ਟੈਕਨੋਲਾਜੀਕਲ ਇਨੋਵੇਸ਼ਨ ਨਾਲ ਜਿੱਥੇ ਡਿਜੀਟਲ ਟਰਾਂਸਫਰਮੇਸ਼ਨ ਨੂੰ ਬਲ ਮਿਲਿਆ ਤੇ ਕੌਮਾਂਤਰੀ ਪੱਧਰ ਉੱਤੇ ਮੁਕਾਬਲੇਬਾਜ਼ੀ ਵਧੀ ਉੱਥੇ ਹੀ ਮੌਜੂਦਾ ਇੰਡਸਟਰੀਜ਼ ਦੀ ਕਾਇਆ ਵੀ ਪਲਟ ਗਈ ਤੇ ਨਵੀਆਂ ਮਾਰਕਿਟ ਦੇ ਰਾਹ ਖੁੱਲ੍ਹ ਗਏ।ਇਸ ਦੌਰਾਨ ਕੋਵਿਡ-19 ਮਹਾਂਮਾਰੀ ਕਾਰਨ ਦੁਨੀਆਂ ਭਰ ਵਿੱਚ ਡਿਜੀਟਲ ਟੈਕਨੌਲੋਜੀ ਦੇ ਬਦਲ ਅਪਣਾਉਣ ਕਾਰਨ ਸਾਈਬਰਸਕਿਊਰਿਟੀ ਦੀ ਅਹਿਮੀਅਤ ਦੀ ਲੋੜ ਵੀ ਮਹਿਸੂਸ ਹੋਈ। ਜਿਵੇਂ ਅਸੀਂ ਵਿਕਾਸ ਕਰਨ ਅਤੇ ਰਿਕਵਰ ਕਰਨ ਦੇ ਰਾਹ ਲੱਭਦੇ ਹਾਂ ਉਸ ਦੇ ਨਾਲ ਹੀ ਸੇਫ ਤੇ ਸਕਿਓਰ ਸਾਈਬਰ ਸਪੇਸ ਸਿਰਜਣਾ ਕੈਨੇਡਾ ਦੀ ਮੁਕਾਬਲੇਬਾਜ਼ੀ, ਆਰਥਿਕ ਸਥਿਰਤਾ ਤੇ ਖੁਸ਼ਹਾਲੀ ਲਈ ਕਾਫੀ ਅਹਿਮ ਹੈ।
ਰਾਇਰਸਨ ਯੂਨੀਵਰਸਿਟੀ ਦੇ ਕੈਟਾਲਿਸਟ ਸਾਈਬਰ ਰੇਂਜ ਦੀ ਵਰਚੂਅਲ ਲਾਂਚ ਸਮੇਂ ਇਕਨੌਕਿਮ ਡਿਵੈਲਪਮੈਂਟ ਐਂਡ ਆਫੀਸ਼ੀਅਲ ਲੈਂਗੁਏਜਿਜ਼ ਮੰਤਰੀ ਦੀ ਪਾਰਲੀਆਮੈਂਟਰੀ ਸਕੱਤਰ ਕੇਟ ਯੰਗ ਨੇ ਰਾਇਰਸਨ ਯੂਨੀਵਰਸਿਟੀ ਦੇ ਰੌਜਰਜ਼ ਸਾਈਬਰਸਕਿਓਰ ਕੈਟਾਲਿਸਟ ਲਈ 660,000 ਡਾਲਰ ਦੇ ਨੇੜੇ ਤੇੜੇ ਫੈੱਡ ਡੇਵ ਓਨਟਾਰੀਓ ਨਿਵੇਸ਼ ਦਾ ਐਲਾਨ ਕੀਤਾ। ਇਹ ਉਪਰਾਲਾ ਪੀਲ ਰੀਜਨ ਦੇ ਉਨ੍ਹਾਂ ਵਰਕਰਜ਼ ਦੀ ਭਲਾਈ ਲਈ ਕੀਤਾ ਜਾ ਰਿਹਾ ਹੈ ਜਿਨ੍ਹਾਂ ਦਾ ਕੋਵਿਡ-19 ਮਹਾਂਮਾਰੀ ਕਾਰਨ ਨੁਕਸਾਨ ਹੋਇਆ ਹੈ। ਇਸ ਸਹਿਯੋਗ ਨਾਲ ਪੀਲ ਰੀਜਨ ਯੰਗ ਵਰਕਰ ਸਾਇਬਰਸਕਿਊਰਿਟੀ ਟਰੇਨਿੰਗ ਪ੍ਰੋਗਰਾਮ ਤਿਆਰ ਕਰਨ ਲਈ ਰੌਜਰਜ਼ ਸਾਈਬਰਸਕਿਓਰ ਕੈਟਾਲਿਸਟ ਰੋਜ਼ਗਾਰ ਸਬੰਧੀ ਫੌਰੀ ਲੋੜਾਂ ਨੂੰ ਪੂਰਾ ਕੀਤਾ ਜਾਵੇਗਾ।ਬੇਰੋਜ਼ਗਾਰਾਂ ਜਾਂ ਅੰਡਰ ਇੰਪਲੌਇਡ ਯੰਗ ਵਰਕਰਜ਼ ਲਈ ਵਰਕਫੋਰਸ ਟਰੇਨਿੰਗ ਪਹਿਲਕਦਮੀ ਨਾਲ ਨਾ ਸਿਰਫ ਨੌਜਵਾਨ ਸਾਈਬਰਸਕਿਊਰਿਟੀ ਪ੍ਰੋਫੈਸ਼ਨਲਜ਼ ਕੈਨੇਡੀਅਨ ਸਾਈਬਰਸਕਿਊਰਿਟੀ ਈਕੋਸਿਸਟਮ ਨਾਲ ਜੁੜਨਗੇ ਸਗੋਂ ਤੇਜ਼ੀ ਨਾਲ ਵਿਕਸਤ ਹੋ ਰਹੇ ਇਸ ਸੈਕਟਰ ਵਿੱਚ ਵੰਨਸੁਵੰਨਤਾ ਵੀ ਆਵੇਗੀ।