ਵਾਸ਼ਿੰਗਟਨ: ਕਿਸਾਨੀ ਘੋਲ ਇਸ ਸਮੇਂ ਸਿਖਰਾਂ ‘ਤੇ ਹੈ ਤਾਂ ਉਥੇ ਦੁਨੀਆ ਦੇ ਹਰ ਇਨਸਾਨ ਨੂੰ ਇਹ ਅੰਦੋਲਨ ਆਪਣੇ ਨਾਲ ਜੋੜ ਰਿਹਾ ਹੈ। ਬੀਤੇ ਦਿਨੀ ਪੌਪ ਸਟਾਰ ਰਿਹਾਨਾ ਸਣੇ ਕਈ ਕੌਮਾਂਤਰੀ ਹਸਤੀਆਂ ਨੇ ਕਿਸਾਨਾਂ ਦੇ ਹੱਕ ’ਚ ਟਵੀਟ ਕੀਤੇ ਸਨ ਤੇ ਹੁਣ ਅਮਰੀਕਾ ਦੇ ਨਾਮੀ ਫੁੱਟਬਾਲਰ ਜੂਜੂ ਸਮਿੱਥ ਨੇ ਕਿਸਾਨੀ ਅੰਦੋਲਨ ਲਈ ਵਿੱਤੀ ਸਹਾਇਤਾ ਦਾ ਐਲਾਨ ਕੀਤਾ ਹੈ।
ਅਮਰੀਕਾ ਦੀ ਨੈਸ਼ਨਲ ਫੁੱਟਬਾਲ ਲੀਗ ਦੇ ਸਟਾਰ ਸਮਿੱਥ ਜੂਜੂ ਵੱਲੋਂ ਟਵੀਟ ਕਰਕੇ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।ਉਨਾਂ ਲਿਖਿਆ ਕਿ ਉਹ ਭਾਰਤ ’ਚ ਚੱਲ ਰਹੇ ਕਿਸਾਨੀ ਅੰਦੋਲਨ ’ਚ ਸਹਾਇਤਾ ਵੱਜੋਂ 10 ਹਜ਼ਾਰ ਡਾਲਰ ਦੇ ਰਹੇ ਨੇ ਜੋ ਕਿਸਾਨਾਂ ਦੀ ਮੈਡੀਕਲ ਸਹਾਇਤਾ ਲਈ ਖਰਚਿਆ ਜਾਵੇ।
Happy to share that I’ve donated $10,000 to provide medical assistance to the farmers in need in India to help save lives during these times. I hope we can prevent any additional life from being lost. 🙏🏾 #FarmersProtest https://t.co/0WoEw0l3ij
— JuJu Smith-Schuster (@TeamJuJu) February 3, 2021
ਸਮਿੱਥ ਨੇ ਟਵੀਟ ਦੇ ਨਾਲ ਨਾਲ ਇਕ ਫੋਟੋ ਵੀ ਸਾਂਝੀ ਕੀਤੀ ਗਈ ਹੈ ਜਿਸ ਵਿਚ ਦੋ ਵਿਅਕਤੀਆਂ ਨੂੰ ਬੈਠੇ ਦੇਖਿਆ ਜਾ ਸਕਦਾ ਹੈ ਜੋ ਕਿਸਾਨੀ ਅੰਦੋਲਨ ਦੀ ਤਸਵੀਰ ਹੈ। ਜੂਜੂ ਸਮਿੱਥ ਅਮਰੀਕਾ ਦੀ ਫੁੱਟਬਾਲ ਟੀਮ ਪਿਟਸਬਰਗ ਸਟੀਲਰਜ਼ ਦੇ ਖਿਡਾਰੀ ਨੇ ਤੇ ਫੁੱਟਬਾਲ ’ਚ ਨਾਮੀ ਖਿਡਾਰੀ ਮੰਨੇ ਜਾਂਦੇ ਨੇ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਹਾਲੀਵੁੱਡ ਦੀਆਂ ਕੁਝ ਹਸਤੀਆਂ ਸਣੇ ਕਈ ਹੋਰ ਕੌਮਾਂਤਰੀ ਹਸਤੀਆਂ ਵੱਲੋਂ ਕਿਸਾਨੀ ਅੰਦੋਲਨ ਦੇ ਹੱਕ ’ਚ ਟਵੀਟ ਕੀਤੇ ਗਏ ਐਨਾ ਹੀ ਨਹੀਂ ਕੌਮਾਂਤਰੀ ਮੀਡੀਆ ਵੱਲੋਂ ਵੀ ਕਿਸਾਨੀ ਅੰਦੋਲਨ ਤੇ ਰਿਪੋਰਟਾਂ ਤਿਆਰ ਕੀਤੀਆਂ ਗਈਆਂ ਜਿਸ ਮਗਰੋਂ ਦੁਨੀਆਂ ਭਰ ’ਚ ਕਿਸਾਨੀ ਅੰਦੋਲਨ ਦੀ ਤਸਵੀਰ ਪੁੱਜ ਚੁੱਕੀ ਹੈ।