ਚੋਣ ਸਸਕੈਚਵਨ ਦੇ ਅੰਕੜਿਆਂ ਅਨੁਸਾਰ ਸੱਸਕੈਚਵਨ ਦੇ 185,000 ਤੋਂ ਵੱਧ ਵਸਨੀਕਾਂ ਨੇ ਅਡਵਾਂਸ ਵੋਟਿੰਗ ਕਰਕੇ ਪਿਛਲੇ ਸਾਲ ਦੇ ਰਿਕਾਰਡ ਤੋੜ ਦਿਤੇ ਹਨ। ਸਸਕੈਚਵਾਨ ਦੀ 29ਵੀਂ ਆਮ ਚੋਣ ਸੋਮਵਾਰ ਨੂੰ ਹੈ, ਪਰ ਵੋਟਰਾਂ ਨੇ 20 ਅਕਤੂਬਰ ਤੋਂ 24 ਅਕਤੂਬਰ ਦੇ ਵਿਚਕਾਰ ਅਡਵਾਂਸ ਵੋਟਿੰਗ ਕੀਤੀ।
ਸਸਕੈਚਵਨ ਵਿਚ 817,014 ਯੋਗ ਵੋਟਰਾਂ ‘ਚੋਂ 22.6% ਨੇ ਅਡਵਾਂਸ ਮਤਦਾਨਾਂ ਵਿਚ ਵੋਟ ਪਾਈ। ਚੋਣਾਂ ਸਸਕੈਚਵਨ ਦੇ ਅੰਕੜਿਆਂ ਤੋਂ ਪਤਾ ਲੱਗਦਾ ਕਿ ਇਸ ਵਾਰ ਅਡਵਾਂਸ ਵੋਟਿੰਗ ‘ਚ 2016 ਤੋਂ 67 ਫੀਸਦੀ ਵੱਧ ਵੋਟਾਂ ਪਈਆਂ ਹਨ। 2011 ਵਿੱਚ, ਸਿਰਫ 66,392 ਲੋਕਾਂ ਨੇ ਅਡਵਾਂਸ ਵੋਟਿੰਗ ਵਿੱਚ ਹਿੱਸਾ ਲਿਆ ਸੀ।
ਕੋਰੋਨਾ ਵਾਇਰਸ ਮਹਾਂਮਾਰੀ ਦੇ ਦੌਰਾਨ, 61,255 ਬਿਨੈਕਾਰਾਂ ਵੋਟਰਾਂ ਨੂੰ ਭੇਜੀਆਂ ਗਈਆਂ ਸਨ, ਜੋ ਕਿ ਸਾਲ 2016 ਵਿੱਚ ਭੇਜੇ ਗਏ 4,420 ਨਾਲੋਂ ਵਧ ਹਨ। ਸਾਲ 2016 ਵਿਚ ਵੋਟਰਾਂ ਦੀ ਗਿਣਤੀ 57.8 ਫੀਸਦ ਸੀ।
ਸਸਕੈਚਵਨ ਵਿਚ ਸੋਮਵਾਰ ਨੂੰ ਵੋਟ ਪਾਉਣ ਦਾ ਆਖਰੀ ਦਿਨ ਹੈ। ਪੋਲ ਸ਼ਾਮ 8 ਵਜੇ ਬੰਦ ਹੋ ਜਾਵੇਗੀ।
