ਓਟਾਵਾ : ਐਤਵਾਰ ਨੂੰ ਕੈਨੇਡਾ ਵਿੱਚ 1,679 ਨਵੇਂ ਕੋਰੋਨਾ ਵਾਇਰਸ ਨਾਲ ਪ੍ਰਭਾਵਿਤ ਕੇਸ ਦਰਜ ਕੀਤੇ ਗਏ। ਇਸ ਦੌਰਾਨ 19 ਲੋਕਾਂ ਦੀ ਜਾਨ ਕੋਰੋਨਾ ਕਾਰਨ ਚਲੀ ਗਈ । ਐਤਵਾਰ ਤੱਕ ਦੇ ਡੇਟਾ ਅਨੁਸਾਰ ਕੈਨੇਡਾ ਵਿਚ ਕੋਵਿਡ-19 ਮਾਮਲਿਆਂ ਦੀ ਕੁੱਲ ਸੰਖਿਆ 165,986, ਅਤੇ ਮ੍ਰਿਤਕਾਂ ਦੀ ਕੁੱਲ ਗਿਣਤੀ 9,481 ਤੱਕ ਪਹੁੰਚ ਗਈ ।
ਉਧਰ ਕੋਰੋਨਾ ਨੂੰ ਮਾਤ ਦੇਣ ਵਾਲਿਆਂ ਦੀ ਗਿਣਤੀ ਵੀ ਲਗਾਤਾਰ ਵਧ ਰਹੀ ਹੈ । ਸਿਹਤਯਾਬ ਹੋਣ ਵਾਲਿਆਂ ਦੀ ਕੁਲ ਗਿਣਤੀ 140,243 ਹੋ ਗਈ ਹੈ । ਇਕ ਅੰਦਾਜ਼ੇ ਅਨੁਸਾਰ ਇਹ ਸਾਰੇ ਮਰੀਜ਼ਾਂ ਜਾਂ ਸਾਰੀਆਂ ਲਾਗਾਂ ਦਾ 84 ਪ੍ਰਤੀਸ਼ਤ ਬਣਦਾ ਹੈ ਜਿਹਨਾਂ ਨੇ ਕੋਰੋਨਾ ਨੂੰ ਮਾਤ ਦਿੱਤੀ ਹੈ। ਸਿਹਤ ਵਿਭਾਗ ਵੱਲੋਂ ਜਾਰੀ ਅੰਕੜਿਆਂ ਦੇ ਅਨੁਸਾਰ 9.15 ਮਿਲੀਅਨ ਤੋਂ ਵੱਧ ਕੋਰੋਨਾ ਟੈਸਟ ਕਰਵਾਏ ਜਾ ਚੁੱਕੇ ਹਨ ।ਐਤਵਾਰ ਦੇ ਅੰਕੜਿਆਂ ਵਿੱਚ ਸੁਧਾਰ ਹੋਣ ਦੀ ਸੰਭਾਵਨਾ ਹੈ, ਕਿਉਂਕਿ ਕੁਝ ਸੂਬੇ ਵੀਕਐਂਡ ‘ਤੇ ਅੰਕੜੇ ਜਾਰੀ ਨਹੀਂ ਕਰਦੇ। ਨਵਾਂ ਅੰਕੜਾ ਹਾਲਾਂਕਿ ਸਾਰੇ ਪ੍ਰਦੇਸ਼ਾਂ ਅਤੇ ਬੀ.ਸੀ. ਵਰਗੇ ਰਾਜਾਂ ਦੇ ਕਾਰਨ ਪੂਰੇ ਕੈਨੇਡਾ ਵਿੱਚ ਫੈਲੇ ਵਿਸ਼ਾਣੂ ਦੀ ਪੂਰੀ ਤਸਵੀਰ ਨਹੀਂ ਚਿਤਰਦਾ ਹੈ। ਅਲਬਰਟਾ ਹਫਤੇ ਦੇ ਅੰਤ ਵਿੱਚ ਨਵੇਂ COVID-19 ਅਪਡੇਟਾਂ ਜਾਰੀ ਨਹੀਂ ਕਰਦਾ।