ਓਟਾਵਾ: ਕੋਰੋਨਾ ਵੈਕਸੀਨ ਦੇ ਮੁੱਦੇ ਤੇ ਵਿਰੋਧੀਆਂ ਵੱਲੋਂ ਟਰੂਡੋ ਸਰਕਾਰ ਨੂੰ ਲਗਾਤਾਰ ਘੇਰਿਆ ਜਾ ਰਿਹਾ ਹੈ। ਉਧਰ ਟਰੂਡੋ ਦੇ ਮੰਤਰੀਆਂ ਦਾ ਕਹਿਣਾ ਹੈ ਕਿ ਵੈਕਸੀਨ ਦੀ ਢਿੱਲੀ ਸਪਲਾਈ ਵਿਚ ਹੁਣ ਤੇਜ਼ੀ ਆ ਜਾ ਰਹੀ ਹੈ । ਐਸਟ੍ਰਾਜ਼ੈਨੇਕਾ ਕੋਵਿਡ-19 ਵੈਕਸੀਨਜ਼ ਦੀ ਪਹਿਲੀ ਖੇਪ ਕੁਝ ਘੰਟਿਆਂ ਤੱਕ ਕੈਨੇਡਾ ਪਹੁੰਚ ਜਾਵੇਗੀ। ਇਸ ਦੇ ਨਾਲ ਹੀ ਇਸ ਹਫਤੇ ਕੁੱਲ ਮਿਲਾ ਕੇ ਵੈਕਸੀਨ ਦੀਆਂ 9 ਲੱਖ 44 ਹਜ਼ਾਰ 600 ਡੋਜ਼ ਕੈਨੇਡਾ ਨੂੰ ਹਾਸਲ ਹੋਣਗੀਆਂ।
This week 🇨🇦 will receive another 944,600 doses of #COVID19 vaccines⬇️
➡️ 444,600 doses of @PfizerCa
➡️ 500,000 doses of @AstraZeneca CoviShield doses are enroute to 🇨🇦 from the @SerumInstIndia and will arrive tomorrow. pic.twitter.com/9rETi6nSlf— Anita Anand (@AnitaOakville) March 2, 2021
ਇਹ ਜਾਣਕਾਰੀ ਖਰੀਦ ਮੰਤਰੀ ਅਨੀਤਾ ਆਨੰਦ ਨੇ ਮੰਗਲਵਾਰ ਨੂੰ ਦਿੱਤੀ। ਕੈਨੇਡਾ ਨੂੰ ਦੋ ਮਿਲੀਅਨ ਡੋਜ਼ਾਂ ਦੇਣ ਦੀ ਹੋਈ ਡੀਲ ਦੇ ਹਿੱਸੇ ਵਜੋਂ ਭਾਰਤ ਦੇ ਸੀਰਮ ਇੰਸਟੀਚਿਊਟ ਤੇ ਵੈਰਿਟੀ ਫਾਰਮਾਸਿਊਟੀਕਲਜ਼ ਵੱਲੋਂ ਪਹਿਲੀ ਖੇਪ ਵਜੋਂ ਐਸਟ੍ਰਾਜ਼ੈਨੇਕਾ ਦੇ 500,000 ਸ਼ਾਟਸ ਕੈਨੇਡਾ ਘੱਲੇ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਫਾਈਜ਼ਰ-ਬਾਇਓਐਨਟੈਕ ਵੈਕਸੀਨ ਦੀਆਂ 4,44,600 ਡੋਜ਼ਾਂ ਵੀ ਇਸ ਹਫਤੇ ਕੈਨੇਡਾ ਨੂੰ ਹਾਸਲ ਹੋਣਗੀਆਂ।
ਆਨੰਦ ਨੇ ਆਖਿਆ ਕਿ ਇਸ ਹਫਤੇ ਅੰਦਾਜ਼ਨ ਹਾਸਲ ਹੋਣ ਵਾਲੀਆਂ 9,45,000 ਡੋਜ਼ਾਂ ਤੋਂ ਇਲਾਵਾ ਅਗਲੇ ਹਫਤੇ ਸਾਨੂੰ ਵੈਕਸੀਨ ਦੀਆਂ 9,00,000 ਡੋਜ਼ਾਂ ਹੋਰ ਹਾਸਲ ਹੋਣਗੀਆਂ।
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਐਸਟ੍ਰਾਜੈ਼ਨੇਕਾ ਨੂੰ ਕੈਨੇਡਾ ਦੀਆਂ ਮਨਜੂ਼ਰਸ਼ੁਦਾ ਵੈਕਸੀਨਜ਼ ਦੀ ਸੂਚੀ ਵਿੱਚ ਸ਼ਾਮਲ ਕੀਤੇ ਜਾਣ ਨਾਲ ਵੈਕਸੀਨ ਦੀ ਖੇਪ ਦਿਨੋਂ ਦਿਨ ਵਧਦੀ ਹੀ ਜਾਣ ਵਾਲੀ ਹੈ। ਇਸ ਨਾਲ ਹੋਰ ਲੋਕਾਂ ਦਾ ਟੀਕਾਕਰਣ ਕਰਨ ਲਈ ਰਾਹ ਪੱਧਰਾ ਹੋ ਜਾਵੇਗਾ ਤੇ ਜੂਨ ਦੇ ਅੰਤ ਤੱਕ 14·5 ਮਿਲੀਅਨ ਕੈਨੇਡੀਅਨਾਂ ਨੂੰ ਪੂਰੀ ਤਰ੍ਹਾਂ ਵੈਕਸੀਨੇਟ ਕੀਤੇ ਜਾਣ ਦਾ ਟੀਚਾ ਪੂਰਾ ਕਰਨ ਵਿੱਚ ਵੀ ਮਦਦ ਮਿਲੇਗੀ।