ਓਂਟਾਰੀਓ: ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਦੱਸਿਆ ਕਿ ਇੱਕ 16 ਸਾਲਾ ਲਾਪਤਾ ਲੜਕੇ ਦੀ ਉਸ ਸਮੇਂ ਮੌਤ ਹੋ ਗਈ ਜਦੋਂ ਉਹ ਸੈਂਟਰਲ ਹੇਸਟਿੰਗਜ਼, ਓਨਟਾਰੀਓ ਵਿੱਚ ਖੋਜਕਾਰੀਆਂ ਨੂੰ ਏਟੀਵੀ ਹਾਦਸੇ ਵਾਲੀ ਥਾਂ ਉੱਤੇ ਮਿਲਿਆ।
ਪੁਲਿਸ ਨੇ ਦੱਸਿਆ ਕਿ ਅਧਿਕਾਰੀਆਂ, ਪੁਲਿਸ ਹੈਲੀਕਾਪਟਰ ਤੇ ਵੱਡੀ ਗਿਣਤੀ ਵਿੱਚ ਸਥਾਨਕ ਵਾਸੀਆਂ ਨੇ ਐਤਵਾਰ ਸ਼ਾਮੀਂ 6:00 ਵਜੇ ਤੋਂ ਲਾਪਤਾ ਇਸ ਟੀਨੇਜਰ ਦੀ ਦੀ ਭਾਲ ਕਰਨੀ ਸ਼ੂਰੂ ਕੀਤੀ।
ਪੁਲਿਸ ਨੇ ਦੱਸਿਆ ਕਿ ਉਹ ਏਟੀਵੀ ਰਾਈਡ ਤੋਂ ਤਹਿ ਕੀਤੇ (scheduled) ਅਨੁਸਾਰ ਵਾਪਸ ਨਹੀਂ ਆਇਆ ਸੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਸਿਵਲੀਅਨ ਖੋਜਕਾਰੀਆਂ ਨੂੰ ਉਹ ਲੜਕਾ ਏਟੀਵੀ ਨੂੰ ਪੇਸ਼ ਆਏ ਹਾਦਸੇ ਵਾਲੀ ਥਾਂ ਉੱਤੇ ਤੜ੍ਹਕੇ 2:30 ਵਜੇ ਜ਼ਖ਼ਮੀ ਹਾਲਤ ਵਿੱਚ ਮਿਲਿਆ। ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਕਾਫੀ ਸਮੇਂ ਬਾਅਦ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਉਸ ਦੀ ਪਛਾਣ ਟਵੀਡ, ਓਨਟਾਰੀਓ ਦੇ ਬਰੌਕ ਬੈਟੀ ਵਜੋਂ ਹੋਈ।