ਵਿਚ ਤਬਦੀਲੀ ਪਿੱਛੇ ਵੱਡਾ ਕਾਰਨ ਇਨ੍ਹਾ ਭਾਈਚਾਰਿਆਂ ਵੱਲੋਂ ਕੀਤੀ ਗਈ ਅਪੀਲ ਨੂੰ ਦੱਸਿਆ ਜਾ ਰਿਹਾ ਹੈ।
ਹੈਡਰ ਜਿਹੇ ਭਾਈਚਾਰਿਆਂ ਦੇ ਵਸਨੀਕਾਂ, ਜਿਨ੍ਹਾਂ ਦੀ ਯੂਨਾਈਟਿਡ ਸਟੇਟ ਤੱਕ ਸੜਕ ਦੀ ਪਹੁੰਚ ਨਹੀਂ ਹੈ, ਅਤੇ ਕੈਂਪੋਬੇਲੋ, ਜਿਸ ਦੀ ਕੈਨੇਡਾ ਲਈ ਸੜਕ ਨਹੀਂ ਹੈ, ਨੇ ਕਈ ਮਹੀਨਿਆਂ ਤੋਂ ਤਬਦੀਲੀ ਦੀ ਗੁਹਾਰ ਲਗਾਈ ਸੀ ਅਤੇ ਕਿਹਾ ਕਿ ਉਹ ਨਾਜ਼ੁਕ ਸੇਵਾਵਾਂ ਤੋਂ ਅਲੱਗ ਹੋ ਗਏ ਹਨ। ਹੋਮ ਇਸ ਤਬਦੀਲੀ ਵਿਚ ਪੁਆਇੰਟ ਰਾਬਰਟਸ ਸ਼ਾਮਲ ਨਹੀਂ ਹਨ, ਜੋ ਵਾਸ਼ਿੰਗਟਨ ਰਾਜ ਦੀ ਇਕ ਕਮਿਊਨਿਟੀ ਹੈ ਜਿਸ ਵਿਚ ਮੈਟਰੋ ਵੈਨਕੂਵਰ ਦੇ ਦੱਖਣ ਵਿਚ ਤਕਰੀਬਨ 1,300 ਲੋਕ ਸ਼ਾਮਲ ਹਨ ਜਿਸ ਵਿਚ ਸੰਯੁਕਤ ਰਾਜ ਅਮਰੀਕਾ ਤੱਕ ਸੜਕ ਦੀ ਘਾਟ ਵੀ ਹੈ ਅਤੇ ਉਹ ਛੋਟ ਦੀ ਅਪੀਲ ਕਰ ਰਹੇ ਹਨ।
ਫੈਡਰਲ ਅਧਿਕਾਰੀਆਂ ਨੇ ਕਿਹਾ ਕਿ ਉਹ ਕੈਨੇਡੀਅਨ ਅਤੇ ਸੰਯੁਕਤ ਰਾਜ ਦੇ ਬੱਚਿਆਂ ਲਈ ਅਲੱਗ-ਅਲੱਗ ਨਿਯਮਾਂ ਨੂੰ ਵੀ ਖਤਮ ਕਰ ਰਹੇ ਹਨ ਜੋ ਨਿਯਮਤ ਤੌਰ ‘ਤੇ ਸਕੂਲ ਜਾਣ ਲਈ ਸਰਹੱਦ ਪਾਰ ਕਰਦੇ ਹਨ ਅਤੇ ਉਨ੍ਹਾਂ ਬੱਚਿਆਂ ਲਈ ਜੋ ਅੰਤਰ-ਸਰਹੱਦੀ ਹਿਰਾਸਤ ਵਿਚ ਹਨ।
ਜਾਰੀ ਕੀਤੇ ਬਦਲਾਅ ਅਨੁਸਾਰ ਇਹ ਤਬਦੀਲੀ ਸੂਬਾਈ ਅਤੇ ਸਥਾਨਕ ਸਿਹਤ ਅਧਿਕਾਰੀਆਂ ਦੀ ਮਨਜ਼ੂਰੀ ‘ਤੇ ਨਿਰਭਰ ਹੋਵੇਗੀ। ਹੋਰ ਕੈਨੇਡੀਅਨਾਂ ਅਤੇ ਸੰਯੁਕਤ ਰਾਜ ਦੇ ਵਸਨੀਕਾਂ ਲਈ ਸਰਹੱਦ ਦੀ ਗੈਰ-ਜ਼ਰੂਰੀ ਯਾਤਰਾ ਲਈ ਪਾਬੰਦੀ ਸ਼ੁੱਕਰਵਾਰ ਤੋਂ 30 ਨਵੰਬਰ ਤੱਕ ਫਿਰ ਵਧਾ ਦਿੱਤੀ ਗਈ ।
