ਇਸ ਸਾਲ ਐੱਨ. ਬੀ. ਏ ਡਰਾਫਟ ਦੀ ਤਿਆਰੀ ਕਰ ਰਹੇ ਕੇਨਟਕੀ ਯੂਨੀਵਰਸਿਟੀ ਦੇ ਫਰੈਸ਼ਮੈਨ ਬਾਸਕਟਬਾਲ ਖਿਡਾਰੀ ਟੈਰੇਂਸ ਕਲਾਰਕ ਦੀ ਵੀਰਵਾਰ ਨੂੰ ਕਾਰ ਹਾਦਸੇ ਵਿੱਚ ਮੌਤ ਹੋ ਗਈ।ਇਸ ਹਾਦਸੇ ਦੀ ਲਾਸ ਏਂਜਲਸ ਪੁਲਿਸ ਵਿਭਾਗ ਨੇ ਪੁਸ਼ਟੀ ਕੀਤੀ ਹੈ। ਪੁਲਿਸ ਅਨੁਸਾਰ ਵੀਰਵਾਰ ਨੂੰ ਇਹ ਹਾਦਸਾ ਲੱਗਭਗ 2 ਵਜੇ ਵਾਪਰਿਆ, ਜਦੋਂ ਕਲਾਰਕ ਦੀ ਕਾਰ ਨੇ ਲਾਲ ਬੱਤੀ ਪਾਰ ਕਰ ਕੇ ਖੱਬੇ ਹੱਥ ਮੁੜਨ ਦੀ ਕੋਸ਼ਿਸ਼ ਕਰ ਰਹੇ ਇੱਕ ਵਾਹਨ ਵਿੱਚ ਟੱਕਰ ਮਾਰ ਦਿੱਤੀ। ਐੱਲ. ਏ. ਪੁਲਿਸ ਟ੍ਰੈਫਿਕ ਡਵੀਜ਼ਨ ਦੇ ਇੱਕ ਬੁਲਾਰੇ ਨੇ ਦੱਸਿਆ ਕਿ ਇਸ ਤੋਂ ਬਾਅਦ ਕਲਾਰਕ ਦਾ ਵਾਹਨ ਫਿਰ ਇੱਕ ਖੰਭੇ ਅਤੇ ਕੰਧ ਵਿੱਚ ਜਾ ਵੱਜਿਆ।
ਜਿਸ ਤੋਂ ਬਾਅਦ ਕਲਾਰਕ ਨੂੰ ਨੌਰਥ੍ਰਿਜ ਹਸਪਤਾਲ ਪਹੁੰਚਾਇਆ ਗਿਆ। ਜਿਥੇ ਉਸਨੂੰ ਮ੍ਰਿਤਕ ਐਲਾਨਿਆ ਗਿਆ। ਕਲਾਰਕ ਨੇ ਮਾਰਚ ਵਿੱਚ ਐੱਨ. ਬੀ. ਏ. ਡਰਾਫਟ ਲਈ ਐਲਾਨ ਹੋਣ ਤੋਂ ਬਾਅਦ ਹਾਲ ਹੀ ਵਿੱਚ ਇੱਕ ਏਜੰਟ ਨਾਲ ਕਰਾਰ ਕੀਤਾ ਸੀ। ਕੈਂਟਕੀ ਵਿੱਚ ਉਸ ਨੇ ਆਪਣੇ ਪਹਿਲੇ 7 ਮੈਚਾਂ ਵਿਚ ਔਸਤਨ 10 ਅੰਕ ਅਤੇ ਤਿੰਨ ਰੀਬਾਊਂਡ ਹਾਸਲ ਕੀਤੇ ਅਤੇ ਪੈਰ ਦੀ ਸੱਟ ਕਾਰਨ ਉਹ ਖੇਡਾਂ ਵਿੱਚ ਹਿੱਸਾ ਨਹੀਂ ਲੈ ਸਕਿਆ ਸੀ।
We are deeply saddened to share news of the passing of Terrence Clark, a beloved member of the @KentuckyMBB (2020-21) team. We offer our deepest condolences to the family and friends of Terrence.
He will forever be in our hearts. 💙 pic.twitter.com/QhPVd3Kayo
— Kentucky Athletics (@UKAthletics) April 23, 2021
ਕਲਾਰਕ ਦੀ ਏਜੰਸੀ ਦੇ ਪ੍ਰਧਾਨ ਨੇ ਇਸ ਉੱਭਰ ਰਹੇ ਖਿਡਾਰੀ ਦੀ ਮੌਤ ਮੌਕੇ ਉਸ ਦੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ ।