ਅਲਬਰਟਾ ਨੇ ਵੀਰਵਾਰ ਨੂੰ ਕੋਵਿਡ 19 ਦੇ 582 ਨਵੇਂ ਕੇਸ ਅਤੇ 13 ਮੋਤਾਂ ਦੀ ਪੁਸ਼ਟੀ ਕੀਤੀ ਹੈ।
ਸੂਬੇ ਵਿਚ 6,588 ਸਰਗਰਮ ਕੇਸ ਹਨ, ਜਿਨ੍ਹਾਂ ‘ਚੋਂ 517 ਹਸਪਤਾਲ ‘ਚ ਭਰਤੀ ਹਨ ਅਤੇ ਜਿਨ੍ਹਾਂ ‘ਚੋਂ 93 ਆਈ.ਸੀ.ਯੂ. ਵਿਚ ਹਨ। ਸੂਬੇ ਨੇ ਕੋਵਿਡ 19 ਵੈਰੀਅੰਟ ਨਾਲ ਸੰਕਰਮਿਤ ਹੋਏ ਕੁੱਲ 68 ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਹੈ ਜਿਨ੍ਹਾਂ ਦੀ ਪਹਿਚਾਣ ਯੂਨਾਈਟਿਡ ਕਿੰਗਡਮ ਅਤੇ ਦੱਖਣੀ ਅਫਰੀਕਾ ਵਿੱਚ ਕੀਤੀ ਗਈ ਸੀ।
ਅਲਬਰਟਾ ਦੇ ਸਿਹਤ ਵਿਭਾਗ ਦੀ ਮੁੱਖ ਮੈਡੀਕਲ ਅਫਸਰ ਡਾ. ਡੀਨਾ ਹਿਨਸ਼ਾਅ ਨੇ ਵੀਰਵਾਰ ਨੂੰ ਇਕ ਕਾਨਫ਼ਰੰਸ ਵਿਚ ਕਿਹਾ, “ਅਸੀ ਅਗਲੇ ਹਫ਼ਤਿਆਂ ਵਿਚ ਸਕੂਲ ਅਤੇ ਹੋਰ ਸੈਟਿੰਗਾਂ ਵਿਚ ਅਤਿਰਿਕਤ ਉਪਾਵਾਂ ਦੀ ਲੋੜ ਹੈ ਜਾਂ ਨਹੀਂ ਇਸ ਦਾ ਮੁਲਾਂਕਣ ਕਰਨ ਲਈ ਦੁਨੀਆ ਭਰ ਦੇ ਸਾਹਿਤ ਅਤੇ ਤਜ਼ਰਬੇ ਦੀ ਸਰਗਰਮੀ ਨਾਲ ਸਮੀਖਿਆ ਕਰ ਰਹੇ ਹਾਂ। ਵਾਇਰਸ ਦੇ ਮਾਮਲੇ ਅਜੇ ਵੀ ਉਭਰ ਰਹੇ ਹਨ, ਪਰ ਅਸੀਂ ਧਿਆਨ ਨਾਲ ਦੇਖ ਰਹੇ ਹਾਂ। ਜੇ ਸਾਨੂੰ ਤਬਦੀਲੀਆਂ ਕਰਨ ਦੀ ਜ਼ਰੂਰਤ ਹੈ, ਤਾਂ ਅਸੀਂ ਅਜਿਹਾ ਕਰਾਂਗੇ।
ਪ੍ਰਯੋਗਸ਼ਾਲਾਵਾਂ ਨੇ ਪਿਛਲੇ 24 ਘੰਟਿਆਂ ਦੌਰਾਨ 11,500 ਤੋਂ ਵੱਧ ਟੈਸਟ ਕੀਤੇ, ਅਤੇ ਸਕਾਰਾਤਮਕ ਦਰ ਲਗਭਗ 3.6 ਪ੍ਰਤੀਸ਼ਤ ਸੀ।
ਵੀਰਵਾਰ ਨੂੰ ਸਰਗਰਮ ਮਾਮਲਿਆਂ ਦਾ ਖੇਤਰੀ ਬ੍ਰੇਕਡਾਉਨ ਇਹ ਸੀ:
Calgary zone: 2,710
Edmonton zone: 2,117
North zone: 811
Central zone: 645
South zone: 288
Unknown: 17
