ਸਸਕੈਚਵਨ ਸੂਬੇ ਦੀ ਰਾਜਧਾਨੀ ਰੇਜੀਨਾ ਦੇ ਸਕੂਲਾਂ ‘ਚ ਕੋਰੋਨਾ ਦੇ ਮਾਮਲਿਆਂ ਨੇ ਸਥਾਨਕ ਪ੍ਰਸ਼ਾਸ਼ਨ, ਸਕੂਲ ਪ੍ਰਬੰਧਕਾਂ ਅਤੇ ਮਾਪਿਆਂ ਦੀ ਚਿੰਤਾ ਵਧਾ ਦਿੱਤੀ ਹੈ। ਰੇਜੀਨਾ ਪਬਲਿਕ ਸਕੂਲ ਵਲੋਂ ਆਪਣੇ ਚਾਰ ਸਕੂਲਾਂ ਵਿਚ ਕੋਵਿਡ-19 ਦੇ ਕੇਸਾਂ ਦੀ ਪੁਸ਼ਟੀ ਕੀਤੀ ਗਈ ਹੈ। ਰਿਪੋਰਟ ਅਨੁਸਾਰ ਗ੍ਰਾਂਟ ਰੋਡ ਸਕੂਲ, ਵਿਲਫ੍ਰੈਡ ਹੰਟ ਸਕੂਲ, ਐਲਬਰਟ ਕਮਿਊਨਿਟੀ ਸਕੂਲ ਅਤੇ ਸਕਾਟ ਕਾਲਜੀਏਟ ਸਕੂਲ, ਇਹਨਾਂ ਚਾਰ ਸਕੂਲਾਂ ਵਿੱਚ ਕੋਰੋਨਾ ਦਾ ਇੱਕ-ਇੱਕ ਕੇਸ ਸਾਹਮਣੇ ਆਇਆ ਹੈ । ਸਕੂਲਾਂ ਵਿੱਚ ਕਰੋਨਾ ਮਾਮਲੇ ਦੀ ਪੁਸ਼ਟੀ ਤੋਂ ਬਾਅਦ ਪ੍ਰਸ਼ਾਸਨ ਵਿਚ ਹੜਕੰਪ ਮਚਿਆ ਹੋਇਆ ਹੈ, ਫਿਲਹਾਲ ਅਹਿਤਿਆਤੀ ਕਦਮ ਚੁੱਕੇ ਗਏ ਹਨ।
ਸਕੂਲ ਡਵੀਜ਼ਨ ਦਾ ਕਹਿਣਾ ਹੈ ਕਿ ਗ੍ਰਾਂਟ ਰੋਡ ਸਕੂਲ, ਵਿਲਫ੍ਰੈਡ ਹੰਟ ਸਕੂਲ ਅਤੇ ਐਲਬਰਟ ਕਮਿਊਨਿਟੀ ਸਕੂਲ ਦੇ ਪ੍ਰਭਾਵਿਤ ਵਿਦਿਆਰਥੀ ਘਰ ਰਹਿ ਕੇ ਹੀ ਆਨਲਾਈਨ ਪ੍ਰਕਿਰਿਆ ਰਾਹੀਂ ਪੜ੍ਹਾਈ ਸ਼ੁਰੂ ਕਰਨਗੇ, ਉਹ 2 ਦਸੰਬਰ ਨੂੰ ਸਕੂਲ ਵਾਪਸ ਆਉਣਗੇ ।
ਉਧਰ ਸਕਾਟ ਕਾਲਜੀਏਟ ਵਿਖੇ ਪ੍ਰਭਾਵਿਤ ਵਿਦਿਆਰਥੀ ਵੀ ਆਨਲਾਈਨ ਸਿੱਖਣਾ ਸ਼ੁਰੂ ਕਰੇਗਾ, ਪਰ ਉਹ 3 ਦਸੰਬਰ ਨੂੰ ਸਕੂਲ ਵਾਪਸ ਆਉਣਗੇ । ਸਕੂਲ ਡਵੀਜ਼ਨ ਦਾ ਕਹਿਣਾ ਹੈ ਕਿ ਉਹ ਜਨਤਕ ਸਿਹਤ ਨਾਲ ਕੰਮ ਕਰ ਰਹੇ ਹਨ ਤਾਂ ਜੋ ਉਹ ਸਭ ਨੂੰ ਨੇੜਿਓਂ ਸਮਝ ਸਕਣ ਉਨ੍ਹਾਂ ਬੱਚਿਆਂ ਨੂੰ ਛੱਡ ਕੇ ਜੋ ਆਨਲਾਈਨ ਸਿਖਲਾਈ ਵੱਲ ਵਧ ਰਹੇ ਹਨ, ਡਵੀਜ਼ਨ ਦੇ ਅਨੁਸਾਰ ਸਕੂਲ ਹੋਰ ਵਿਦਿਆਰਥੀਆਂ ਲਈ ਖੁੱਲ੍ਹੇ ਰਹਿਣਗੇ ।
ਇਸ ਸਬੰਧ ਵਿਚ ਸਕੂਲ ਵਿਦਿਆਰਥੀਆਂ ਦੇ ਮਾਪਿਆਂ ਨੂੰ ਸੋਮਵਾਰ ਨੂੰ ਪੱਤਰ ਭੇਜੇ ਜਾਣਗੇ।
ਕਮਿਊਨਿਕੇਸ਼ਨ ਸੁਪਰਵਾਈਜ਼ਰ ਟੈਰੀ ਲਾਜ਼ਰ ਨੇ ਇਕ ਬਿਆਨ ਵਿਚ ਕਿਹਾ, “ਜੇ ਸਕੂਲ ਵਿਚ ਕੋਈ ਕੋਰੋਨਾ ਪ੍ਰਭਾਵਿਤਾਂ ਦਾ ਵਾਧੂ ਨਜ਼ਦੀਕੀ ਸੰਪਰਕ ਹੈ, ਤਾਂ ਉਨ੍ਹਾਂ ਵਾਸਤੇ ਜਨਤਕ ਸਿਹਤ ਨਾਲ ਸਿੱਧਾ ਸੰਪਰਕ ਕੀਤਾ ਜਾਵੇਗਾ।