ਲਾਸ ਏਂਜਲਸ : ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਵੱਲੋਂ ਮੰਗਲ ਗ੍ਰਹਿ ‘ਤੇ ਭੇਜਿਆ ਗਿਆ ‘ਰੋਵਰ ਪਰਸੀਵੈਰੇਂਸ’ ਸ਼ੁੱਕਰਵਾਰ ਨੂੰ ਪਹਿਲੀ ਵਾਰ ਕਰੀਬ 6.5 ਮੀਟਰ ਲਗਭਗ 21 ਫੁੱਟ ਤੋਂ ਜ਼ਿਆਦਾ ਤਕ ਚੱਲਿਆ। ਇਸ ਨਾਲ ਮੰਗਲ ਦੀ ਮਿੱਟੀ ‘ਤੇ ਉਸ ਦੇ ਪਹੀਆਂ ਦੇ ਨਿਸ਼ਾਨ ਬਣ ਗਏ। ਨਾਸਾ ਨੇ ਇਨ੍ਹਾਂ ਨਿਸ਼ਾਨਾਂ ਦੀ ਤਸਵੀਰ ਇੰਟਰਨੈੱਟ ਮੀਡੀਆ ‘ਤੇ ਸ਼ੇਅਰ ਕੀਤੀ ਹੈ।
ਪਰਸੀਵੈਰੇਂਸ ਨੂੰ ਲਾਲ ਗ੍ਰਹਿ ‘ਤੇ ਚਲਾਉਣ ਅਤੇ ਟੈਸਟਿੰਗ ਦੀ ਇਹ ਪ੍ਰਕਿਰਿਆ ਕਰੀਬ 33 ਮਿੰਟਾਂ ਤਕ ਚੱਲੀ। ਪਹਿਲੇ ਉਹ ਚਾਰ ਮੀਟਰ ਤਕ ਗਿਆ ਅਤੇ ਮੁੜ ਇਸ ਪਿੱਛੋਂ 150 ਡਿਗਰੀ ਖੱਬੇ ਘੁੰਮ ਕੇ ਕਰੀਬ 2.5 ਮੀਟਰ ਪਿੱਛੇ ਆਇਆ। ਫਿਲਹਾਲ ਉਹ ਆਪਣੇ ਅਸਥਾਈ ਪਾਰਕਿੰਗ ਸਥਾਨ ‘ਤੇ ਖੜ੍ਹਾ ਹੈ।
"Our first drive went incredibly well. […] You can see the wheel tracks that we left on Mars. I don't think I've ever been happier to see wheel tracks, and I've seen a lot of them." — @NASAJPL's Anais Zarifian describes a milestone for @NASAPersevere. pic.twitter.com/gewrGoLsRa
— NASA (@NASA) March 5, 2021
ਨਾਸਾ ਨੇ ਆਪਣੇ ਅਧਿਕਾਰਤ ਬਿਆਨ ਵਿਚ ਕਿਹਾ ਕਿ ਟੈਸਟ ਡ੍ਰਾਈਵ ਦੌਰਾਨ ਪਰਸੀਵੈਰੇਂਸ ਦੇ ਸਾਰੇ ਸਿਸਟਮ ਦੀ ਜਾਂਚ ਕੀਤੀ ਗਈ। ਪਰਸੀਵੈਰੇਂਸ ਨੇ ਜਿੱਥੋਂ ਆਪਣਾ ਮਿਸ਼ਨ ਸ਼ੁਰੂ ਕੀਤਾ ਹੁਣ ਉਸ ਨੂੰ ‘ਆਕਿਟਵੀਆ ਈਬਟਲਰ ਲੈਂਡਿੰਗ’ ਦਾ ਨਾਂ ਦਿੱਤਾ ਗਿਆ ਹੈ। ਇਹ ਨਾਂ ਇਕ ਸਾਇੰਸ ਫਿਕਸ਼ਨ ਆਥਰ ਦੇ ਨਾਂ ‘ਤੇ ਰੱਖਿਆ ਗਿਆ ਹੈ। ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਰੋਵਰ ਜਦੋਂ ਆਪਣੇ ਉਦੇਸ਼ ਲਈ ਕੰਮ ਕਰਨਾ ਸ਼ੁਰੂ ਕਰੇਗਾ ਤਾਂ ਇਹ ਰੋਜ਼ਾਨਾ 200 ਮੀਟਰ ਦਾ ਸਫ਼ਰ ਤੈਅ ਕਰੇਗਾ।
A quick test of my steering, and things are looking good as I get ready to roll. My team and I are keen to get moving. One step at a time. pic.twitter.com/XSYfT158AQ
— NASA's Perseverance Mars Rover (@NASAPersevere) March 5, 2021
ਪਰਸੀਵੈਰੇਂਸ ਰੋਵਰ ਮੋਬਿਲਿਟੀ ਟੈਸਟਬੇਡ ਇੰਜੀਨੀਅਰ ਅਨਾਇਸ ਜਾਰਿਫਾਯਨ ਨੇ ਕਿਹਾ ਕਿ ਇਹ ਸਾਡੇ ਲਈ ਪਹਿਲਾ ਅਨੁਭਵ ਸੀ। ਰੋਵਰ ਦੇ 6 ਪਹੀਏ ਵਧੀਆ ਕੰਮ ਕਰ ਰਹੇ ਹਨ। ਉਹ ਸਾਨੂੰ ਅਗਲੇ ਦੋ ਸਾਲਾਂ ਤਕ ਸਾਇੰਸ ਦੀ ਦੁਨੀਆ ਵਿਚ ਲੈ ਜਾਣ ਵਿਚ ਕਾਮਯਾਬ ਹੋਵੇਗਾ।
ਦੱਸਣਯੋਗ ਹੈ ਕਿ ਪਰਸੀਵੈਰੇਂਸ 18-19 ਫਰਵਰੀ ਦੀ ਦਰਮਿਆਨੀ ਰਾਤ ਮੰਗਲ ‘ਤੇ ਜੀਵਨ ਦੀ ਭਾਲ ਵਿਚ ਉਤਰਿਆ ਸੀ। ਇਸ ਨੇ ਭਾਰਤੀ ਸਮੇਂ ਅਨੁਸਾਰ ਕਰੀਬ 2 ਵਜੇ ਮਾਰਸ ਦੀ ਸਭ ਤੋਂ ਖ਼ਤਰਨਾਕ ਸਤ੍ਹਾ ਜੇਜੇਰੋ ਕ੍ਰੇਟਰ ‘ਤੇ ਲੈਂਡਿੰਗ ਕੀਤੀ ਸੀ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇੱਥੇ ਪਹਿਲੇ ਨਦੀ ਵੱਗਦੀ ਸੀ। ਪਰਸੀਵੈਰੇਂਸ ਰੋਵਰ ਲਾਲ ਗ੍ਰਹਿ ਤੋਂ ਚੱਟਾਨਾਂ ਦੇ ਨਮੂਨੇ ਵੀ ਲੈ ਕੇ ਆਵੇਗਾ। ਪਰਸੀਵੈਰੇਂਸ ਰੋਵਰ 1,000 ਕਿਲੋਗ੍ਰਾਮ ਵਜ਼ਨੀ ਹੈ। ਇਹ ਪਰਮਾਣੂ ਊਰਜਾ ਨਾਲ ਚੱਲੇਗਾ। ਪਹਿਲੀ ਵਾਰ ਕਿਸੇ ਰੋਵਰ ਵਿਚ ਪਲੂਟੋਨੀਅਮ ਨੂੰ ਈਂਧਨ ਦੇ ਤੌਰ ‘ਤੇ ਪ੍ਰਯੋਗ ਕੀਤਾ ਜਾ ਰਿਹਾ ਹੈ। ਇਹ ਰੋਵਰ ਮੰਗਲ ਗ੍ਰਹਿ ‘ਤੇ 10 ਸਾਲਾਂ ਤਕ ਕੰਮ ਕਰੇਗਾ। ਇਸ ਵਿਚ ਸੱਤ ਫੁੱਟ ਦਾ ਰੋਬੋਟਿਕ ਆਰਮ, 23 ਕੈਮਰੇ ਅਤੇ ਇਕ ਡਿ੍ਲ ਮਸ਼ੀਨ ਹੈ ਅਤੇ ਹੈਲੀਕਾਪਟਰ ਦਾ ਵਜ਼ਨ ਦੋ ਕਿਲੋਗ੍ਰਾਮ ਹੈ।
