ਪ੍ਰਿੰਸ ਐਲਬਰਟ ਨੌਰਥਕੋਟ ਲਈ ਸਸਕੈਚਵਾਨ ਪਾਰਟੀ ਦੀ ਉਮੀਦਵਾਰ, ਅਲੈਨਾ ਰੌਸ ਇਕ ਕੋਵਿਡ 19 ਦੇ ਸਪੰਰਕ ‘ਚ ਆਉਣ ਤੋਂ ਬਾਅਦ ਆਪਣੇ ਆਪ ਨੂੰ ਅੱਲਗ-ਥਲੱਗ ਰਖ ਰਹੀ ਹੈ। ਸਸਕੈਚਵਾਨ ਪਾਰਟੀ ਦੀ ਮੁਹਿੰਮ ਨੇ ਸ਼ਨੀਵਾਰ ਸ਼ਾਮ ਨੂੰ ਇੱਕ ਪ੍ਰੈਸ ਰਿਲੀਜ਼ ਵਿੱਚ ਇਹ ਐਲਾਨ ਕੀਤਾ।
ਸਸਕੈਚਵਾਨ ਪਾਰਟੀ ਦੇ ਬੁਲਾਰੇ ਜਿਮ ਬਿਲਿੰਗਟਨ ਨੇ ਕਿਹਾ ਕਿ ਰੌਸ ਨੂੰ ਕੋਈ ਲੱਛਣ ਨਹੀਂ ਹਨ ਪਰ ਉਨ੍ਹਾਂ ਨੂੰ COVID-19 ਟੈਸਟ ਕਰਵਾਉਣਾ ਪਵੇਗਾ। ਉਨ੍ਹਾਂ ਦੱਸਿਆ ਕਿ ਰੌਸ ਲੋੜੀਂਦੀ ਮਿਆਦ ਲਈ ਆਪਣੇ ਆਪ ਨੂੰ ਆਈਸੋਲੇਟ ਕਰਨਗੇ।
ਫਿਲਹਾਲ ਅਜੇ ਹੋਰ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ। ਦਸ ਦਈਏ ਸਸਕੈਚਵਨ ‘ਚ 26 ਅਕਤੂਬਰ ਨੂੰ ਚੋਣਾਂ ਹੋਣਗੀਆਂ।
