ਓਨਟਾਰੀਓ ਵਿੱਚ ਕੋਵਿਡ -19 ਦੇ 1500 ਤੋਂ ਵੱਧ ਨਵੇਂ ਕੇਸ ਸਾਹਮਣੇ ਆਏ ਹਨ। ਸੂਬਾਈ ਸਿਹਤ ਅਧਿਕਾਰੀਆਂ ਨੇ 1,534 ਨਵੇਂ ਸੰਕਰਮਨਾਂ ਦੀ ਪੁਸ਼ਟੀ ਕੀਤੀ ਜੋ ਕੱਲ੍ਹ ਦੇ ਸਿੰਗਲ-ਡੇਅ ਰਿਕਾਰਡ 1,588 ਨਾਲੋਂ ਥੋੜੇ ਘੱਟ ਹਨ।
ਦਸ ਦਈਏ ਸੱਤ ਦਿਨਾਂ ਦੀ ਰੋਲਿੰਗ ਔਸਤ 1,415 ‘ਤੇ ਪਹੁੰਚ ਗਈ ਹੈ ਜੋ ਕਿ ਇਕ ਹਫਤਾ ਪਹਿਲਾਂ 1,408 ਸੀ। ਪੰਜਵੇਂ ਦਿਨ, ਪੀਲ ਖੇਤਰ ‘ਚੋਂ 490 ਨਵੇਂ ਕੇਸ ਸਾਹਮਣੇ ਆਏ ਇਸ ਤੋਂ ਬਾਅਦ ਟੋਰਾਂਟੋ 460 ਅਤੇ ਯੌਰਕ ਖੇਤਰ ਵਿੱਚ 130 ਕੇਸਾਂ ਦੀ ਪੁਸ਼ਟੀ ਕੀਤੀ ਗਈ। ਪੀਲ ਅਤੇ ਟੋਰਾਂਟੋ ‘ਚ ਸੋਮਵਾਰ ਤੋਂ ਮੁੜ ਤੋਂ ਕੋਵਿਡ 19 ਕਾਰਨ ਤਾਲਾਬੰਦੀ ਕੀਤੀ ਜਾਵੇਗੀ। ਕੋਵਿਡ 19 ਕਾਰਨ 14 ਹੋਰ ਮੌਤਾ ਹੋਈਆਂ ਹਨ ਜਿਸ ਕਾਰਨ ਸੂਬੇ ‘ਚ ਮੌਤਾ ਦੀ ਗਿਣਤੀ 3,486 ਤੱਕ ਪਹੁੰਚ ਚੁੱਕੀ ਹੈ।
ਸੂਬਾਈ ਅਧਿਕਾਰੀਆਂ ਨੇ ਪਿਛਲੇ 24 ਘੰਟਿਆਂ ਦੌਰਾਨ 46,389 ਟੈਸਟ ਪੂਰੇ ਕੀਤੇ। ਕੋਵਿਡ 19 ਦੇ ਕੇਸ ਵਧਣ ਕਾਰਨ ਆਈਸੀਯੂ ਅਤੇ ਵੈਂਟੀਲੇਟਰਾਂ ‘ਤੇ ਮਰੀਜ਼ਾਂ ਦੀ ਗਿਣਤੀ ਥੋੜੀ ਵੱਧ ਗਈ ਹੈ।