ਟੋਰਾਂਟੋ : ਕੈਨੇਡਾ ਵਿੱਚ ਇੱਕ ਪਾਸੇ ਕੋਰੋਨਾ ਵੈਕਸੀਨ ਵੰਡੇ ਜਾਣ ਦਾ ਕੰਮ ਤੇਜ਼ੀ ਫੜ ਚੁੱਕਾ ਹੈ ਤਾਂ ਦੂਜੇ ਪਾਸੇ ਕੋਰੋਨਾ ਦੇ ਮਾਮਲੇ ਵੀ ਲਗਾਤਾਰ ਸਾਹਮਣੇ ਆ ਰਹੇ ਹਨ, ਇਨ੍ਹਾਂ ਵਿਚ ਕੋਈ ਕਮੀ ਨਹੀਂ ਆਈ ਹੈ। ਕੋਰੋਨਾ ਦੇ ਮਾਮਲਿਆਂ ਨੇ ਦੇਸ਼ ਦੇ ਸਿਹਤ ਵਿਭਾਗ ਨੂੰ ਲਗਾਤਾਰ ਚੱਕਰਾਂ ਵਿਚ ਪਾਇਆ ਹੋਇਆ ਹੈ, ਕਿਉਂਕਿ ਵੱਡੇ-ਵੱਡੇ ਉਪਰਾਲੇ ਕਰਨ ਤੋਂ ਬਾਅਦ ਵੀ ਕੋਰੋਨਾ ਦੇ ਮਾਮਲੇ ਘਟਦੇ ਨਜ਼ਰ ਨਹੀਂ ਆ ਰਹੇ। ਕੈਨੇਡਾ ਦੇ ਸਭ ਤੋਂ ਵੱਧ ਕੋਰੋਨਾ ਪ੍ਰਭਾਵਿਤ ਸੂਬਿਆਂ ਵਿੱਚ ਸ਼ਾਮਲ ਓਂਂਟਾਰੀਓ ਵਿੱਚ ਹੁਣ ਵੀ ਵੱਡੀ ਗਿਣਤੀ ਕੋਵਿਡ-19 ਦੇ ਮਾਮਲੇ ਦਰਜ ਕੀਤੇ ਜਾ ਰਹੇ ਹਨ।
ਓਂਟਾਰੀਓ ਵਿੱਚ ਸ਼ਨੀਵਾਰ ਨੂੰ ਨਾਵਲ ਕੋਰੋਨਾ ਵਾਇਰਸ ਦੇ 3,056 ਨਵੇਂ ਕੇਸ ਸਾਹਮਣੇ ਆਏ ਹਨ, ਜਿਸ ਨਾਲ ਸੂਬੇ ਵਿੱਚ ਕੇਸਾਂ ਦੀ ਕੁੱਲ ਗਿਣਤੀ 2 ਲੱਖ 34 ਹਜਾਰ 364 ਹੋ ਗਈ ਹੈ।
ਸਿਹਤ ਮੰਤਰੀ ਕ੍ਰਿਸਟੀਨ ਇਲੀਅਟ ਨੇ ਇਸ ਸਬੰਧੀ ਕਿਹਾ, “ਸਥਾਨਕ ਤੌਰ‘ ਤੇ ਟੋਰਾਂਟੋ ਵਿੱਚ 903, ਪੀਲ ਵਿੱਚ 639, ਯੌਰਕ ਖੇਤਰ ਵਿੱਚ 283, ਦੁਰਮ ਵਿੱਚ 162 ਅਤੇ ਓਟਾਵਾ ਵਿੱਚ 152 ਨਵੇਂ ਕੋਰੋਨਾ ਕੇਸ ਸਾਹਮਣੇ ਆਏ ਹਨ।
Ontario is reporting 3,056 cases of #COVID19 and nearly 73,900 tests completed. Locally, there are 903 new cases in Toronto, 639 in Peel, 283 in York Region, 162 in Durham and 152 in Ottawa.
As of 8:00 p.m. yesterday, 189,090 doses of the COVID-19 vaccine have been administered.
— Christine Elliott (@celliottability) January 16, 2021
ਇਸ ਦੌਰਾਨ ਵਿਭਾਗ ਵੱਲੋਂ ਇਹ ਜਾਣਕਾਰੀ ਵੀ ਦਿੱਤੀ ਗਈ ਕਿ 51 ਵਿਅਕਤੀਆਂ ਦੀ ਜਾਨ ਕੋਰੋਨਾ ਕਾਰਨ ਚਲੀ ਗਈ, ਜਿਸ ਨਾਲ ਸੂਬਾਈ ਮੌਤਾਂ ਦੀ ਕੁੱਲ ਗਿਣਤੀ 5,340 ਹੋ ਗਈ।
ਇਸ ਦੌਰਾਨ, 2 ਲੱਖ 406 COVID-19 ਕੇਸਾਂ ਦਾ ਹੱਲ ਵੀ ਹੋਇਆ, ਜੋ ਕਿ ਸਾਰੇ ਪੁਸ਼ਟੀ ਮਾਮਲਿਆਂ ਦਾ 85.5 ਪ੍ਰਤੀਸ਼ਤ ਹੈ।
ਕੁੱਲ 73,875 ਵਾਧੂ ਟੈਸਟ ਪੂਰੇ ਕੀਤੇ ਗਏ ਸਨ ਉਂਟਾਰੀਓ ਵਿੱਚ ਹੁਣ ਤੱਕ 88 ਲੱਖ 65 ਹਜ਼ਾਰ 263 ਟੈਸਟ ਪੂਰੇ ਕੀਤੇ ਜਾ ਚੁੱਕੇ ਹਨ ਅਤੇ ਹਾਲੇ 50,387 ਜਾਂਚ ਅਧੀਨ ਹਨ।
ਪ੍ਰਾਂਤ ਨੇ ਸੰਕੇਤ ਦਿੱਤਾ ਕਿ ਹਫਤੇ ਦੇ ਆਖਰੀ ਦਿਨ ਲਈ ਕੋਰੋਨਾ ਮਾਮਲਿਆਂ ਦੀ ਸਕਾਰਾਤਮਕ ਦਰ 4.9 ਪ੍ਰਤੀਸ਼ਤ ਸੀ ਜੋ ਕਿ ਸ਼ੁੱਕਰਵਾਰ ਦੀ ਰਿਪੋਰਟ ਤੋਂ ਉਪਰ ਹੈ। ਬੀਤੇ ਕੱਲ੍ਹ ਇਹ 4.6 ਪ੍ਰਤੀਸ਼ਤ ਸੀ । ਇੱਕ ਹਫਤਾ ਪਹਿਲਾਂ ਸ਼ਨੀਵਾਰ ਨੂੰ ਇਹ ਦਰ 5.3 ਪ੍ਰਤੀਸ਼ਤ ਸੀ।