ਕੈਨੇਡਾ ਨੇ ਸੋਮਵਾਰ ਨੂੰ ਨਾਵਲ ਕੋਰੋਨਾ ਵਾਇਰਸ ਦੇ 1000 ਤੋਂ ਘੱਟ ਨਵੇਂ ਕੇਸਾਂ ਦੀ ਪੁਸ਼ਟੀ ਕੀਤੀ ਹੈ।
ਸੋਮਵਾਰ ਨੂੰ ਕੈਨੇਡਾ ‘ਚ ਕੋਵਿਡ 19 ਦੇ 975 ਕੇਸ ਸਾਹਮਣੇ ਆਏ ਹਨ ਜਿਸ ਨਾਲ ਕੁਲ ਕੇਸਾਂ ਦੀ ਗਿਣਤੀ 182,653 ਹੋ ਗਈ ਹੈ। ਹੁਣ ਤੱਕ ਕੋਵਿਡ 19 ਦੇ ਕੁਲ 154,258 ਲੋਕ ਠੀਕ ਹੋ ਚੁਕੇ ਹਨ। ਸੋਮਵਾਰ ਨੂੰ ਕੋਵਿਡ 19 ਕਾਰਨ 14 ਲੋਕਾਂ ਦੀ ਮੌਤ ਹੋ ਗਈ ਹੈ । ਜਿਸ ਨਾਲ ਮਰਨ ਵਾਲਿਆਂ ਦੀ ਕੁੱਲ ਗਿਣਤੀ 9,627 ਹੋ ਗਈ ਹੈ। ਕੈਨੇਡਾ ‘ਚ 9.89 ਮਿਲੀਅਨ ਤੋਂ ਵੱਧ ਟੈਸਟ ਕੀਤੇ ਗਏ ਹਨ।
ਸੋਮਵਾਰ ਨੂੰ ਇਕ ਬਿਆਨ ‘ਚ ਕੈਨੇਡਾ ਦੀ ਮੁੱਖ ਜਨ ਸਿਹਤ ਅਧਿਕਾਰੀ ਡਾ.ਥੇਰੇਸਾ ਟਾਮ ਨੇ ਕਿਹਾ ਕਿ ਪਿਛਲੇ ਹਫਤੇ ‘ਚ ਰੋਜ਼ਾਨਾ ਔਸਤਨ 71,000 ਲੋਕਾਂ ਦਾ ਟੈਸਟ ਕੀਤਾ ਗਿਆ ਹੈ ਜਿਸ ‘ਚ 2.5 ਪ੍ਰਤੀਸ਼ਤ ਸਕਾਰਾਤਮਕ ਪਾਏ ਗਏ ਹਨ। ਟਾਮ ਨੇ ਮਹਾਂਮਾਰੀ ਦੇ ਵਿਰੁੱਧ ਲੜਾਈ ਵਿਚ ਜਨਤਕ ਸਿਹਤ ਕਰਮਚਾਰੀਆਂ ਅਤੇ ਲੰਬੇ ਸਮੇਂ ਦੇ ਕੇਅਰ ਹੋਮ ਸਟਾਫ ਦਾ ਧੰਨਵਾਦ ਕੀਤਾ।
1/3 #COVID19 key concerns in 🇨🇦 : this #Thanksgiving weekend I have been reflecting on the resolve and resilience Canadians have demonstrated in the face of COVID-19. With cases increasing in areas of the country, we need your efforts more than ever. https://t.co/Gjn1cn4bEK
— Dr. Theresa Tam (@CPHO_Canada) October 12, 2020
ਕਿਊਬਿਕ ਨੇ ਸੋਮਵਾਰ ਨੂੰ ਵਾਇਰਸ ਦੇ 843 ਨਵੇਂ ਕੇਸਾਂ ਦੀ ਰਿਪੋਰਟ ਕੀਤੀ, ਜਿਸ ਨਾਲ ਇਸ ਦੇ ਕੁੱਲ ਲੈਬ-ਪੁਸ਼ਟੀ ਕੀਤੇ ਕੇਸ 86,976 ਹੋ ਗਏ ਹਨ। ਸੂਬੇ ਵਿਚ ਸੋਮਵਾਰ ਨੂੰ ਕੁੱਲ 12 ਮੌਤਾਂ ਵੀ ਹੋਈਆਂ, ਹਾਲਾਂਕਿ ਪਿਛਲੇ 24 ਘੰਟਿਆਂ ਵਿਚ ਸਿਰਫ ਚਾਰ ਹੀ ਮੌਤਾਂ ਹੋਈਆਂ ਹਨ । ਜਿਸ ਨਾਲ ਸੂਬੇ ‘ਚ ਕੁਲ 5,965 ਮੌਤਾਂ ਹੋ ਚੁੱਕੀਆਂ ਹਨ, ਜਦੋਂਕਿ 72,000 ਤੋਂ ਜ਼ਿਆਦਾ ਲੋਕ ਠੀਕ ਹੋ ਚੁੱਕੇ ਹਨ।
ਮੈਨੀਟੋਬਾ ਨੇ ਸੋਮਵਾਰ ਨੂੰ 77 ਨਵੇਂ ਕੇਸ ਅਤੇ ਦੋ ਨਵੀਆਂ ਮੌਤਾਂ ਸ਼ਾਮਲ ਕੀਤੀਆਂ ਹਨ। ਹੁਣ ਤੱਕ ਸੂਬੇ ਵਿਚ ਕੁੱਲ 2,655 ਕੋਵਿਡ 19 ਕੇਸ ਸਾਹਮਣੇ ਆਏ ਹਨ ਅਤੇ 34 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਸਸਕੈਚਵਾਨ ਨੇ ਸੋਮਵਾਰ ਨੂੰ ਵਾਇਰਸ ਦੇ 48 ਨਵੇਂ ਕੇਸਾਂ ਦੀ ਰਿਪੋਰਟ ਕੀਤੀ। ਸੂਬੇ ‘ਚ ਲਗਭਗ 11 ਹਫ਼ਤਿਆਂ ਵਿੱਚ ਰੋਜ਼ਾਨਾ ਨਵੇਂ ਇਨਫੈਕਸ਼ਨਾਂ ਵਿੱਚ ਵਾਧਾ ਹੋਇਆ ਹੈ। ਸੂਬੇ ‘ਚ ਹੁਣ 2,140 ਕੋਵਿਡ -19 ਕੇਸ ਹਨ, ਅਤੇ 25 ਲੋਕਾਂ ਦੀ ਮੋਤ ਹੋ ਗਈ ਹੈ।
ਨਿਊ ਬਰਨਸਵਿਕ ਨੇ ਸੋਮਵਾਰ ਨੂੰ ਵਾਇਰਸ ਦੇ ਛੇ ਨਵੇਂ ਕੇਸ ਸ਼ਾਮਲ ਕੀਤੇ, ਜਿਸ ਨਾਲ ਇਸ ਦੇ ਕੁਲ ਲਾਗ 278 ਹੋ ਗਏ ਹਨ।
