ਯੂਕੌਨ ਵਿੱਚ ਕੋਵਿਡ 19 ਦੇ 4 ਨਵੇਂ ਕੇਸ ਸਾਹਮਣੇ ਆਏ ਹਨ। ਇਹ ਨਵੇਂ ਕੇਸ ਇਕ ਸਕੰਰਮਿਤ ਵਿਅਕਤੀ ਦੇ ਨੇੜਲੇ ਸਪੰਰਕ ‘ਚ ਆਉਣ ਕਾਰਨ ਹੋਏ ਹਨ ਜਿਸਨੇ ਖੇਤਰ ਤੋਂ ਬਾਹਰ ਯਾਤਰਾ ਕੀਤੀ ਸੀ।
ਸਰਕਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ 4 ਲੋਕਾਂ ਨੂੰ ਘਰ ‘ਚ ਹੀ ਅਲੱਗ ਥਲੱਗ ਕੀਤਾ ਹੋਇਆ ਹੈ ਅਤੇ ਉਹ ਹੁਣ ਠੀਕ ਹੋ ਰਹੇ ਹਨ। ਚੀਫ ਮੈਡੀਕਲ ਅਫਸਰ ਡਾ. ਬਰੈਂਡਨ ਹੈਨਲੀ ਦਾ ਕਹਿਣਾ ਹੈ ਕਿ ਹੁਣ ਯੁਕੌਨ ‘ਚ ਕੋਵਿਡ 19 ਦੇ ਕੁਲ ਕੇਸਾਂ ਦੀ ਗਿਣਤੀ 64 ਹੋ ਗਈ ਹੈ। ਇਕ ਨਿਉਜ਼ ਰੀਲੀਜ਼ ਵਿਚ ਕਿਹਾ ਗਿਆ ਹੈ ਕਿ ਸ਼ਾਇਦ ਹੋਰ ਦੋ ਥਾਵਾਂ ‘ਤੇ ਹੋਰ ਲੋਕਾਂ ਨੂੰ ਵਾਇਰਸ ਦਾ ਸਾਹਮਣਾ ਕਰਨਾ ਪਿਆ ਹੈ।ਉਨ੍ਹਾਂ ਕਿਹਾ ਕਿ 22 ਦਸੰਬਰ ਨੂੰ ਏਅਰ ਨੌਰਥ 2517 ਵੈਨਕੂਵਰ ਤੋਂ ਵ੍ਹਾਈਟਹੋਰਸ ਦੀ ਉਡਾਣ ‘ਤੇ ਸਵਾਰ ਲੋਕਾਂ ਨੂੰ ਕੋਵਿਡ -19 ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈਅਤੇ ਜਿਹੜੇ ਲੋਕਾਂ ਨੇ 27 ਦਸੰਬਰ ਨੂੰ ਕੈਨੇਡਾ ਦੇ ਖੇਡ ਕੇਂਦਰ ਦੇ ਵੈਲਨਸ ਰੂਮ ਦਾ ਦੌਰਾ ਕੀਤਾ ਸੀ,ਉਨ੍ਹਾਂ ਨੂੰ ਵੀ ਕੋਵਿਡ 19 ਦਾ ਖਤਰਾ ਹੋ ਸਕਦਾ ਹੈ।