ਭਾਰਤ ਵਿਚਲੇ ਦਿੱਲੀ ਘੇਰੀ ਬੈਠੇ ਕਿਸਾਨ ਅੰਦੋਲਨਕਾਰੀਆਂ ਦੇ ਹੱਕ ਵਿੱਚ ਜਿੱਥੇ ਦੁਨੀਆਂ ਭਰ ਵਿੱਚ ਕਿਸਾਨ ਪੱਖੀ ਵੱਖ ਵੱਖ ਭਾਈਚਾਰਿਆਂ ਵੱਲੋਂ ਹਰ ਚੌਂਕ ਚੁਰਾਹੇ ਚ ਮੁਜਾਰਿਆਂ ਰੋਸ ਰੈਲੀਆਂ ਦਾ ਚਲਨ ਜਾਰੀ ਹੈ ਉੱਥੇ ਹੀ ਬਰੈਂਮਪਟਨ ਸੌਕਰ ਸੈਂਟਰ ਤੋਂ ਭਾਰਤੀ ਪਾਸਪੋਰਟ ਅਤੇ ਹੋਰ ਸੇਵਾਂਵਾਂ ਦੇਣ ਵਾਲੇ ਬੀ ਐਲ ਐਸ ਦੇ ਦਫਤਰ ਜੋ ਕਿ ਬੋਵੇਰਡ ਡਰਾਈਵ ਅਤੇ ਗਿਗਲਿੰਗ ਡਰਾਈਵ ਤੇ ਸਥਿੱਤ ਹੈ ਦੇ ਦਫਤਰ ਸਾਹਮਣੇ ਤੱਕ ਕਾਰ ਰੈਲੀ ਦਾ ਆਯੋਜਨ ਕੀਤਾ ਗਿਆ।
ਰੈਲੀ ਵਿੱਚ ਕਾਰਾਂ ਅਤੇ ਟਰੈਕਟਰਾਂ ਤੇ ਸਵਾਰ ਹੋ ਕੇ ਵੱਢੀ ਗਿਣਤੀ ‘ਚ ਵੱਖ ਵੱਖ ਜੱਥੇਬੰਦੀਆਂ ਦੇ ਵਾਲੰਟੀਅਰਜ ਨੇ ਭਾਗ ਲਿਆ। ਇਸ ਕਾਰ ਰੈਲੀ ਨੂੰ ਆਯੋਜਿਤ ਕਰਨ ਲਈ ਸੱਦਾ ਦੇਣ ਵਾਲੀਆਂ ਜੱਥੇਬੰਦੀਆਂ ‘ਚ ਅਲਾਂਇੰਸ ਆਫ ਪਰੌਗਰੈਸਿਵ ਕੈਨੇਡੀਅਨਜ, ਸਿਰਜਨਹਾਰੀਆਂ ਵੁਮੈਨ ਗਰੁੱਪ, ਸਾਰੋਕਾਰਾਂ ਦੀ ਆਵਾਜ, ਇੰਡੋ ਕੈਨੇਡੀਅਨ ਵਰਕਰਜ ਐਸੋਸੀਏਸ਼ਨ, ਜੀ ਟੀ ਏ ਵੈਸਟ ਕਲੱਬ, ਪਰਵਾਸੀ ਪੰਜਾਬੀ ਪੈਨਸ਼ਨਰ ਐਸੋਸੀਏਸ਼ਨ, ਕੈਨੇਡੀਅਨ ਪੰਜਾਬੀ ਸਾਹਿਤ ਸਭਾ,ਐਮ ਐਲ ਪਾਰਟੀ ਆਫ ਕੈਨੇਡਾ ਅਤੇ ਪ੍ਰੋਫੈਸਰ ਮੋਹਣ ਸਿੰਘ ਫਾਊਂਡੇਸ਼ਨ ਆਦਿ ਸ਼ਾਮਲ ਸਨ। ਵੱਖ ਵੱਖ ਬੁਲਾਰਿਆਂ ਨੇ ਭਾਰਤ ਸਰਕਾਰ ਤੋਂ ਕਿਸਾਨ ਵਿਰੋਧੀ ਕਾਲੇ ਕਾਨੂੰਨ ਵਾਪਸ ਲਏ ਜਾਣ ਦੀ ਜਿੱਥੇ ਮੰਗ ਕੀਤੀ ਉੱਥੇ ਕਿਸਾਨਾਂ ਤੇ ਬਣਾਏ ਗਏ ਕੇਸ ਵਾਪਸ ਲੈਣ ਦੀ ਮੰਗ ਵੀ ਕੀਤੀ ਗਈ ਇਸ ਰੈਲੀ ਨੂੰ ਸੰਬੋਧਨ ਕਰਨ ਵਾਲਿਆਂ ਚ ਹਰਪਰਮਿੰਦਰ ਗਦਰੀ, ਜਾਗੀਰ ਸਿੰਘ ਕਾਹਲੋਂ,ਹਰਜੱਸਪ੍ਰੀਤ ਪਰੀਤ ਗਿੱਲ, ਹਰਿੰਦਰ ਹੁੰਦਲ ਅਤੇ ਪੁਸ਼ਪਿੰਦਰ ਜੋਸਨ ਆਦਿ ਸ਼ਾਮਲ ਸਨ।
