ਕੈਨੇਡਾ: ਹੈਮਿਟਨ ਅਦਾਕਾਰ ਅਤੇ ਮਿਉਜ਼ੀਕਲ ਬੁਲੇਟ ਓਵਰ ਬ੍ਰੌਡਵੇ(musical Bullets Over Broadway) ਵਿੱਚ ਆਪਣੀ ਭੂਮਿਕਾ ਲਈ ਟੋਨੀ ਨਾਮਜ਼ਦਗੀ ਪ੍ਰਾਪਤ ਕਰਨ ਵਾਲੇ ਨਿਕ ਕੋਡੇਰੋ (Nick Cordero) , ਦੀ ਐਤਵਾਰ ਨੂੰ ਕੋਰੋਨਾ ਵਾਇਰਸ ਕਾਰਨ ਮੌਤ ਹੋ ਗਈ ਹੈ । 41 ਸਾਲ ਦੇ ਨਿਕ ਕੋਰਡੇਰੋ, ਜਿਸ ਦੇ ਬ੍ਰੋਡਵੇਅ ਕ੍ਰੈਡਿਟ ਵਿੱਚ ਵੇਟਰੈਸ (Waitress) ਅਤੇ ਰੌਕ ਆਫ਼ ਏਜਜ਼ (Rock of Ages) ਵੀ ਸ਼ਾਮਿਲ ਹਨ। ਕੋਰੋਨਾ ਵਾਇਰਸ ਕਾਰਨ ਨਿਕ ਕੋਡੇਰੋ, ਲਾਸ ਏਂਜਲਸ ਦੇ ਸੀਡਰਸ-ਸਿਨਾਈ ਮੈਡੀਕਲ ਸੈਂਟਰ ਵਿੱਚ 90 ਦਿਨਾਂ ਤੋਂ ਵੱਧ ਸਮੇਂ ਤੋਂ ਦਾਖਲ ਸਨ, ਜਿਥੇ ਅੱਜ ਸਵੇਰੇ ਉਹ ਲੰਮੀ ਲੜਾਈ ਕਰਨ ਤੋਂ ਬਾਅਦ ਹਾਰ ਗਏ ਹਨ।
2017 ਵਿੱਚ ਨਿਕ ਨੇ ਅਮਾਂਡਾ ਕਲੋਟਸ (Amanda Kloots ) ਨਾਲ ਵਿਆਹ ਕਰਵਾਇਆ ਅਤੇ ਉਨ੍ਹਾਂ ਦਾ 1 ਸਾਲ ਦਾ ਬੇਟਾ ਵੀ ਹੈ। ਕਲੋਟਸ ਨੇ ਸੋਸ਼ਲ ਮੀਡੀਆ ‘ਤੇ ਅਪਣੇ ਪਤੀ ਨਿਕ ਦੀ ਮੌਤ ਦਾ ਐਲਾਨ ਕਰਦਿਆਂ ਕਿਹਾ, ਹੁਣ ਸਵਰਗ ਵਿੱਚ ਰੱਬ ਦਾ ਇਕ ਹੋਰ ਦੂਤ ਹੈ। ਮੇਰੇ ਪਿਆਰੇ ਪਤੀ ਦਾ ਅੱਜ ਸਵੇਰੇ ਦਿਹਾਂਤ ਹੋ ਗਿਆ। ਉਹ ਆਪਣੇ ਪਰਿਵਾਰ ਨਾਲ ਪਿਆਰ ਵਿੱਚ ਘਿਰਿਆ ਹੋਇਆ ਸੀ, ਗਾਉਂਦਾ ਅਤੇ ਪ੍ਰਾਰਥਨਾ ਕਰ ਰਿਹਾ ਸੀ ਜਦੋਂ ਉਸਨੇ ਇਸ ਧਰਤੀ ਨੂੰ ਛੱਡ ਦਿੱਤਾ’।
ਅਪਾਰਟਮੈਂਟ ਬੰਦ ਕਰਨ ਲਈ ਨਿਉਯਾਰਕ ਸਿਟੀ ਦੀ ਯਾਤਰਾ ਤੋਂ ਬਾਅਦ, ਨਿਕ ਬੀਮਾਰ ਹੋ ਗਿਆ ਸੀ। ਕੋਵਿਡ-19 ਦੇ ਦੋ ਟੈਸਟ ਨਕਾਰਾਤਮਕ ਆਏ ਸਨ, ਪਰ 30 ਮਾਰਚ ਨੂੰ ਤੀਜੇ ਟੈਸਟ ਨੇ ਨਿਸ਼ਚਿਤ ਕੀਤਾ ਕੇ ਉਸਨੂੰ ਵਾਇਰਸ ਹੈ, ਇਸ ਦੌਰਾਨ ਨਿਕ ਬੇਹੋਸ਼ ਸੀ।
ਦੱਸ ਦਈਏ , ਕੈਨੇਡਾ ਦੇ ਵਸਨੀਕ, ਨਿਕ ਨੇ 2009 ਵਿੱਚ ਆਫ਼-ਬ੍ਰੋਡਵੇਅ ਪ੍ਰੋਡਕਸ਼ਨ ‘ਚ ‘ਦਿ ਟੌਸਿਕ ਏਵੈਂਜਰ’ ਦੇ ਟਾਈਟਲ ‘ਚ ਭੂਮਿਕਾ ਨਿਭਾਉਦਿਆਂ ਥੀਏਟਰ ਦੀ ਸ਼ੁਰੂਆਤ ਕੀਤੀ । ਤਿੰਨ ਸਾਲ ਬਾਅਦ, ਉਸਨੇ ਬ੍ਰੋਡਵੇਅ ਨੂੰ ਰੌਕ ਆਫ਼ ਏਜਜ਼ ਵਿੱਚ ਡੈਨਿਸ ਖੇਡਣ ਲਈ ਲੀਪ ਦਿੱਤੀ।