ਕੈਨੇਡਾ 2021 ਤੋਂ 2023 ਦਰਮਿਆਨ 1.2 ਮਿਲੀਅਨ ਤੋਂ ਵੱਧ ਨਵੇਂ ਆਏ ਲੋਕਾਂ ਦਾ ਸਵਾਗਤ ਕਰਕੇ ਕੋਰੋਨਾ ਵਾਇਰਸ ਮਹਾਂਮਾਰੀ ਤੋਂ ਆਪਣੀ ਆਰਥਿਕ ਪ੍ਰਾਪਤੀ ਨੂੰ ਉਤਸ਼ਾਹਤ ਕਰਨ ਲਈ ਡ੍ਰਾਮੈਟੀਕਲੀ ਢੰਗ ਨਾਲ ਇਮੀਗ੍ਰੇਸ਼ਨ ਵਧਾ ਰਿਹਾ ਹੈ ਯਾਨੀ ਕਿ ਕੈਨੇਡੀਅਨ ਸਰਕਾਰ ਕੋਵਿਡ -19 ਮਹਾਂਮਾਰੀ ਅਤੇ ਹੋਰ ਪਾਬੰਦੀਆਂ ਕਾਰਨ ਅਨੁਮਾਨਿਤ ਘਾਟ ਨੂੰ ਪੂਰਾ ਕਰਨ ਲਈ ਦੇਸ਼ ਆਉਣ ਵਾਲੇ ਪ੍ਰਵਾਸੀਆਂ ਦੀ ਗਿਣਤੀ ਵਧਾ ਰਹੀ ਹੈ।
ਕੈਨੇਡਾ ਦੇ ਇਮੀਗ੍ਰੇਸ਼ਨ ਮੰਤਰੀ ਮਾਰਕੋ ਮੈਂਡੀਚੀਨੋ ਨੇ ਪੁਸ਼ਟੀ ਕੀਤੀ ਕਿ ਹੁਨਰਮੰਦ ਇਮੀਗ੍ਰਾਂਟਾਂ ਨੂੰ ਪਹਿਲ ਦੇ ਅਧਾਰ `ਤੇ ਪੱਕੀ ਇਮੀਗ੍ਰੇਸ਼ਨ ਦਿੱਤੀ ਜਾਵੇਗੀ। ਅਗਲੇ ਸਾਲਾਂ ਦੌਰਾਨ ਇਮੀਗ੍ਰੇਸ਼ਨ ਦੇ ਕੁਲ ਕੋਟੇ ਦਾ 60% ਪੱਕੇ ਵੀਜੇ ਯੋਗਤਾ ਦੇ ਅਧਾਰ `ਤੇ ਦਿੱਤੇ ਜਾਣਗੇ। ਉਨ੍ਹਾਂ ਕਿਹਾ ਕਿ ਵਿਦੇਸ਼ਾਂ ਤੋਂ ਆਏ ਇਮੀਗ੍ਰਾਂਟ ਕੈਨੇਡਾ ਦੀ ਆਰਥਿਕਤਾ ਵਿੱਚ ਰੋਜ਼ਗਾਰ ਰਾਹੀਂ, ਟੈਕਸ ਅਦਾ ਕਰਕੇ, ਵਸਤਾਂ, ਮਕਾਨ ਅਤੇ ਆਵਾਜਾਈ ਉਪਰ ਪੈਸਾ ਖਰਚ ਕੇ ਯੋਗਦਾਨ ਪਾਉਂਦੇ ਹਨ।
ਕੈਨੇਡਾ ਵਲੋਂ 2021 ਵਿਚ 401000, 2022 ਵਿਚ 411000 ਅਤੇ 2023 ਵਿਚ 421000 ਪੱਕੇ ਇਮੀਗ੍ਰਾਂਟਾਂ ਨੂੰ ਵੀਜੇ ਜਾਰੀ ਕਰੇਗਾ।
