ਲੰਦਨ : ਬ੍ਰਿਟੇਨ ਦੀ ਮਹਾਰਾਣੀ ਐਲਿਜ਼ਾਬੈੱਥ ਦੇ ਪਤੀ ਤੇ ਡਿਊਕ ਆਫ ਐਡਿਨਬਰਗ ਪ੍ਰਿੰਸ ਫਿਲਿਪ ਸ਼ੁੱਕਰਵਾਰ ਨੂੰ ਬਕਿੰਘਮ ਪੈਲੇਸ ਵਿੱਚ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗਏ। ਉਹ 99 ਸਾਲਾਂ ਦੇ ਸਨ। ਸੱਤ ਦਹਾਕਿਆਂ ਤੱਕ ਉਨ੍ਹਾਂ ਆਪਣੀ ਪਤਨੀ ਦਾ ਹਰ ਚੰਗੇ ਮਾੜੇ ਦੌਰ ਵਿੱਚ ਸਾਥ ਨਿਭਾਇਆ।
ਪ੍ਰਿੰਸ ਫਿਲਿਪ ਦੇ ਦੇਹਾਂਤ ‘ਤੇ ਦੁਨੀਆ ਭਰ ਦੇ ਆਗੂਆਂ ਨੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣੇ ਸ਼ੋਕ ਸੰਦੇਸ਼ ਵਿੱਚ ਪ੍ਰਿੰਸ ਫਿਲਿਪ ਦੀ ਮੌਤ ‘ਤੇ ਅਫਸੋਸ ਜਤਾਇਆ ।
My thoughts are with the British people and the Royal Family on the passing away of HRH The Prince Philip, Duke of Edinburgh. He had a distinguished career in the military and was at the forefront of many community service initiatives. May his soul rest in peace.
— Narendra Modi (@narendramodi) April 9, 2021
ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੌਰਿਸ ਜੌਹਨਸਨ ਨੇ ਪ੍ਰਿੰਸ ਫਿਲਿਪ ਦੀ ਮੌਤ ਨੂੰ ਵੱਡਾ ਘਾਟਾ ਦੱਸਿਆ ਹੈ। 10 ਡਾਊਨਿੰਗ ਸਟਰੀਟ ਦੇ ਬਾਹਰ ਪ੍ਰਧਾਨ ਮੰਤਰੀ ਬੌਰਿਸ ਜੌਹਨਸਨ ਨੇ ਆਖਿਆ ਕਿ ਸਾਰੀ ਉਮਰ ਪ੍ਰਿੰਸ ਫਿਲਿਪ ਨੇ ਮਹਾਰਾਣੀ ਦਾ ਸਾਥ ਦਿੱਤਾ।
My statement on the death of HRH The Prince Philip, Duke of Edinburgh. pic.twitter.com/cjlSsERXPV
— Boris Johnson (@BorisJohnson) April 9, 2021
On the death of HRH The Prince Philip, Duke of Edinburgh. pic.twitter.com/rZlbY1matF
— Boris Johnson (@BorisJohnson) April 9, 2021
ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕਾਟ ਮੌਰੀਸਨ ਨੇ ਬ੍ਰਿਟੇਨ ਤੇ ਰਾਜ ਘਰਾਣੇ ਨਾਲ ਦੁੱਖ ਸਾਂਝਾ ਕੀਤਾ।
Statement on His Royal Highness The Duke of Edinburgh. pic.twitter.com/6kq6Lg7cLp
— Scott Morrison (@ScottMorrisonMP) April 9, 2021
ਕੈਨੇਡਾ ਦੇ ਓਂਂਟਾਰੀਓ ਸੂਬੇ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਵੀ ਪ੍ਰਿੰਸ ਫਿਲਿਪ ਦੀ ਮੌਤ ‘ਤੇ ਸ਼ੋਕ ਸੰਦੇਸ਼ ਜਾਰੀ ਕੀਤਾ ਅਤੇ ਕਿਹਾ ਕਿ ਉਹ ਆਪਣੇ ਪਰਿਵਾਰ ਦੇ ਨਾਲ ਨਾਲ ਹੋਰਨਾਂ ਲਈ ਵੀ ਆਦਰਸ਼ ਸਨ।
On behalf of all Ontarians, we send our deepest condolences to Her Majesty the Queen and the entire Royal Family. Prince Philip was a devoted husband, father, war hero and public servant and he will be missed by many around the world. https://t.co/MFGZHZqTA4
— Doug Ford (@fordnation) April 9, 2021
ਪ੍ਰਿੰਸ ਫਿਲਿਪ ਦਾ ਜਨਮ ਗ੍ਰੀਕ ਦੇ ਸ਼ਾਹੀ ਘਰਾਨੇ ਵਿੱਚ ਹੋਇਆ ਤੇ ਉਨ੍ਹਾਂ ਅਜਿਹੇ ਦੌਰ ਵਿੱਚ ਬ੍ਰਿਟੇਨ ਦੇ ਕੌਨਸੌਰਟ ਦੀ ਭੂਮਿਕਾ ਨਿਭਾਈ ਜਦੋਂ 21ਵੀਂ ਸਦੀ ਵਿੱਚ ਹਜ਼ਾਰ ਸਾਲ ਪੁਰਾਣਾ ਸਾਮਰਾਜ ਖੁਦ ਨੂੰ ਰੀਇਨਵੈਂਟ ਕਰਨ ਦੀ ਕੋਸਿ਼ਸ਼ ਕਰ ਰਿਹਾ ਸੀ। ਉਨ੍ਹਾਂ ਨੂੰ ਕਦੇ ਕਦੇ ਸਖ਼ਤ ਟਿੱਪਣੀਆਂ ਕਰਨ ਤੇ ਬ੍ਰਿਟੇਨ ਦੇ ਹਿਤਾਂ ਨੂੰ ਦੇੇਸ਼ ਤੇ ਵਿਦੇਸ਼ ਵਿੱਚ ਹੱਲਾਸੇ਼ਰੀ ਦੇਣ ਲਈ ਜਾਣਿਆ ਜਾਂਦਾ ਸੀ।
ਉਨ੍ਹਾਂ ਕਈ ਚੈਰਿਟੀਜ਼ ਦੀ ਅਗਵਾਈ ਕੀਤੀ, ਅਜਿਹੇ ਪ੍ਰੋਗਰਾਮ ਸ਼ੁਰੂ ਕੀਤੇ ਜਿਨ੍ਹਾਂ ਨੇ ਚੁਣੌਤੀ ਭਰੇ ਆਊਟਡੋਰ ਐਡਵੈਂਚਰਜ਼ ਵਿੱਚ ਬ੍ਰਿਟਿਸ਼ ਸਕੂਲੀ ਬੱਚਿਆਂ ਨੂੰ ਹਿੱਸਾ ਲੈਣ ਦੀ ਆਦਤ ਪਾਈ। ਇਸ ਦੇ ਨਾਲ ਹੀ ਉਨ੍ਹਾਂ ਆਪਣੇ ਚਾਰ ਬੱਚਿਆਂ ਨੂੰ ਪਾਲਣ ਵਿੱਚ ਵੀ ਅਹਿਮ ਭੂਮਿਕਾ ਨਿਭਾਈ।
ਇੱਕ ਸਾਲ ਪਹਿਲਾਂ ਫਿਲਿਪ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਸੀ ਤੇ 16 ਮਾਰਚ ਨੂੰ ਉਨ੍ਹਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ। ਮਹਾਰਾਣੀ ਐਲਿਜ਼ਾਬੈੱਥ ਨੇ ਆਪਣੇ ਪਤੀ ਦੀ ਮੌਤ ਦਾ ਐਲਾਨ ਕੀਤਾ। ਉਨ੍ਹਾਂ ਦੱਸਿਆ ਕਿ ਪ੍ਰਿੰਸ ਫਿਲਿਪ ਨੇ ਵਿੰਡਸਰ ਮਹਿਲ ਵਿੱਚ ਸਵੇਰ ਸਮੇਂ ਦਮ ਤੋੜਿਆ ।
ਦੁਨੀਆ ਭਰ ਤੋਂ ਸਿਆਸੀ ਆਗੂਆਂ, ਕਾਰੋਬਾਰੀਆਂ, ਸ਼ਾਹੀ ਖਾਨਦਾਨ ਦੇ ਲੋਕਾਂ ਵੱਲੋਂ ਪ੍ਰਿੰਸ ਫਿਲਿਪ ਦੀ ਮੌਤ ਉੱਤੇ ਦੁੱਖ ਪ੍ਰਗਟਾਇਆ ਜਾ ਰਿਹਾ ਹੈ ।ਸਾਰੀਆਂ ਪਾਰਟੀਆ ਦੇ ਆਗੂਆਂ ਵੱਲੋਂ ਵੀ ਦੁੱਖ ਪ੍ਰਗਟਾਇਆ ਗਿਆ।
