ਓਟਾਵਾ : ਕਰੀਬ ਇੱਕ ਸਾਲ ਤੋਂ ਵੱਧ ਸਮਾਂ ਬੀਤਣ ਦੇ ਬਾਵਜੂਦ ਵੀ ਕੋਰੋਨਾ ਵਾਇਰਸ ਦਾ ਕਹਿਰ ਥਮਦਾ ਨਜ਼ਰ ਨਹੀਂ ਆ ਰਿਹਾ। ਬੀਤੇ 12-13 ਮਹੀਨਿਆਂ ਵਿੱਚ ‘ਚਾਇਨੀਜ਼ ਵਾਇਰਸ’ ਆਪਣੇ ਨਵੇਂ ਰੂਪਾਂ ਨਾਲ ਹੋਰ ਵੀ ਜ਼ਿਆਦਾ ਘਾਤਕ ਹੋ ਗਿਆ ਹੈ। ਕੋਰੋਨਾ ਵਾਇਰਸ ਦੇ ਯੂ.ਕੇ ਅਤੇ ਦੱਖਣੀ ਅਫ਼ਰੀਕਾ ਵਾਲੇ ਖ਼ਤਰਨਾਕ ਸਟ੍ਰੇਨਜ਼ ਦੀ ਨਕੇਲ ਕਸਣ ਵਿਚ ਕੈਨੇਡਾ ਸੰਭਾਵਤ ਤੌਰ ’ਤੇ ਸਫ਼ਲ ਨਹੀਂ ਹੋਇਆ ਅਤੇ ਆਉਣ ਵਾਲੇ ਦਿਨਾਂ ਵਿਚ ਰੋਜ਼ਾਨਾ ਸਾਹਮਣੇ ਆ ਰਹੇ ਮਰੀਜ਼ਾਂ ਦੀ ਗਿਣਤੀ 12 ਹਜ਼ਾਰ ਤੱਕ ਪਹੁੰਚਣ ਦਾ ਖ਼ਦਸ਼ਾ ਜ਼ਾਹਰ ਕੀਤਾ ਗਿਆ ਹੈ।
#VariantsOfConcern spread faster, giving us much less margin for error; every moment we realise we could be doing more, better…is an opportunity to do our best to protect ourselves and each other from #COVID19.#SaturdayMotivation https://t.co/BVRN2FfNtP pic.twitter.com/U409VowJyv
— Dr. Theresa Tam (@CPHO_Canada) March 27, 2021
ਪਬਲਿਕ ਹੈਲਥ ਏਜੰਸੀ ਆਫ਼ ਕੈਨੇਡਾ ਵੱਲੋਂ ਜਾਰੀ ਅੰਕੜਿਆਂ ਮੁਤਾਬਕ ਅਗਲੇ ਹਫ਼ਤੇ ਮਰੀਜ਼ਾਂ ਦੀ ਕੁਲ ਗਿਣਤੀ 10 ਲੱਖ ਤੋਂ ਟੱਪ ਜਾਵੇਗੀ ਜੋ ਸ਼ਨਿੱਚਰਵਾਰ ਰਾਤ ਤੱਕ 9 ਲੱਖ 60 ਹਜ਼ਾਰ ਤੋਂ ਵੱਧ ਦਰਜ ਕੀਤੀ ਗਈ।
ਕੈਨੇਡਾ ਦੀ ਮੁੱਖ ਸਿਹਤ ਅਫ਼ਸਰ ਡਾ. ਥੈਰੇਸਾ ਟੈਮ ਨੇ ਕਿਹਾ ਹੈ ਕਿ ਭਾਵੇਂ ਵੈਕਸੀਨੇਸ਼ਨ ਦੀ ਰਫ਼ਤਾਰ ਤੇਜ਼ ਕੀਤੀ ਗਈ ਹੈ ਪਰ ਇਹ ਵਾਇਰਸ ਫ਼ੈਲਣ ਦੀ ਰਫ਼ਤਾਰ ਨੂੰ ਮਾਤ ਨਹੀਂ ਦੇ ਸਕੀ ਜਿਸ ਨੂੰ ਵੇਖਦਿਆਂ ਕੈਨੇਡੀਅਨਜ਼ ਵਾਸਤੇ ਲਾਜ਼ਮੀ ਹੈ ਕਿ ਉਹ ਸਮਾਜਿਕ ਮੇਲ-ਮਿਲਾਪ ਬਿਲਕੁਲ ਘਟਾ ਦੇਣ।
2/2 With #COVID19vaccines supply increasing & vaccinations expanding, #TeamVaccine advancing but we still need to hold our ground by working together to keep up with #publichealth measures + individual practices: https://t.co/w27G7rHASE#VaccinesVsVariants
— Dr. Theresa Tam (@CPHO_Canada) March 27, 2021
ਡਾ. ਥੈਰੇਸਾ ਟੈਮ ਨੇ ਆਮ ਲੋਕਾਂ ਨੂੰ ਪਾਬੰਦੀਆਂ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਕਮੀ ਨਾ ਰੱਖਣ ਦੀ ਅਪੀਲ ਕਰਦਿਆਂ ਕਿਹਾ ਕਿ ਚੇਹਰੇ ‘ਤੇ ਮਾਸਕ ਅਤੇ ਸਮਾਜਿਕ ਦੂਰੀ ਬਹਿਤਰ ਉਪਾਅ ਹਨ ਕਿਉਂਕਿ ਵੈਕਸੀਨ ਲਗਾਉਣ ਦੇ ਬਾਵਜੂਦ ਵੀ ਕੋਰੋਨਾ ਵਾਇਰਸ ਲਗਾਤਾਰ ਫੈਲਦਾ ਜਾ ਰਿਹਾ ਹੈ।
It’s important to keep up with #PublicHealth practices.
This weekend, as we venture outdoors more with the arrival of spring, don’t forget to #WearAMask & practice #PhysicalDistancing with people from outside our household. https://t.co/4EnoQCAbth pic.twitter.com/hDNn549LkI
— Dr. Theresa Tam (@CPHO_Canada) March 26, 2021
ਇਸ ਸਮੇਂ ਕੈਨੇਡਾ ਵਿੱਚ ਕੋਰੋਨਾ ਦੇ 9,60,117 ਕੇਸ ਦਰਜ ਕੀਤੇ ਜਾ ਚੁੱਕੇ ਹਨ। ਇਹਨਾਂ ਵਿੱਚੋਂ 8,95,668 ਸਿਹਤਯਾਬ ਹੋ ਚੁੱਕੇ ਹਨ ਜਦੋਂ ਕਿ ਕੋਰੋਨਾ ਕਾਰਨ 22,850 ਲੋਕਾਂ ਦੀ ਜਾਨ ਚਲੀ ਗਈ ਹੈ।