ਟੋਰਾਂਟੋ : ਓਂਟਾਰੀਓ ਸੂਬੇ ਵਿੱਚ ਕੋਰੋਨਾ ਦੇ ਨਵੇਂ ਵੇਰੀਐਂਟ ਦੇ ਮਾਮਲੇ ਅਚਾਨਕ ਤੇਜ਼ੀ ਨਾਲ ਵਧੇ ਹਨ । ਇਨਫੈਕਸ਼ੀਅਸ ਡਜ਼ੀਜ਼ ਦੇ ਮਾਹਿਰ ਦਾ ਕਹਿਣਾ ਹੈ ਕਿ ਇਸ ਸਮੇਂ ਵਧੇਰੇ ਇਹਤਿਆਤ ਰੱਖਣ ਦੀ ਜ਼ਰੂਰਤ ਹੈ। ਓਂਂਟਾਰੀਓ ਵਿਚਲੇ ਸਕੂਲਾਂ ਨੂੰ ਪ੍ਰੋਵਿੰਸ ਵਿੱਚ ਪਾਏ ਜਾ ਰਹੇ ਕੋਵਿਡ-19 ਦੇ ਨਵੇਂ ਵੇਰੀਐਂਟ ਨੂੰ ਵੇਖਦਿਆਂ ਹੋਇਆਂ ਇੱਕ ਵਾਰੀ ਮੁੜ ਬੰਦ ਕਰ ਦੇਣਾ ਚਾਹੀਦਾ ਹੈ। ਯੂਨੀਵਰਸਿਟੀ ਆਫ ਟੋਰਾਂਟੋ ਦੇ ਡਾਲਾ ਲਾਨਾ ਸਕੂਲ ਆਫ ਪਬਲਿਕ ਹੈਲਥ ਵਿਖੇ ਐਪੀਡੇਮੌਲੋਜਿਸਟ ਡਾ· ਕੌਲਿਨ ਫਰਨੈੱਸ ਨੇ ਆਖਿਆ ਕਿ ਓਂਟਾਰੀਓ ਵੱਲੋਂ ਜਾਰੀ ਕੀਤੇ ਗਏ ਅਪਡੇਟਿਡ ਮਾਡਲਿੰਗ ਡਾਟਾ ਵਿੱਚ ਇਹ ਆਖਿਆ ਗਿਆ ਹੈ ਕਿ ਅਪਰੈਲ ਤੱਕ ਕੋਵਿਡ-19 ਦੇ ਰੋਜ਼ਾਨਾ 8000 ਮਾਮਲੇ ਸਾਹਮਣੇ ਆ ਸਕਦੇ ਹਨ।
ਇਹ ਸੱਭ ਕੋਵਿਡ-19 ਦੇ ਤੇਜ਼ੀ ਨਾਲ ਫੈਲ ਰਹੇ ਨਵੇਂ ਵੇਰੀਐਂਟਸ ਕਾਰਨ ਹੋ ਰਿਹਾ ਹੈ।
I know this was upsetting for many to read. But this is my honest expectation, based on how this has played out elsewhere, and our own modeling too. I'm a parent myself and I understand the harm caused by closures. But this ought to be brief b/c of vaccination and warmer weather. https://t.co/uyW8Ii4GRZ
— Colin Furness (@FurnessColin) March 12, 2021
ਡਾ. ਫਰਨੈੱਸ ਅਨੁਸਾਰ ਯੂਰਪ ਦੇ ਤਜਰਬੇ ਤੋਂ ਅਸੀਂ ਸਮਝਦੇ ਹਾਂ ਕਿ ਨਵੇਂ ਵੇਰੀਐਂਟਸ ਖਿਲਾਫ ਜਿਹੜੇ ਮਾਪਦੰਡ ਸਾਡੇ ਵੱਲੋਂ ਅਪਣਾਏ ਜਾ ਰਹੇ ਹਨ ਉਹ ਕਾਫੀ ਪ੍ਰਭਾਵਸ਼ਾਲੀ ਹਨ ਪਰ ਸਾਨੂੰ ਇਨ੍ਹਾਂ ਵੱਲ ਹੋਰ ਧਿਆਨ ਦੇਣ ਦੀ ਲੋੜ ਹੈ।
ਡਾ· ਕੌਲਿਨ ਫਰਨੈੱਸ ਨੇ ਆਖਿਆ ਕਿ ਸੱਭ ਤੋਂ ਅਹਿਮ ਮਾਪਦੰਡ ਇਹ ਹਨ ਕਿ ਸਾਨੂੰ ਸਕੂਲ ਮੁੜ ਬੰਦ ਕਰ ਦੇਣੇ ਚਾਹੀਦੇ ਹਨ। ਉਨ੍ਹਾਂ ਚੇਤਾਵਨੀ ਦਿੰਦਿਆਂ ਆਖਿਆ ਕਿ ਵੇਰੀਐਂਟਸ ਦੇ ਮਾਮਲਿਆਂ ਵਿੱਚ ਅਪਰੈਲ ਦੇ ਮੱਧ ਵਿੱਚ ਹੋਰ ਤੇਜ਼ੀ ਆਉਣ ਦਾ ਖਦਸ਼ਾ ਹੈ। ਕੋਵਿਡ-19 ਦੇ ਨਵੇਂ ਮਾਡਲਿੰਗ ਡਾਟਾ ਤੋਂ ਇਹ ਸੰਕੇਤ ਮਿਲੇ ਹਨ ਕਿ ਇਸ ਨਾਲ ਪ੍ਰੋਵਿੰਸ ਵਿੱਚ ਇਨਫੈਕਸ਼ਨ ਦੀ ‘ਤੀਜੀ ਵੇਵ’ ਵੀ ਆ ਸਕਦੀ ਹੈ । ਇਸ ਟੇਬਲ ਅਨੁਸਾਰ ਅਗਲੇ ਕੁੱਝ ਹਫਤਿਆਂ ਵਿੱਚ ਸਥਾਨਕ ਰੈਜ਼ੀਡੈਂਟਸ ਦਾ ਵਿਵਹਾਰ ਕਿਹੋ ਜਿਹਾ ਰਹੇਗਾ ਇਸ ਗੱਲ ਉੱਤੇ ਹੀ ਓਂਟਾਰੀਓ ਵਿੱਚ ਗਰਮੀਆਂ ਦਾ ਮਿਆਰ ਨਿਰਭਰ ਕਰੇਗਾ।
