ਵੈਲੰਨਟਾਈਨ ਡੇਅ ਆ ਰਿਹਾ ਹੈ। ਸਾਰੇ ਆਪਣੇ ਪਿਆਰਿਆਂ ਨੂੰ ਤੋਹਫਾਂ ਦੇਕੇ ਆਪਣੇ ਪਿਆਰ ਦਾ ਇਜ਼ਹਾਰ ਕਰ ਰਹੇ ਹਨ। ਪਰ ਕੈਨੇਡਾ ‘ਚ ਕੋਵਿਡ 19 ਕਾਰਨ ਇਹ ਤਿਓਹਾਰ ਵੀ ਪਹਿਲਾਂ ਵਾਂਗ ਨਹੀਂ ਮਨਾਇਆ ਜਾ ਸਕਦਾ ਕਿਉਂਕਿ ਬਹੁਤ ਸਾਰੇ ਸੂਬਿਆਂ ਵਿਚ ਕੋਰੋਨਾ ਪਾਬੰਦੀਆਂ ਲਾਗੂ ਹਨ। ਇਸ ਸਾਲ ਬਹੁਤੇ ਲੋਕ ਆਪਣੇ ਪਿਆਰਿਆਂ ਨੂੰ ਪਿਆਰ ਦਾ ਇਜ਼ਹਾਰ ਕਰਨ ਲਈ ਫੁੱਲਾਂ ਦੇ ਗੁਲਦਸਤੇ ਭੇਜ ਰਹੇ ਹਨ। ਸਥਾਨਕ ਕਾਰੋਬਾਰੀਆਂ ਨੇ ਦੱਸਿਆ ਕਿ ਇਸ ਵਾਰ ਕੈਨੇਡਾ ਦੀ ਹੋਰ ਦੇਸ਼ਾਂ ਨਾਲ ਆਵਾਜਾਈ ਫਿਲਹਾਲ ਨਾ ਦੇ ਬਰਾਬਰ ਹੀ ਹੈ।
ਸਿਹਤ ਸੰਕਟ ਕਾਰਨ ਬਹੁਤ ਸਾਰੇ ਸਥਾਨਕ ਅਤੇ ਅੰਤਰਰਾਸ਼ਟਰੀ ਫਾਰਮਾਂ ਨੇ ਪਿਛਲੇ ਸਾਲ ਫੁੱਲਾਂ ਦੇ ਉਤਪਾਦਨ ਨੂੰ ਘਟਾ ਦਿੱਤਾ ਸੀ ਜਾਂ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤਾ ਸੀ, ਅਤੇ ਜਦੋਂ ਕਿ ਸੰਚਾਲਨ ਵੱਡੇ ਪੱਧਰ ‘ਤੇ ਦੁਬਾਰਾ ਸ਼ੁਰੂ ਹੋਏ ਹਨ, ਉਦਯੋਗ ਦੇ ਕੁਝ ਲੋਕਾਂ ਦੇ ਅਨੁਸਾਰ ਸਪਲਾਈ ਅਜੇ ਵੀ ਘੱਟ ਰਹੀ ਹੈ।
ਕੋਰੋਨਾ ਵਾਇਰਸ ਕਾਰਨ ਲੋਕ ਬਾਹਰ ਖਾਣ-ਪੀਣ ਲਈ ਵੀ ਨਹੀਂ ਜਾ ਸਕਦੇ ਕਿਉਂਕਿ ਹਰ ਥਾਂ ‘ਤੇ 25 ਫ਼ੀਸਦੀ ਲੋਕ ਹੀ ਇਕੱਠੇ ਹੋ ਸਕਦੇ ਹਨ। ਇਸੇ ਲਈ ਬਹੁਤੇ ਲੋਕ ਵੈਲੇਨਟਾਈਨ ਮਨਾਉਣ ਲਈ ਘਰਾਂ ਵਿਚ ਹੀ ਸਜਾਵਟ ਕਰ ਰਹੇ ਹਨ ਤੇ ਇਸ ਲਈ ਫੁੱਲਾਂ ਦੀ ਮੰਗ ਬਹੁਤ ਵੱਧ ਗਈ ਹੈ। ਜਿਸ ਕਾਰਨ ਓਂਟਾਰੀਓ ਨੂੰ ਫੁੱਲਾਂ ਦੀ ਘਾਟ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
