ਓਟਾਵਾ: ਕਿੰਗਸਟਨ ‘ਚ ਪੁਲਿਸ 20 ਸਾਲਾਂ ਭਾਰਤੀ ਵਿਅਕਤੀ ਦੇ ਲਾਪਤਾ ਹੋਣ ‘ਤੇ ਪਤਾ ਲਗਾਉਣ ਲਈ ਲੋਕਾਂ ਤੋਂ ਮਦਦ ਮੰਗ ਰਹੀ ਹੈ। ਕਿੰਗਸਟਨ ‘ਚ ਇਕ ਭਾਰਤੀ ਦੇ ਲਾਪਤਾ ਹੋਣ ਦੀ ਖ਼ਬਰ ਆਈ ਹੈ । ਜੈਕੁਮਾਰ ਪਟੇਲ ਨੂੰ ਆਖਰੀ ਵਾਰ 26 ਜੂਨ 2020 ਨੂੰ ਸ਼ਾਮ 6:30 ਵੱਜੇ ਕਿੰਗਸਟਨ ‘ਚ ਡੈਲੀ ਸਟ੍ਰੀਟ ‘ਤੇ ਵੇਖਿਆ ਗਿਆ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਜੈਕੁਮਾਰ ਵੁਲਫੇ ਆਈਲੈਂਡ ਫੇਰੀ ਰੈਂਪ ਦੇ ਇਲਾਕੇ ਵਿੱਚ ਹੋ ਸਕਦਾ ਹੈ।ਜੈਕੁਮਾਰ ਦਾ ਕੱਦ ਲਗਭਗ 5 ਫੁੱਟ 6 ਇੰਚ ਜਾਂ 5’7 ਹੈ, ਅੱਖਾਂ ਦਾ ਰੰਗ ਭੁਰਾ,ਛੋਟੇ ਕਾਲੇ ਵਾਲ ਅਤੇ ਕਲੀਨ ਛੇਵ ਹੈ ਅਤੇ ਉਸਦੇ ਖੱਬੇ ਹੱਥ’ਤੇ ਦਾਗ ਦੇ ਨਿਸ਼ਾਨ ਹਨ। ਉਸਦੇ ਐਨਕ ਵੀ ਲੱਗੀ ਹੋਈ ਹੈ। ਪੁਲਿਸ ਦੇ ਅਨੁਸਾਰ ਜੈਕੁਮਾਰ ਨੂੰ ਆਖਰੀ ਵਾਰ ਚਿੱਟੀ ਸ਼ਰਟ ਅਤੇ ਲਾਲ ਬਾਕਸਰ ਪਹਿਨੇ ਵੇਖਿਆ ਗਿਆ ਸੀ।
ਕਿੰਗਸਟਨ ਪੁਲਿਸ ਨੇ ਕਿਹਾ ਹੈ ਕਿ ਜੇਕਰ ਕਿਸੇ ਨੂੰ ਵੀ ਇਸ ਦੀ ਜਾਣਕਾਰੀ ਹੈ ਤਾਂ ਉਹ 613-549-4660 ‘ਤੇ ਸਪੰਰਕ ਕਰੇ।