ਟੋਰਾਂਟੋ : ਸ਼ਹਿਰ ਦੇ ਬੈਲਗ੍ਰੇਵੀਆ ਇਲਾਕੇ ਵਿੱਚ ਛੁਰੇਬਾਜ਼ੀ ਕਾਰਨ ਜ਼ਖ਼ਮੀ ਹੋਏ ਵਿਅਕਤੀ ਨੂੰ ਗੰਭੀਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ। ਇਹ ਘਟਨਾ ਸੋਮਵਾਰ ਸ਼ਾਮ ਨੂੰ ਐਗਲਿੰਟਨ ਐਵਨਿਊ ਦੇ ਉੱਤਰ ਵੱਲ ਡਫਰਿਨ ਸਟਰੀਟ ਤੇ ਵ੍ਹਿਟਮੋਰ ਐਵਨਿਊ ਵਾਲੇ ਇਲਾਕੇ ਵਿੱਚ ਵਾਪਰੀ।
ਟੋਰਾਂਟੋ ਪੈਰਾਮੈਡਿਕਸ ਸਰਵਿਸਿਜ਼ ਅਨੁਸਾਰ ਇਸ ਵਿਅਕਤੀ ਨੂੰ ਗੰਭੀਰ ਪਰ ਸਥਿਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ। ਟੋਰਾਂਟੋ ਪੁਲਿਸ ਨੇ ਦੱਸਿਆ ਕਿ ਇਸ ਘਟਨਾ ਦੇ ਸਿਲਸਿਲੇ ਵਿੱਚ ਉਹ ਦੋ ਮਸ਼ਕੂਕਾਂ ਦੀ ਭਾਲ ਕਰ ਰਹੀ ਹੈ। ਦੋਵੇਂ ਵਿਅਕਤੀ ਸਿਆਹ ਨਸਲ ਦੇ ਦੱਸੇ ਜਾਂਦੇ ਹਨ। ਇੱਕ ਦਾ ਕੱਦ ਪੰਜ ਫੁਟ ਛੇ ਇੰਚ ਤੇ ਦੂਜੇ ਦਾ ਕੱਦ ਛੇ ਫੁਟ ਦੇ ਲੱਗਭਗ ਦੱਸਿਆ ਜਾ ਰਿਹਾ ਹੈ।
ਪੁਲਿਸ ਨੇ ਦੱਸਿਆ ਕਿ ਦੋਵਾਂ ਮਸ਼ਕੂਕਾਂ ਨੇ ਕਾਲੇ ਰੰਗ ਦੇ ਬੈਗੀ ਕੱਪੜੇ ਪਾਏ ਹੋਏ ਸਨ ਤੇ ਆਪਣੇ ਮੂੰਹ ਬੈਨਡੈਨਾਜ਼ ਨਾਲ ਢਕੇ ਹੋਏ ਸਨ।