ਓਟਾਵਾ: ਪਿਛਲੇ ਦੋ ਹਫਤਿਆਂ ਵਿੱਚ ਕੈਨੇਡੀਅਨ ਏਅਰਪੋਰਟਸ ਉੱਤੇ ਲੈਂਡ ਕੀਤੇ 30 ਜਹਾਜ਼ਾਂ ਵਿੱਚੋਂ ਹਰੇਕ ਉੱਤੇ ਇੱਕ ਨਾ ਇੱਕ ਪੈਸੈਂਜਰ ਅਜਿਹਾ ਸੀ ਜਿਹੜਾ ਕੋਵਿਡ-19 ਪੋਜ਼ਟਿਵ ਸੀ | ਪਰ ਇਨ੍ਹਾਂ ਜਹਾਜ਼ਾਂ ਦੇ ਯਾਤਰੀਆਂ ਨੂੰ ਸਿੱਧੇ ਤੌਰ ‘ਤੇ ਉਨ੍ਹਾਂ ਦੇ ਹੋਏ ਇਸ ਐਕਸਪੋਜ਼ਰ ਬਾਰੇ ਨਹੀਂ ਦੱਸਿਆ ਗਿਆ ਹੈ |
ਫੈਡਰਲ ਸਰਕਾਰ ਨੇ ਯੂਰਪ, ਭਾਰਤ, ਮੈਕਸਿਕੋ, ਮੱਧ ਪੂਰਬ ਤੇ ਅਮਰੀਕਾ ਦੇ ਕਈ ਸ਼ਹਿਰਾਂ ਤੋਂ ਆਈਆਂ9 ਘਰੇਲੂ ਉਡਾਨਾਂ ਤੇ 21 ਕੌਮਾਂਤਰੀ ਉਡਾਨਾਂ ਦੀ ਨਿਸ਼ਾਨਦੇਹੀ ਕੀਤੀ ਹੈ| ਇਨ੍ਹਾਂ ਵਿੱਚੋਂ 13 ਕੌਮਾਂਤਰੀ ਉਡਾਨਾਂ ਟੋਰਾਂਟੋ, 5 ਵੈਨਕੂਵਰ, 1 ਕੈਲਗਰੀ ਤੇ ਦੋ ਮਾਂਟਰੀਅਲ ਉਤਰੀਆਂ|
ਇਨ੍ਹਾਂ ਵਿੱਚ ਐਰੋ ਮੈਕਸਿਕੋ ਦਾ ਮੈਕਸਿਕੋ ਸਿਟੀ ਤੋਂ ਆਇਆ ਤੇ ਮਾਂਟਰੀਅਲ ਏਅਰਪੋਰਟ ਉੱਤੇ 18 ਜੁਲਾਈ ਨੂੰ ਲੈਂਡ ਕੀਤਾ ਜਹਾਜ਼ ਵੀ ਸ਼ਾਮਲ ਹੈ| ਫੈਡਰਲ ਪਬਲਿਕ ਹੈਲਥ ਅਧਿਕਾਰੀਆਂ ਵੱਲੋਂ ਭਾਵੇਂ ਇਹ ਗੱਲ ਮੰਨੀ ਗਈ ਕਿ ਇਨ੍ਹਾਂ ਜਹਾਜ਼ਾਂ ਰਾਹੀਂ ਆਏ ਯਾਤਰੀ ਕੋਵਿਡ-19 ਸੰਕ੍ਰਮਿਤ ਹੋ ਸਕਦੇ ਹਨ ਪਰ ਯਾਤਰੀਆਂ ਨੂੰ ਕੋਵਿਡ-19 ਟੈਸਟ ਕਰਵਾਉਣ ਲਈ ਨਹੀਂ ਆਖਿਆ ਗਿਆ।