ਇਜ਼ਰਾਈਲ ਨੇ ਇੱਕ ਨਿਗਰਾਨੀ ਸੈਟੇਲਾਈਨ ਲਾਂਚ ਕੀਤਾ ਹੈ ਜੋ ਇਰਾਨ ਦੇ ਪ੍ਰਮਾਣੂ ਅਤੇ ਸੈਨਿਕ ਗਤੀਵਿਧੀਆਂ ਦੀ ਜਾਸੂਸੀ ਕਰਨ ਦੀ ਯੋਗਤਾ ਵਿੱਚ ਸੁਧਾਰ ਕਰੇਗਾ।
ਰੱਖਿਆ ਮੰਤਰਾਲੇ ਨੇ ਦੱਸਿਆ ਕਿ ਇਜ਼ਰਾਈਲ ਨੇ ਸੋਮਵਾਰ ਸਵੇਰੇ ਸੈਂਟਰਲ ਇਜ਼ਰਾਈਲ ਪਾਲਮਾਚਿਮ ਏਅਰਬੇਸ (Palmachim airbase) ‘ਤੇ ਇੱਕ ਲਾਂਚਪੈਂਡ ਤੋਂ ਨਵਾਂ ‘ਓਫੈਕ 16’ ਜਾਸੂਸ ਸੈਟੇਲਾਈਟ ਨੂੰ ਓਰਬਿਟ ‘ਚ ਲਾਂਚ ਕੀਤਾ ਹੈ। ‘ਓਫੇਕ 16’ ਉਨੱਤ ਸਮਰਥਾਵਾਂ ਨਾਲ ਲੈਸ ਇਲੈਕਟ੍ਰੋ ਆਪਟੀਕਲ ਟੋਹੀ ਉਪਗ੍ਰਹਿ ਹੈ। ਰੱਖਿਆ ਮੰਤਰਾਲੇ ਦੇ ਮੁਤਾਬਕ ਲਾਂਚ ਦੇ ਕੁਝ ਸਮੇਂ ਬਾਅਦ ਹੀ ‘ਓਫੇਕ16’ ਨੇ ਡਾਟਾ ਭੇਜਣਾ ਸ਼ੁਰੂ ਕਰ ਦਿਤਾ ਸੀ ਅਤੇ ਧਰਤੀ ਦੇ ਚਾਰੇ ਪਾਸੇ ਚੱਕਰ ਲਗਾਉਣੇ ਸ਼ੁਰੂ ਕਰ ਦਿੱਤੇ ਸਨ।
ਰੱਖਿਆ ਮੰਤਰਾਲੇ ਦੇ ਪੁਲਾੜ ਅਤੇ ਸੈਟੇਲਾਈਟ ਪ੍ਰਸ਼ਾਸਨ ਦੇ ਪ੍ਰਮੁੱਖ ਅਮੋਨ ਹਰਾਰੀ ਨੇ ਦੱਸਿਆ ਕਿ ਧਰਤੀ ਨੂੰ ਵੇਖਣ ਵਾਲਾ ਉਪਗ੍ਰਹਿ ਜਿਸ ਨਾਲ ਨਿਰੰਤਰ ਇਜ਼ਰਾਈਲ ਤੇ ਨਿਗਰਾਨੀ ਰੱਖੀ ਜਾਵੇਗੀ , ਤੇ ਨਾਲ ਹੀ ਦੋ ਹੋਰ ਉਪਗ੍ਰਹਿਆਂ ਦੇ ਸੰਚਾਲਨ ਬਾਰੇ ਵੀ ਦੱਸਿਆ । ਇੱਕ ਉਪਗ੍ਰਹਿ ‘ਓਫੇਕ 16’ ਨੂੰ ਸਾਲ 2002 ‘ਚ ਲਾਂਚ ਕੀਤਾ ਗਿਆ ਸੀ ਅਤੇ ਓਫੇਕ 11 ਨੂੰ ਸਾਲ 2016 ‘ਚ ਲਾਂਚ ਕੀਤਾ ਗਿਆ ਸੀ।
ਰੱਖਿਆ ਮੰਤਰੀ ਬੇਨੀ ਗੈਂਟਜ਼ ਨੇ ਜਾਸੂਸੀ ਉਪਗ੍ਰਹਿ ਦੇ ਲਾਂਚ ਨੂੰ ਅਸਧਾਰਨ ਉਪਲਬਧੀ ਦਸਦਿਆਂ ਕਿਹਾ ਕਿ ਦੇਸ਼ ਦੀ ਸੁਰੱਖਿਆ ਲਈ ਤਕਨੀਕੀ ਉਤਮਤਾ ਅਤੇ ਖ਼ੁਫੀਆ ਜਾਣਕਾਰੀ ਜ਼ਰੂਰੀ ਹੈ।