ਓਟਾਵਾ : ਕੈਨੇਡਾ ਵਿੱਚ ਕੋਰੋਨਾ ਦੇ ਮਾਮਲੇ ਹੁਣ ਪਹਿਲਾਂ ਨਾਲੋਂ ਘਟਦੇ ਨਜ਼ਰ ਆ ਰਹੇ ਹਨ । ਖਾਸ ਗੱਲ ਇਹ ਹੈ ਕਿ ਕੋਰੋਨਾ ਪ੍ਰਭਾਵਿਤ ਸੂਬਿਆਂ ਵਿੱਚ ਗ੍ਰਾਫ਼ ਹੁਣ ਡਿੱਗਣਾ ਸ਼ੁਰੂ ਹੋ ਗਿਆ ਹੈ, ਜਿਹੜਾ ਕਿ ਇਕ ਚੰਗਾ ਸੰਕੇਤ ਹੈ। ਦੇਸ਼ ਭਰ ਦੇ ਸਿਹਤ ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਨਾਵਲ ਕੋਰੋਨਾ ਵਾਇਰਸ ਦੇ 3,235 ਨਵੇਂ ਕੇਸਾਂ ਦੀ ਰਿਪੋਰਟ ਕੀਤੀ, ਇਸ ਤਰ੍ਹਾਂ ਕੈਨੇਡਾ ਵਿੱਚ ਲਾਗਾਂ ਦੀ ਕੁੱਲ ਸੰਖਿਆ 7,89,654 ਤੱਕ ਪਹੁੰਚ ਗਈ ਹੈ।
ਕੋਵਿਡ-19 ਲਈ ਸਕਾਰਾਤਮਕ ਟੈਸਟ ਕਰਨ ਤੋਂ ਬਾਅਦ ਕੈਨੇਡਾ ਵਿੱਚ 142 ਲੋਕਾਂ ਦੀ ਜਾਨ ਚਲੀ ਗਈ, ਜਿਸ ਨਾਲ ਦੇਸ਼ ਦੀ ਮੌਤ ਦੀ ਗਿਣਤੀ 20,355 ਹੋ ਗਈ ਹੈ।
ਹਾਲਾਂਕਿ, ਬਿਮਾਰੀ ਦਾ ਸੰਕਰਮਣ ਕਰਨ ਤੋਂ ਬਾਅਦ 7,20,000 ਤੋਂ ਵੱਧ ਲੋਕ ਸਿਹਤਯਾਬ ਹੋ ਗਏ ਹਨ। ਕੋਰੋਨਾ ਵਾਇਰਸ ਤੋਂ ਬਚਾਅ ਲਈ 9,97,265 ਟੀਕੇ ਲਗਵਾਏ ਗਏ ਹਨ।
ਕੈਨੇਡਾ ਦੀ ਮੁੱਖ ਜਨ ਸਿਹਤ ਅਧਿਕਾਰੀ ਡਾ. ਥੇਰੇਸਾ ਟਾਮ ਨੇ ਬੁੱਧਵਾਰ ਨੂੰ ਇੱਕ ਤੋਂ ਬਾਅਦ ਇੱਕ ਟਵੀਟ ਕਰਦੇ ਹੋਏ ਇੱਕ ਲੜੀ ਵਿੱਚ ਕਿਹਾ ਕਿ ‘ਜਦੋਂ ਕੇਸਾਂ ਦੀ ਗਿਣਤੀ ਨਿਰੰਤਰ ਘਟਦੀ ਜਾ ਰਹੀ ਹੈ, ਦੇਸ਼ ਵਿੱਚ ਮਹਾਂਮਾਰੀ ਦੀ ਪਹਿਲੀ ਲਹਿਰ ਦੌਰਾਨ ਹੋਏ ਲਾਗਾਂ ਦੀ ਗਿਣਤੀ ਦੁੱਗਣੀ ਤੋਂ ਵੀ ਵੱਧ ਦੱਸੀ ਜਾ ਰਹੀ ਹੈ। ਇਸ ਲਈ ਸਾਨੂੰ ਪਬਲਿਕ ਹੈਲਥ ਉਪਰਾਲਿਆਂ ‘ਤੇ ਪੱਕੇ ਰਹਿਣ ਦੀ ਲੋੜ ਹੈ।’
Declining case counts are paying off with national reductions in severe outcomes this week compared to last: hospitalisations ↓12%, ICU admissions ↓6%; deaths ↓28% – Our efforts are saving lives & easing burden on healthcare.#WashMaskSpace: https://t.co/w27G7rHASE
— Dr. Theresa Tam (@CPHO_Canada) February 3, 2021
ਟਾਮ ਨੇ ਕਿਹਾ ਕਿ ਦੇਸ਼ ਭਰ ਦੀਆਂ ਹਸਪਤਾਲਾਂ ਵਿੱਚ ਦਾਖਲ ਹੋਣ ਦੀ ਸੰਖਿਆ ਵਿੱਚ 12 ਫ਼ੀਸਦ ਗਿਰਾਵਟ ਅਤੇ ਇੰਨਟੈਂਸਿਵ ਕੇਅਰ ਯੂਨਿਟਾਂ ਵਿੱਚ ਦਾਖਲਿਆਂ ਦੀ ਗਿਣਤੀ ਵਿੱਚ 6 ਫ਼ੀਸਦ ਦੀ ਗਿਰਾਵਟ ਆਈ ਹੈ। ਟਾਮ ਨੇ ਇਹ ਵੀ ਕਿਹਾ ਕਿ ਕੈਨੇਡਾ ਵਿਚ ਕੋਵਿਡ-19 ਦੇ ਨਤੀਜੇ ਵਜੋਂ ਹੋਈਆਂ ਮੌਤਾਂ ਦੀ ਗਿਣਤੀ ਵਿੱਚ 28 ਫ਼ੀਸਦ ਦੀ ਗਿਰਾਵਟ ਆਈ ਹੈ। ਇਸਦੇ ਨਾਲ ਹੀ ਉਹਨਾਂ ਲੋਕਾਂ ਨੂੰ ਕੋਰੋਨਾ ਸਬੰਧੀ ਨਿਯਮਾਂ ਦੀ ਪਾਲਨਾ ਵਿੱਚ ਕੋਈ ਢਿੱਲ ਨਾ ਦੇਣ ਦੀ ਵੀ ਅਪੀਲ ਕੀਤੀ ।
Making small changes to your everyday routine to minimize close contact with others outside of your household can save lives. Do your part to slow the spread of #COVID19.
✔ Wear a mask
✔ #PhysicalDistancing
✔ Wash your hands
✔ Stay home if sickhttps://t.co/GLs0F0f1yw pic.twitter.com/SHF6mv17lU— Health Canada and PHAC (@GovCanHealth) February 3, 2021