ਅਮਰੀਕਾ ਦੀ ਇਕ ਯੂਨੀਵਰਸਿਟੀ ਵਿਚ ਜੈਨ ਧਰਮ ਅਤੇ ਹਿੰਦੂ ਧਰਮ ’ਤੇ ਇਕ ਚੇਅਰ ਸਥਾਪਤ ਕਰਨ ਦਾ ਐਲਾਨ ਕੀਤਾ ਗਿਆ ਹੈ। ਯੂਨੀਵਰਸਿਟੀ ਨੇ ਆਪਣੇ ਧਾਰਮਿਕ ਅਧਿਐਨ ਪ੍ਰੋਗਰਾਮ ਦੇ ਤਹਿਤ ਇਸ ਚੇਅਰ ਦੀ ਸਥਾਪਨਾ ਕੀਤੀ ਹੈ। ਕੈਲੀਫੋਰਨੀਆ ਸਟੇਟ ਯੂਨੀਵਰਸਿਟੀ, ਫ੍ਰੇਸਨੋ ਵਿਚ ਜੈਨ ਤੇ ਹਿੰਦੂ ਧਰਮ ‘ਤੇ ਅਧਿਐਨ ਦੇ ਲਈ ਇਕ ਸੰਯੁਕਤ ਚੇਅਰ ਸਥਾਪਿਤ ਕਰਨ ਵਿਚ ਭਾਰਤੀ ਮੂਲ ਦੇ 24 ਤੋਂ ਵੱਧ ਲੋਕਾਂ ਨੇ ਯੋਗਦਾਨ ਦਿੱਤਾ ਹੈ।
ਕਲਾ ਅਤੇ ਹਿਊਮੈਨਿਟੀਜ਼ ਕਾਲਜ ਦੇ ਦਰਸ਼ਨ ਵਿਭਾਗ ਵਿਚ ਜੈਨ ਅਤੇ ਹਿੰਦੂ ਧਰਮ ’ਤੇ ਚੇਅਰ ਦੀ ਸਥਾਪਨਾ ਕੀਤੀ ਜਾਵੇਗੀ ਅਤੇ ਇਹ ਯੂਨੀਵਰਸਿਟੀ ਦੇ ਧਾਰਮਕ ਅਧਿਐਨ ਪ੍ਰੋਗਰਾਮ ਦਾ ਅਭਿੰਨ ਹਿੱਸਾ ਹੋਵੇਗਾ। ਜੈਨ ਅਤੇ ਹਿੰਦੂ ਧਰਮ ਦੀ ਪਰੰਪਰਾ ਦੇ ਇਕ ਮਾਹਰ ਪ੍ਰੋਫੈਸਰ ਨੂੰ 2021 ਵਿਚ ਅੰਤਰਿਮ ਪ੍ਰਧਾਨ ਨਿਯੁਕਤ ਕੀਤਾ ਜਾਵੇਗਾ। ਮੀਡੀਆ ਵਿਚ ਜਾਰੀ ਬਿਆਨ ਦੇ ਮੁਤਾਬਕ, ਜੈਨ ਅਤੇ ਹਿੰਦੂ ਭਾਈਚਾਰਾ ਅਤੇ ਕੈਲੀਫੋਰਨੀਆ ਸਟੇਟ ਯੂਨੀਵਰਸਿਟੀ, ਫ੍ਰੇਸਨੋ ਦੇ ਵਿਚ ਇਹ ਸੰਬੰਧ ਮੌਜੂਦਾ ਅਤੇ ਆਉਣ ਵਾਲੀਆਂ ਪੀੜ੍ਹੀਆਂ ਦੇ ਵਿਦਿਆਰਥੀਆਂ ਨੂੰ ਅਹਿੰਸਾ, ਧਰਮ, ਨਿਆਂ, ਦਰਸ਼ਨ, ਹਿੰਦੂ ਜੈਨ ਗ੍ਰੰਥਾਂ ਅਤੇ ਪਰੰਪਰਾਵਾਂ ਦੇ ਮਾਧਿਅਮ ਨਾਲ ਸਾਰੇ ਜੀਵਾਂ ਅਤੇ ਵਾਤਾਵਰਨ ਦੇ ਵਿਚ ਆਪਸੀ ਸੰਬੰਧੀ ਦੀ ਸਿੱਖਿਆ ਦੇਣ ਦੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।