ਇਟੋਬੀਕੋ ਵਿੱਚ ਹੋਈ ਝੜਪ ਤੇ ਚਾਕੂ ਨਾਲ ਕੀਤੇ ਗਏ ਹਮਲੇ ਤੋਂ ਬਾਅਦ ਦੋ ਪੁਲਿਸ ਅਧਿਕਾਰੀ ਜ਼ਖ਼ਮੀ ਹੋ ਗਏ ਤੇ ਇੱਕ ਵਿਅਕਤੀ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ। ਜ਼ਖ਼ਮੀ ਪੁਲਿਸ ਅਧਿਕਾਰੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ। ਇਹ ਜਾਣਕਾਰੀ ਟੋਰਾਂਟੋ ਪੁਲਿਸ ਨੇ ਦਿੱਤੀ।
ਪੁਲਿਸ ਅਧਿਕਾਰੀ ਕਾਲ ਆਉਣ ਤੋਂ ਬਾਅਦ ਸਵੇਰੇ 11:00 ਵਜੇ ਰੌਇਲ ਯੌਰਕ ਤੇ ਲਾਅਰੈਂਸ ਐਵਨਿਊ ਵੈਸਟ ਨੇੜੇ ਛੇ ਅਪਾਰਟਮੈਂਟ ਵਾਲੇ ਰੂਮਿੰਗ ਹਾਊਸ ਵਿੱਚੋਂ ਇੱਕ ਘਰ ਦਾ ਪਤਾ ਕਰਨ ਲਈ ਪਹੁੰਚੇ। ਇਹ ਘਰ ਵੈਸਟੋਨਾ ਸਟਰੀਟ ਉੱਤੇ ਸਥਿਤ ਹੈ। ਪੁਲਿਸ ਚੀਫ ਜੇਮਜ਼ ਰੈਮਰ ਨੇ ਦੱਸਿਆ ਕਿ ਅਧਿਕਾਰੀ ਇੱਕ ਲਾਪਤਾ ਵਿਅਕਤੀ ਦੇ ਮਾਮਲੇ ਦੀ ਜਾਂਚ ਕਰਨ ਲਈ ਇੱਕ ਘਰ ਵਿੱਚ ਮੌਜੂਦ ਸਨ ਕਿ ਐਨੇ ਨੂੰ ਇੱਕ ਕਮਰੇ ਵਿੱਚੋਂ ਇੱਕ ਵਿਅਕਤੀ ਬਾਹਰ ਆਇਆ ਤੇ ਉਸ ਨੇ ਦੋਵਾਂ ਅਧਿਕਾਰੀਆਂ ਉੱਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ।
ਮਸ਼ਕੂਕ ਨੂੰ ਟੇਜ਼ਰ ਲਾ ਕੇ ਕਾਬੂ ਕੀਤਾ ਗਿਆ ਤੇ ਬਾਅਦ ਵਿੱਚ ਮੌਕੇ ਤੋਂ ਗ੍ਰਿਫਤਾਰ ਕਰ ਲਿਆ ਗਿਆ। ਰੈਮਰ ਨੇ ਆਖਿਆ ਕਿ ਉਨ੍ਹਾਂ ਨੂੰ ਨਹੀਂ ਲੱਗਦਾ ਕਿ ਇਸ ਘਟਨਾ ਵਿੱਚ ਉਹ ਵਿਅਕਤੀ ਜ਼ਖ਼ਮੀ ਹੋਇਆ।
ਰੈਮਰ ਨੇ ਦੱਸਿਆ ਕਿ ਇੱਕ ਸਾਰਜੈਂਟ ਨੂੰ ਤਾਂ ਦੋ ਵੱਡੇ ਵੱਡੇ ਚੀਰੇ ਲੱਗੇ ਹਨ ਤੇ ਇਸ ਸਮੇਂ ਉਹ ਟੋਰਾਂਟੋ ਦੇ ਸਨੀਬਰੁੱਕ ਹਸਪਤਾਲ ਵਿੱਚ ਜ਼ੇਰੇ ਇਲਾਜ ਹੈ ਤੇ ਉਸ ਦੀ ਹਾਲਤ ਖਤਰੇ ਤੋਂ ਬਾਹਰ ਦੱਸੀ ਜਾਂਦੀ ਹੈ। ਦੂਜੇ ਅਧਿਕਾਰੀ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਤੇ ਉਨ੍ਹਾਂ ਦਾ ਵੀ ਇਲਾਜ ਕੀਤਾ ਜਾ ਰਿਹਾ ਹੈ। ਦੋਵਾਂ ਦੀ ਹਾਲਤ ਸਥਿਰ ਦੱਸੀ ਗਈ ਹੈ। ਰੈਮਰ ਨੇ ਦੱਸਿਆ ਕਿ ਲਾਪਤਾ ਵਿਅਕਤੀ ਦੇ ਘਰ ਵਿੱਚ ਖੂਨ ਦੇ ਨਿਸ਼ਾਨ ਪਾਏ ਗਏ ਤੇ ਉਸ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ। ਉਸ ਮਾਮਲੇ ਵਿੱਚ ਪੁਲਿਸ 56 ਸਾਲਾ ਨਥਾਨੀਅਲ ਬਰੈਟਲ ਦੀ ਭਾਲ ਕਰ ਰਹੀ ਹੈ ਜਿਸ ਨੂੰ ਆਖਰੀ ਵਾਰੀ 21 ਜਨਵਰੀ ਨੂੰ ਵੈਸਟੋਨਾ ਸਟਰੀਟ ਤੇ ਡਿਕਸਨ ਰੋਡ ਏਰੀਆ ਵਿੱਚ ਵੇਖਿਆ ਗਿਆ ਸੀ।
CHECK ADDRESS: (UPDATE)
– officers were carrying out a check address to located missing man Nathaniel Brettell, 56
– He is yet to be located and we are concerned for his welfare
– link to missing person https://t.co/bnxbrhX7BK#GO208390/#GO204256
^ep2— Toronto Police Operations (@TPSOperations) February 2, 2021
