ਓਟਾਵਾ : ਕੈਨੇਡਾ ਨੇ ਇੱਕ ਵਾਰ ਮੁੜ ਤੋਂ ਯਾਤਰਾ ਪਾਬੰਦੀਆਂ ਵਿੱਚ ਵਾਧਾ ਕੀਤਾ ਹੈ । ਫੈਡਰਲ ਸਰਕਾਰ ਵੱਲੋਂ ਅਮਰੀਕੀ ਯਾਤਰੀਆਂ ਲਈ 21 ਮਾਰਚ ਤੱਕ ਅਤੇ ਦੂਜੇ ਦੇਸ਼ਾਂ ਦੇ ਯਾਤਰੀਆਂ ਲਈ 21 ਅਪ੍ਰੈਲ ਤੱਕ ਯਾਤਰਾ ਪਾਬੰਦੀਆਂ ਵਧਾ ਦਿੱਤੀਆਂ ਗਈਆਂ ਹਨ । ਯਾਤਰਾ ਪਾਬੰਦੀਆਂ ਆਖਰੀ ਵਾਰ ਜਨਵਰੀ ਵਿੱਚ ਵਧਾਈਆਂ ਗਈਆਂ ਸਨ। ਇਸਦੇ ਨਾਲ ਹੀ ਕੋਰੋਨਾ ਤੇ ਲਗਾਮ ਕੱਸਣ ਲਈ ਕੈਨੇਡਾ ਨੇ ਸਰਹੱਦ ‘ਤੇ ਉਪਾਅ ਸਖਤ ਕੀਤੇ ਹਨ । ਅੰਤਰਰਾਸ਼ਟਰੀ ਉਡਾਣਾਂ ਸਿਰਫ ਚਾਰ ਕੈਨੇਡੀਅਨ ਹਵਾਈ ਅੱਡਿਆਂ ‘ਤੇ ਹੀ ਆ ਜਾ ਰਹੀਆਂ ਹਨ । ਕੈਨੇਡਾ ਦੀਆਂ ਚਾਰ ਵੱਡੀਆਂ ਏਅਰਲਾਇਨਸ ਨੇ ਮੈਕਸੀਕੋ ਅਤੇ ਕੈਰੇਬੀਅਨ ਲਈ ਉਡਾਣਾਂ ਮੁਅੱਤਲ ਕਰ ਰੱਖੀਆਂ ਹਨ। ਨਾਲ ਹੀ, ਆਉਣ ਵਾਲੇ ਹਵਾਈ ਯਾਤਰੀਆਂ ਨੂੰ ਹੁਣ ਪਹੁੰਚਣ ‘ਤੇ COVID-19 ਦਾ ਟੈਸਟ ਦੇਣਾ ਲਾਜ਼ਮੀ ਹੈ ਅਤੇ ਸਰਕਾਰ ਦੁਆਰਾ ਪ੍ਰਵਾਨਿਤ ਹੋਟਲ ਵਿੱਚ ਨਤੀਜਿਆਂ ਦੀ ਉਡੀਕ ਕਰਨੀ ਹੁੰਦੀ ਹੈ।
Effective today, travellers entering our land borders will require proof of a negative COVID-19 molecular test within 72 hours of arrival.
Travellers who try to enter without proof of a negative test can face a fine of up to $3,000, or even criminal prosecution.
— Bill Blair (@BillBlair) February 15, 2021
ਯਾਤਰੀ ਜਿਹੜੇ ਕੈਨੇਡਾ-ਅਮਰੀਕਾ ਦੀ ਧਰਤੀ ਦੀ ਸਰਹੱਦ ਪਾਰ ਕਰ ਰਹੇ ਹਨ, ਉਨ੍ਹਾਂ ਨੂੰ ਵੀ ਪਹੁੰਚਣ ‘ਤੇ ਲਾਜ਼ਮੀ COVID-19 ਟੈਸਟ ਵੀ ਦੇਣਾ ਪਵੇਗਾ । ਇਹ ਟੈਸਟ ਬਾਰਡਰ ਪਾਰ ਕਰਨ ਦੀ ਕੋਸ਼ਿਸ਼ ਕਰਨ ਤੋਂ ਪਹਿਲਾਂ 72 ਘੰਟਿਆਂ ਦੇ ਅੰਦਰ ਲਿਆ ਜਾਣਾ ਚਾਹੀਦਾ ਹੈ ।
ਉਧਰ ਕੁਆਰੰਟੀਨ ਲੋੜਾਂ ਨੂੰ ਵੀ 21 ਅਪ੍ਰੈਲ ਤੱਕ ਵਧਾ ਦਿੱਤਾ ਗਿਆ ਹੈ । ਕੈਨੇਡਾ ਜਾਣ ਵਾਲੇ ਸਾਰੇ ਯਾਤਰੀਆਂ ਨੂੰ 14 ਦਿਨਾਂ ਲਈ ਅਲੱਗ ਰੱਖਿਆ ਜਾਣਾ ਲਾਜ਼ਮੀ ਹੈ । ਸਿਰਫ ਜ਼ਰੂਰੀ ਯਾਤਰੀਆਂ, ਜਿਵੇਂ ਕਿ ਟਰੱਕ ਡਰਾਈਵਰ, ਐਮਰਜੈਂਸੀ ਸੇਵਾਵਾਂ ਪ੍ਰਦਾਨ ਕਰਨ ਵਾਲੇ, ਅਤੇ ਜਿਹੜੇ ਕੰਮ ਲਈ ਨਿਯਮਤ ਤੌਰ ‘ਤੇ ਕੈਨੇਡਾ-ਯੂ.ਐੱਸ. ਦੀ ਸਰਹੱਦ ਪਾਰ ਕਰਦੇ ਹਨ, ਉਨ੍ਹਾਂ ਨੂੰ ਇਕ ਕੋਵਿਡ -19 ਟੈਸਟ ਦੇਣਾ ਨਹੀਂ ਪੈਂਦਾ ਜਾਂ ਲਾਜ਼ਮੀ ਕੁਆਰੰਟੀਨ ਦੀ ਜ਼ਰੂਰਤ ਨੂੰ ਪੂਰਾ ਨਹੀਂ ਕਰਨਾ ਪੈਂਦਾ ।