ਓਟਾਵਾ : ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਹਫਤੇ ਦੇ ਅਰੰਭ ਵਿੱਚ ਓਟਾਵਾ ਦੇ ਸ਼ਹਿਰ ‘ਚ ਇੱਕ ਵਾਪਰੀ ਘਟਨਾ ਤੋਂ ਬਾਅਦ 20 ਸਾਲਾਂ ਦੇ ਦੋ ਵਿਅਕਤੀਆਂ ਅਤੇ ਇੱਕ ਕਿਸ਼ੋਰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਓਟਾਵਾ ਪੁਲਿਸ ਨੇ ਦਸਿਆ ਕਿ ਬੁੱਧਵਾਰ ਰਾਤ 11 ਵਜੇ ਤੋਂ ਪਹਿਲਾਂ ਇਕ ਵਿਅਕਤੀ ਰੀਡੌ ਅਤੇ ਵਿਲੀਅਮ ਸੜਕਾਂ ਦੇ ਚੌਰਾਹੇ ‘ਤੇ ਫੁੱਟਪਾਥ ‘ਤੇ ਜਾ ਰਿਹਾ ਸੀ। ਅਧਿਕਾਰੀਆਂ ਨੇ ਕਿਹਾ ਕਿ ਫੁੱਟਪਾਥ ‘ਤੇ ਉਸ ਕੋਲ ਤਿੰਨ ਵਿਅਕਤੀ ਆਏ ਜਿੰਨ੍ਹਾਂ ਨੇ ਪਹਿਲਾਂ ਉਸ ਨਾਲ ਗੱਲਬਾਤ ਕੀਤੀ ਅਤੇ ਬਾਅਦ ‘ਚ ਉਸਦੇ ਚਿਹਰੇ ‘ਤੇ ਵਾਰ ਕੀਤੇ ਅਤੇ ਉਸਨੂੰ ਜ਼ਮੀਨ ਤੇ ਸੁੱਟ ਦਿਤਾ।
ਪੁਲਿਸ ਨੇ ਦਸਿਆ ਕਿ ਉਹ ਪੀੜਿਤ ਦਾ ਫੋਨ ਤੇ ਕੁਝ ਹੋਰ ਨਿੱਜੀ ਸਮਾਨ ਲੈ ਕੇ ਫਰਾਰ ਹੋ ਗਏ ਸਨ। ਦਸ ਦਈਏ ਅਗਲੇ ਦਿਨ ਫਰੰਟਲਾਈਨ ਦੇ ਅਧਿਕਾਰੀਆਂ ਨੇ ਤਿੰਨ ਸ਼ੱਕੀ ਵਿਅਕਤੀਆਂ ਦੀ ਪਛਾਣ ਕੀਤੀ ਅਤੇ ਬਿਨਾਂ ਕਿਸੇ ਘਟਨਾ ਦੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ।
ਮਾਂਟਰੀਅਲ ਦਾ 24 ਸਾਲਾ ਮੁਹੰਮਦ ਹਲਾਲ, 22 ਸਾਲਾ ਬੇਡਰਡਾਈਨ ਹਦਾਦ ਅਤੇ ਇਕ 16 ਸਾਲਾ ਸ਼ੱਕੀ ਨੂੰ ਓਟਾਵਾ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਤੇ ਲੁੱਟਮਾਰ ਅਤੇ ਇਕ ਅਪਰਾਧ ਕਰਨ ਦੀ ਸਾਜਿਸ਼ ਰਚਣ ਦੇ ਦੋਸ਼ ਲਗਾਏ ਗਏ ਸਨ । ਹਲਾਲ ਅਤੇ ਹਦਾਦ ਦੋਵੇਂ ਸ਼ੁੱਕਰਵਾਰ ਨੂੰ ਅਦਾਲਤ ਵਿੱਚ ਪੇਸ਼ ਹੋਣੇ ਸਨ।
