ਓਂਟਾਰੀਓ ਪ੍ਰੋਵਿੰਸ਼ਅਲ ਪੁਲਿਸ ਨੇ ਵੀਰਵਾਰ ਸ਼ਾਮ ਨੂੰ ਮਿਲਹੈਵਨ, ਓਂਂਟਾਰੀਓ ਵਿੱਚ ਇੱਕ ਗੰਭੀਰ ਘਟਨਾ ਤੋਂ ਬਾਅਦ ਇੱਕ ਸ਼ੱਕੀ ਵਿਅਕਤੀ ਨੂੰ ਹਿਰਾਸਤ ਵਿੱਚ ਲੈ ਲਿਆ।
ਸੂਬਾਈ ਪੁਲਿਸ ਨੇ ਸ਼ਾਮ ਲਗਭਗ 7:45 ਵਜੇ ਇਲਾਕੇ ਦੇ ਇੱਕ ਹਥਿਆਰਬੰਦ ਅਤੇ ਖਤਰਨਾਕ ਵਿਅਕਤੀ ਲਈ ਐਮਰਜੈਂਸੀ ਚਿਤਾਵਨੀ ਜਾਰੀ ਕੀਤੀ ਸੀ। ਇਸ ਤੋਂ ਬਾਅਦ
ਓ.ਪੀ.ਪੀ. ਨੇ ਕਿਹਾ ਕਿ ਇੱਕ ‘ਵੱਡੀ ਘਟਨਾ’ ਦੇ ਚਲਦਿਆਂ ਹਾਈਵੇਅ 33 ਅਤੇ ਕਾਉਂਟੀ ਰੋਡ 4 ਦੇ ਖੇਤਰ ਵਿੱਚ ਸੜਕਾਂ ਬੰਦ ਕਰ ਦਿੱਤੀਆਂ ਗਈਆਂ ।
ਇਸ ਗੰਭੀਰ ਘਟਨਾ ਬਾਰੇ ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਘਟਨਾ ‘ਪਰਿਵਾਰਕ ਝਗੜੇ’ ਕਾਰਨ ਹੋਈ ਹੈ। ਹਲਾਂਕਿ ਇਸ ਘਟਨਾ ਦੇ ਪੂਰੇ ਬਿਓਰੇ ਦੀ ਉਡੀਕ ਕੀਤੀ ਜਾ ਰਹੀ ਹੈ।
UPDATE: #LACOPP searching for and armed and dangerous male in the #Millhaven area, west of #Kingston. Believed on foot in area #Hwy33 and CtyRd 4. Residents should remain in homes with doors locked. Other avoid area. Large police presence. @OPP_COMM_ER ^bd
— OPP East Region (@OPP_ER) November 27, 2020
ਇਸ ਤੋਂ ਪਹਿਲਾਂ ਓ.ਪੀ.ਪੀ. ਖਿੱਤੇ ਦੇ ਲੋਕਾਂ ਨੂੰ ਆਪਣੇ ਘਰ ਦੇ ਦਰਵਾਜ਼ੇ ਬੰਦ ਕਰਨ ਲਈ ਕਹਿ ਰਹੀ ਸੀ। ਪੁਲਿਸ ਇੰਨੀ ਜਾਣਕਾਰੀ ਉਪਲੱਬਧ ਕਰਵਾ ਸਕੀ ਹੈ ਕਿ 8 ਵਜੇ ਦੇ ਕਰੀਬ ਫੜਣ ਤੋਂ ਪਹਿਲਾਂ ਉਹ ਲੋੜੀਂਦਾ ਵਿਅਕਤੀ ਪੈਦਲ ਸੀ।
ਸ਼ੱਕੀ ਵਿਅਕਤੀ ਨੂੰ ਕਾਬੂ ਕਰਨ ਦੇ ਚਲਦਿਆਂ ਘਟਨਾ ਦੇ ਨੇੜਲੇ ਐਮਹੈਰਸਟ ਆਈਲੈਂਡ ਬੇੜੀ ਨੂੰ ਵੀ ਰੋਕਿਆ ਗਿਆ ਸੀ।
Suspect has been taken into custody by police. No further public safety risk. Media release to follow in AM.
— OPP East Region (@OPP_ER) November 27, 2020
ਉਧਰ ਸ਼ੱਕੀ ਵਿਅਕਤੀ ਨੂੰ ਗ੍ਰਿਫਤਾਰ ਕਰਨ ਤੋਂ ਬਾਅਦ ਪੁਲਿਸ ਦਾ ਕਹਿਣਾ ਹੈ ਕਿ ਫਿਲਹਾਲ ਖ਼ਤਰਾ ਟਲ ਗਿਆ ਹੈ, ਪੁਲਿਸ ਕੁਝ ਸਮੇਂ ਬਾਅਦ ਇਸ ਪੂਰੇ ਮਾਮਲੇ ਦਾ ਬਿਓਰਾ ਉਪਲਬੱਧ ਕਰਵਾਏਗੀ।