ਓਟਾਵਾ : ਓਂਟਾਰੀਓ ਦੀ ਪ੍ਰੋਵਿੰਸ਼ੀਅਲ ਪੁਲਿਸ ਦਾ ਕਹਿਣਾ ਹੈ ਕਿ ਤਕਨੀਕੀ ਖਾਮੀ ਦੇ ਚਲਦਿਆਂ ਇੱਕ AMBER ALEART ਅੰਬਰ ਚੇਤਾਵਨੀ ਦੇ ਸੰਦੇਸ਼ ਮੁੜ ਤੋਂ ਜਾਰੀ ਹੋ ਗਿਆ ਹੈ। ਇਸ ਸੰਬੰਧ ਵਿਚ ਸਪੱਸ਼ਟੀਕਰਨ ਦਿੰਦੇ ਹੋਏ ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਲਈ ਤਕਨੀਕੀ ਖਾਮੀ ਜ਼ਿੰਮੇਵਾਰ ਹੈ, ਜਿਹੜੀ ਫਿਲਹਾਲ ਇਸ ਵੇਲੇ ਉਨ੍ਹਾਂ ਦੇ ਵੱਸ ਤੋਂ ਬਾਹਰ ਹੈ ।
ਦਰਅਸਲ ਸ਼ਨੀਵਾਰ ਨੂੰ ਕੁਝ ਸੋਸ਼ਲ ਮੀਡੀਆ ਉਪਭੋਗਤਾਵਾਂ ਨੇ ਉਹੀ ਐਂਬਰ ਅਲਰਟ ਪ੍ਰਾਪਤ ਕਰਨ ਦੀ ਸੂਚਨਾ ਦਿੱਤੀ ਹੈ ਜੋ ਸ਼ੁੱਕਰਵਾਰ ਨੂੰ ਓਟਾਵਾ ਖੇਤਰ ਵਿੱਚ ਇੱਕ 9 ਮਹੀਨੇ ਦੇ ਬੱਚੇ ਲਈ ਭੇਜਿਆ ਗਿਆ ਸੀ । ਓਟਾਵਾ ਪੁਲਿਸ ਨੇ ਦੱਸਿਆ ਕਿ ਸ਼ੁੱਕਰਵਾਰ ਨੂੰ ਹੀ ਕੁਝ ਘੰਟਿਆਂ ਬਾਅਦ ਬੱਚੀ ਨੂੰ ਸੁਰੱਖਿਅਤ ਲੱਭ ਲਿਆ ਗਿਆ ਸੀ ਅਤੇ ਇੱਕ ਸ਼ੱਕੀ ਵਿਅਕਤੀ ਨੂੰ ਹਿਰਾਸਤ ਵਿੱਚ ਵੀ ਲੈ ਲਿਆ ਗਿਆ। ਸ਼ਨੀਵਾਰ ਨੂੰ ਅਲਰਟ ਦੇ ਮੁੜ ਜਾਰੀ ਕੀਤੇ ਜਾਣ ਤੋਂ ਬਾਅਦ, ਓਪੀਪੀ ਨੇ ਇੱਕ ਟਵੀਟ ਜਾਰੀ ਕਰਕੇ ਗਲਤੀ ਲਈ ਮੁਆਫੀ ਮੰਗੀ।
For some reason the same #AmberAlert message from yesterday was reissued today as I just got this message (names blocked out since @OttawaPolice said yesterday the child was found safe). Seeing quite a few tweets from others who also got the message minutes ago. pic.twitter.com/7bczPzRN8u
— Nick Westoll (@NWestoll) December 19, 2020
ਪੁਲਿਸ ਨੇ ਇਸ ਦੇ ਪਿੱਛੇ ਇੱਕ ਕਾਰਨ ਦੱਸਿਆ ਕਿ “ਇੱਕ ਸਿਸਟਮ ਦੀ ਖਾਮੀ, ਜੋ ਸਾਡੇ ਨਿਯੰਤਰਣ ਤੋਂ ਬਾਹਰ ਹੈ”। ਟਵੀਟ ਵਿੱਚ ਲਿਖਿਆ ਗਿਆ, “ਰਾਸ਼ਟਰੀ ਚੇਤਾਵਨੀ ਇਕੱਤਰਤਾ ਅਤੇ ਪ੍ਰਸਾਰ ਪ੍ਰਣਾਲੀ [ਨਾਲ] ਸੰਪਰਕ ਕੀਤਾ ਗਿਆ ਹੈ ਅਤੇ ਉਹ ਮਸਲੇ ਦੇ ਹੱਲ ਲਈ ਕੰਮ ਕਰ ਰਹੇ ਹਨ।”
ADVISORY: #OPP apologize for the technical difficulties relating to the #AmberAlert system. There is a system error which is out of our control. The National Alert Aggregation and Dissemination system have been contacted and are working to resolve the issue. Thank you. ^bm
— OPPCommunicationsCR (@OPP_COMM_CR) December 19, 2020
ਉਧਰ ਅੰਬਰ ਮੈਸੇਜ ਲਗਾਤਾਰ ਮਿਲਣ ਤੋਂ ਬਾਅਦ ਲੋਕਾਂ ਨੇ ਪੁਲਿਸ ਨੂੰ ਸੰਪਰਕ ਕਰਨਾ ਸ਼ੁਰੂ ਕਰ ਦਿੱਤਾ।
