ਓਟਾਵਾ : ਕੈਨੇਡਾ ਦੇ ਸੂਬੇ ਓਂਟਾਰੀਓ ਵਿੱਚ ਕੋਰੋਨਾ ਕਾਰਨ ਬੀਤੇ 24 ਘੰਟਿਆਂ ਦੌਰਾਨ 89 ਲੋਕਾਂ ਦੀ ਮੌਤ ਹੋ ਗਈ ਤੇ 2,600 ਹੋਰ ਲੋਕ ਕੋਰੋਨਾ ਦੇ ਸ਼ਿਕਾਰ ਹੋ ਗਏ। ਮੰਗਲਵਾਰ ਨੂੰ ਇੱਥੇ ਕਾਫੀ ਸਮੇਂ ਬਾਅਦ ਕੋਰੋਨਾ ਦੇ ਘੱਟ ਮਾਮਲੇ ਦਰਜ ਹੋਏ ਸਨ।
ਓਂਟਾਰੀਓ ਸਿਹਤ ਮੰਤਰਾਲੇ ਮੁਤਾਬਕ ਮੰਗਲਵਾਰ ਨੂੰ ਇੱਥੇ 1,913 ਲੋਕ ਕੋਰੋਨਾ ਦੇ ਸ਼ਿਕਾਰ ਹੋਏ ਸਨ ਤੇ ਬੀਤੇ 24 ਘੰਟਿਆਂ ਦੇ ਮਾਮਲੇ ਇਸ ਨਾਲੋਂ ਵਧੇਰੇ ਰਹੇ ਹਨ । ਅਧਿਕਾਰੀਆਂ ਨੇ ਕਿਹਾ ਕਿ ਮਾਮਲੇ ਵਧੇਰੇ ਦਰਜ ਹੋਣ ਦਾ ਇਕ ਕਾਰਨ ਇਹ ਵੀ ਹੈ ਕਿ ਬੀਤੇ ਦਿਨ ਵਧੇਰੇ ਲੋਕਾਂ ਦਾ ਕੋਰੋਨਾ ਟੈਸਟ ਹੋਇਆ ਹੈ।
ਬੀਤੇ 24 ਘੰਟਿਆਂ ਦੌਰਾਨ 54,307 ਲੋਕਾਂ ਨੇ ਆਪਣਾ ਕੋਰੋਨਾ ਟੈਸਟ ਕਰਵਾਇਆ ਜਦਕਿ ਇਸ ਤੋਂ ਇਕ ਦਿਨ ਪਹਿਲਾਂ ਸਿਰਫ 34,000 ਲੋਕਾਂ ਨੇ ਟੈਸਟ ਕਰਵਾਇਆ ਸੀ।
ਓਂਟਾਰੀਓ ਸੂਬੇ ਦੀ ਡਿਪਟੀ ਪ੍ਰੀਮੀਅਰ ਅਤੇ ਸਿਹਤ ਮੰਤਰੀ ਕ੍ਰਿਸਟਾਇਨ ਇਲੀਅਟ ਨੇ ਸੂਬੇ ਦੇ ਕੋਰੋਨਾ ਦੇ ਤਾਜ਼ੇ ਅੰਕੜੇ ਸਾਂਝੇ ਕੀਤੇ ।
Ontario is reporting 2,655 cases of #COVID19 and over 54,300 tests completed. Locally, there are 925 new cases in Toronto, 473 in Peel, 226 in York Region, 179 in Windsor-Essex County and 129 in Niagara.
— Christine Elliott (@celliottability) January 20, 2021
ਦੱਸਿਆ ਜਾ ਰਿਹਾ ਹੈ ਕਿ ਬੀਤੇ 24 ਘੰਟਿਆਂ ਦੌਰਾਨ ਟੋਰਾਂਟੋ ਵਿਚ ਕੋਰੋਨਾ ਦੇ 925 ਮਾਮਲੇ ਦਰਜ ਹੋਏ ਹਾਲਾਂਕਿ ਇਸ ਤੋਂ ਪਹਿਲੇ ਦਿਨ ਇੱਥੇ ਕੋਰੋਨਾ ਮਾਮਲੇ 550 ਸਨ। ਪੀਲ ਰੀਜ਼ਨ ਵਿਚ 473 ਲੋਕ ਕੋਰੋਨਾ ਦੇ ਸ਼ਿਕਾਰ ਬਣੇ, ਯਾਰਕ ਰੀਜ਼ਨ ਵਿਚ 226 ਅਤੇ ਵਿੰਡਸਰ-ਅਸੈਸਕਸ ਕਾਊਂਟੀ ਵਿਚ 179 ਲੋਕ ਕੋਰੋਨਾ ਦਾ ਸ਼ਿਕਾਰ ਹੋਏ ਹਨ।
ਸਿਹਤ ਮੰਤਰਾਲਾ ਮੁਤਾਬਕ ਸੂਬੇ ਦੇ ਹਸਪਤਾਲਾਂ ਵਿਚ 1,598 ਲੋਕ ਕੋਰੋਨਾ ਦਾ ਇਲਾਜ ਕਰਵਾ ਰਹੇ ਹਨ ਅਤੇ ਇਨ੍ਹਾਂ ਵਿਚੋਂ 395 ਲੋਕ ਆਈ.ਸੀ.ਯੂ. ਵਿਚ ਹਨ।
ਕ੍ਰਿਸਟਾਇਨ ਇਲੀਅਟ ਨੇ ਲੋਕਾਂ ਨੂੰ ਪਾਬੰਦੀਆਂ ਨੂੰ ਮੰਨਣ ਦੀ ਮੁੜ ਤੋਂ ਅਪੀਲ ਕੀਤੀ।
A stay-at-home order is currently in effect for all of Ontario. Only leave home for essential purposes such as food, health care, exercise or work. It is the law. Stay home, stay safe, save lives. Learn more at https://t.co/NNId0Nm0UU. pic.twitter.com/yUI5XPVUkA
— Christine Elliott (@celliottability) January 20, 2021
ਸਿਹਤ ਵਿਭਾਗ ਵੱਲੋਂ ਇਕ ਵਾਰ ਫਿਰ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਘਰਾਂ ਵਿੱਚ ਹੀ ਰਹਿਣ, ਸਿਰਫ਼ ਜ਼ਰੂਰਤ ਪੈਣ ‘ਤੇ ਹੀ ਘਰਾਂ ਤੋਂ ਬਾਹਰ ਆਉਣ।
