ਬੀ.ਸੀ ‘ਚ ਕੋਵਿਡ 19 ਦੇ ਕੇਸ ਵਧਦੇ ਨਜ਼ਰ ਆ ਰਹੇ ਹਨ ਪਰ ਹਸਪਤਾਲ ਵਿਚ ਭਰਤੀ ਹੋਣ ਦੀ ਗਿਣਤੀ ਸਥਿਰ ਹੈ।
ਸੂਬਾਈ ਸਿਹਤ ਅਫਸਰ ਡਾ. ਬੋਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰਿਅਨ ਡਿਕਸ ਨੇ ਵੀਰਵਾਰ ਨੂੰ 617 ਨਵੇਂ ਕੇਸਾਂ ਦਾ ਐਲਾਨ ਕੀਤਾ, ਨਾਲ ਹੀ 4 ਹੋਰ ਮੌਤਾਂ ਦੀ ਪੁਸ਼ਟੀ ਕੀਤੀ ਹੈ। ਨਵੇਂ ਕੇਸਾਂ ਵਿਚੋਂ 488 ਲੋਅਰ ਮੇਨਲੈਂਡ ਤੇ ਹਨ, ਜਦੋਂ ਕਿ ਉੱਤਰੀ ਸਿਹਤ ਖੇਤਰ ਵਿਚ 92 ਹਨ। ਹੈਨਰੀ ਅਤੇ ਡਿਕਸ ਨੇ ਲੋਕਾਂ ਨੂੰ ਕੋਵਡ 19 ਦੇ ਨਿਯਮਾਂ ਤੋਂ ਫਿਰ ਜਾਣੂ ਕਰਵਾਇਆ ਹੈ ਉਨ੍ਹਾਂ ਕਿਹਾ ਕਿ ਨਿਯਮਾਂ ਦੀ ਪਾਲਣਾ ਕਰਨ, ਮਾਸਕ ਪਹਿਨਣ ਅਤੇ ਹੱਥ ਧੋਣ। ਮਿਸ਼ਨ ਮੈਮੋਰੀਅਲ ਹਸਪਤਾਲ ਅਤੇ ਫਲੈਟਵੁੱਡ ਵਿਲਾ ਵਿਖੇ ਨਵੇਂ ਸਿਹਤ ਦੇਖਭਾਲ ‘ਚ ਕੋਵਿਡ 19 ਆਉਟਬ੍ਰੇਕ ਘੋਸ਼ਣਾ ਕੀਤੀ ਗਈ ਹੈ। ਸਾਇਮਨ ਫਰੇਜ਼ਰ ਯੂਨੀਵਰਸਿਟੀ ਚਾਈਲਡ ਕੇਅਰ ਸੈਂਟਰ ਵਿਖੇ ਇਕ ਕਮਿਉਨਿਟੀ ਆਉਟਬ੍ਰੇਕ ਦਾ ਐਲਾਨ ਕੀਤਾ ਗਿਆ ਹੈ।
ਸੂਬੇ ‘ਚ 224 ਲੋਕ ਹਸਪਤਾਲ ‘ਚ ਅਤੇ 60 ਇੰਟੈਂਸਿਵ ਕੇਅਰ ਯੂਨਿਟ ‘ਚ ਦਾਖਲ ਹਨ । ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸੂਬੇ ‘ਚ 180, 691 ਟੀਕੇ ਦੀਆਂ ਖੁਰਾਕਾਂ ਦਿੱਤੀਆਂ ਗਈਆਂ ਹਨ।
