ਨੌਰਥ ਸਟੋਰਮਾਂਟ ਟਾਉਨਸ਼ਿਪ ਵਿੱਚ ਇੱਕ ਘੋੜਾ, ਬੱਗੀ ਅਤੇ ਇੱਕ ਪਿਕਅਪ ਟਰੱਕ ਦੇ ਹਾਦਸੇ ਦੇ ਬਾਅਦ ਦੋ ਲੋਕਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਓਨਟਾਰੀਓ ਦੀ ਸੂਬਾਈ ਪੁਲਿਸ (ਓਪੀਪੀ) ਦੇ ਅਨੁਸਾਰ ਇਹ ਟੱਕਰ ਸ਼ਾਮ 4 ਵਜੇ ਤੋਂ ਬਾਅਦ ਹੋਈ ਜਦੋਂ ਓਨਟਾਰੀਓ ਦੇ ਅਵੋਨਮੋਰ ਵਿੱਚ ਫੇਅਰਵਿਉ ਡਰਾਈਵ ਤੇ ਪੱਛਮ ਵੱਲ ਜਾਣ ਵਾਲੇ ਟਰੱਕ ਨੇ ਦੋ ਘੋੜਿਆਂ ਵਾਲੀ ਬੱਗੀ ਨੂੰ ਟੱਕਰ ਮਾਰ ਦਿੱਤੀ।
ਓਪੀਪੀ ਨੇ ਦਸਿਆ ਕਿ ਇਸ ਦੌਰਾਨ 60 ਸਾਲਾ ਦੀ ਇਕ ਔਰਤ ਅਤੇ ਇਕ ਆਦਮੀ ਨੂੰ ਗੰਭੀਰ ਹਾਲਤ ‘ਚ ਹਸਪਤਾਲ ਪਹੁੰਚਾਇਆ ਗਿਆ। ਉਨ੍ਹਾਂ ਕਿਹਾ ਕਿ ਇਸ ਹਾਦਸੇ ਵਿੱਚ ਇੱਕ ਘੋੜੇ ਦੀ ਮੌਤ ਹੋ ਗਈ, ਜਦਕਿ ਇੱਕ ਹੋਰ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ।
ਜਾਂਚਕਰਤਾਵਾਂ ਨੇ ਬੁਧਵਾਰ ਸ਼ਾਮ 7:30 ਵਜੇ ਫੇਅਰਵਿਉ ਡ੍ਰਾਈਵ ਵਿਚਕਾਰ ਕਾੳਂਟੀ ਰੋਡ 43 ਅਤੇ ਜੋਨ ਸਟਰੀਟ ਨੂੰ ਬੰਦ ਕਰ ਦਿਤਾ ਹੈ। ਐਵਨਮੋਰ ਓਟਾਵਾ ਦੇ ਸ਼ਹਿਰ ਤੋਂ ਲਗਭਗ 75 ਕਿਲੋਮੀਟਰ ਦੱਖਣ-ਪੂਰਬ ਵਿਚ ਹੈ।
