ਕੋਵਿਡ 19 ਦੇ ਵਧਣ ਕਾਰਨ ਹਸਪਤਾਲਾਂ ‘ਚ ਮਰੀਜ਼ਾਂ ਦੀ ਗਿਣਤੀ ‘ਚ ਵੀ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਜਿਸ ਤੋਂ ਬਾਅਦ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਅਤੇ ਸਿਹਤ ਮੰਤਰੀ ਕ੍ਰਿਸਟੀਨ ਇਲੀਅਟ ਨੇ ਸੋਮਵਾਰ ਵੋਹਾਨ ‘ਚ ਕਾਨਫਰੰਸ ਦੌਰਾਨ ਓਟਾਵਾ, ਟੋਰਾਂਟੋ, ਡਰਹਮ, ਵਿੰਡਸਰ ਅਤੇ ਕਿੰਗਸਟਨ ਸਮੇਤ ਹੌਟ ਸਪੌਟ ਵਾਲੇ ਹਸਪਤਾਲਾਂ ‘ਤੇ ਦਬਾਅ ਘੱਟ ਕਰਨ ਲਈ ਵਾਧੂ 500 ” surge beds ” ਦਾ ਐਲਾਨ ਕੀਤਾ ਹੈ।
ਬੇਹੱਦ ਬੀਮਾਰ ਮਰੀਜ਼ਾਂ ਲ਼ਈ ਸੂਬਾ 500 ਵਾਧੂ ਬੈੱਡ ਲਗਵਾ ਰਿਹਾ ਹੈ ਤਾਂ ਕਿ ਜ਼ਰੂਰਤਮੰਦ ਲੋਕਾਂ ਨੂੰ ਸਮੇਂ ਸਿਰ ਇਲਾਜ ਮਿਲ ਸਕੇ। ਮੈਕਨਜ਼ੀ ਹੈਲਥ ਹਸਪਤਾਲ ਨੂੰ 35 ਹੋਰ ਬੈੱਡ ਦਿੱਤੇ ਜਾਣਗੇ। ਸੂਬਾਈ ਮੁੱਖ ਮੰਤਰੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਜਾਣਕਾਰੀ ਮਿਲੀ ਹੈ ਕਿ ਬਹੁਤ ਸਾਰੇ ਹਸਪਤਾਲਾਂ ਵਿਚ ਬਿਸਤਰਿਆਂ ਦੀ ਕਮੀ ਹੋ ਰਹੀ ਹੈ ਤੇ ਮਰੀਜ਼ਾਂ ਦੀ ਗਿਣਤੀ ਵੱਧਦੀ ਜਾ ਰਹੀ ਹੈ। ਬਹੁਤ ਸਾਰੇ ਹਸਪਤਾਲਾਂ ਵਿਚ ਆਈ. ਸੀ. ਯੂ. ਵਾਰਡ ਜਾਂ ਤਾਂ ਭਰ ਚੁੱਕੇ ਹਨ ਤੇ ਜਾਂ ਇਕ-ਦੋ ਦਿਨਾਂ ਵਿਚ ਭਰਨ ਵਾਲੇ ਹਨ। ਸੂਬਾ ਕੋਰਟੇਲੁਕੀ ਵੈਗੁਆਨ ਨਾਂ ਦਾ ਨਵਾਂ ਹਸਪਤਾਲ ਖੋਲ੍ਹ ਰਿਹਾ ਹੈ ਤੇ ਇੱਥੇ 150 ਜਨਰਲ ਮੈਡੀਕਲ ਬੈੱਡਾਂ ਦਾ ਪ੍ਰਬੰਧ ਹੋਵੇਗਾ।
Premier Ford and Minister @celliottability make an Announcement https://t.co/FhI7ZoHR7s
— Doug Ford (@fordnation) January 18, 2021
ਸੂਬੇ ਨੇ ਉਨ੍ਹਾਂ ਖਿੱਤਿਆਂ ਵਿੱਚ ਹਸਪਤਾਲ ਦੇ ਬਿਸਤਰੇ ਜੋੜਨ ਲਈ 125 ਮਿਲੀਅਨ ਡਾਲਰ ਦਾ ਨਿਵੇਸ਼ ਕੀਤਾ ਹੈ, ਅਤੇ ਇਲੀਅਟ ਨੇ ਕਿਹਾ ਕਿ ਸਰਕਾਰ ਓਨਟਾਰੀਓ ਹੈਲਥ ਨਾਲ ਕੰਮ ਕਰ ਰਹੀ ਹੈ ਕਿ ਉਹ ਚੁਣਨ ਲਈ ਕਿਹੜੇ ਹਸਪਤਾਲਾਂ ਨੂੰ ਵਾਧੂ ਨਾਜ਼ੁਕ ਦੇਖਭਾਲ ਲਈ ਥਾਂ ਮਿਲੇਗੀ।