ਵਿਕਟੋਰੀਆ: ਸੂਬੇ ‘ਚ ਪ੍ਰਾਹੁਣਚਾਰੀ ਵਰਕਰਾਂ ਦੀ ਨੁਮਾਇੰਦਗੀ ਕਰਨ ਵਾਲੇ ਸੰਗਠਨ ‘ਯੂਨਾਈਟਿਡ ਹਿਯਰ ਲੋਕਲ 40’ ਨੇ ਬੀ.ਸੀ ਦੀ ਵਿਧਾਨ ਸਭਾ ਸਾਹਮਣੇ ਭੁੱਖ ਹੜਤਾਲ ਕਰਨ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਪ੍ਰਦਰਸ਼ਨਕਾਰੀ ਮਾਹੋਲ ਠੀਕ ਹੋਣ ‘ਤੇ ਕੰਮ ‘ਤੇ ਵਾਪਸ ਜਾਣ ਦੇ ਕਾਨੂੰਨੀ ਅਧਿਕਾਰ ਦੀ ਮੰਗ ਕਰ ਰਹੇ ਹਨ। ਹੋਟਲ ਵਰਕਰਾਂ ਵਲੋਂ ਸੋਮਵਾਰ ਨੂੰ ਸਵੇਰੇ 10 ਵਜੇ ਤੋਂ ਪ੍ਰਦਰਸ਼ਨ ਸ਼ੁਰੂ ਕੀਤਾ ਜਾਵੇਗਾ।
ਇਕ ਬਿਆਨ ਵਿਚ ਯੂਨੀਅਨ ਨੇ ਲਿਖਿਆ ਹੈ ਕਿ ਹੋਟਲ ਵਰਕਰ ਆਪਣੇ ਪਰਿਵਾਰ ਦਾ ਪਾਲਣ ਪੋਸ਼ਣ ਕਰਨ ਲਈ ਜੱਦੋਜਹਿਦ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਭੁੱਖ ਹੜਤਾਲ ਸ਼ੁਰੂ ਕਰ ਦੇਣਗੇ ਤਾਂ ਜੋ ਸੂਬੇ ਦੇ 50,000 ਪੱਕੇ ਹੋਟਲ ਕਰਮਚਾਰੀਆਂ ਨੂੰ ਹੋ ਰਹੇ ਸੰਕਟ ਬਾਰੇ ਜਾਗਰੂਕਤਾ ਪੈਦਾ ਕੀਤੀ ਜਾ ਸਕੇ।
ਸੂਬੇ ਦੀ ਆਰਥਿਕਤਾ ਦੁਬਾਰਾ ਖੁੱਲਣ ‘ਤੇ ਉਨ੍ਹਾਂ ਨੂੰ ਕੰਮ ‘ਤੇ ਵਾਪਸ ਜਾਣ ਦੀ ਗਾਰੰਟੀ ਚਾਹੀਦੀ ਹੈ। ‘ਫਾਸਟ ਫਰ ਜਾਬਸ’ ਨਾਮ ਨਾਲ ਸ਼ੁਰੂ ਕੀਤੀ ਜਾਣ ਵਾਲੀ ਭੁੱਖ ਹੜਤਾਲ ਦੀ ਕੋਈ ਅੰਤਿਮ ਤਾਰੀਖ ਨਹੀਂ ਦੱਸੀ ਗਈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਹ ਵਿਧਾਨ ਸਭਾ ਦੇ ਸਾਹਮਣੇ ਭੁੱਖ ਹੜਤਾਲ ਦੀ ਯੋਜਨਾ ਬਣਾ ਰਹੇ ਹਨ।
ਹਾਲਾਂਕਿ ਬੀ.ਸੀ ਦੀ ਟੂਰਿਜ਼ਮ ਇੰਡਸਟਰੀ ਐਸੋਸੀਏਸ਼ਨ ਨੇ ਸਰਕਾਰ ਤੋਂ 680 ਮਿਲੀਅਨ ਡਾਲਰ ਦੇ ਰਾਹਤ ਪੈਕੇਜ ਦੀ ਮੰਗ ਕੀਤੀ ਹੈ। ਪਰ ਯੂਨੀਅਨ ਦਾ ਕਹਿਣਾ ਹੈ ਕਿ ਹੋਟਲ ਕਰਮਚਾਰੀਆਂ ਨੂੰ “ਇਸ ਗੱਲ ਦੀ ਗਰੰਟੀ ਚਾਹੀਦੀ ਹੈ ਕਿ ਉਹ ਆਪਣੀ ਨੌਕਰੀ ਵਾਪਸ ਕਰਵਾਉਣ ਲਈ ਪਹਿਲੇ ਨੰਬਰ’ ਤੇ ਆਉਣਗੇ।”
ਦੱਸ ਦਈਏ ਪ੍ਰਦਰਸ਼ਨ ਵਿੱਚ ਮਾਸਕ ਪਹਿਨਣ ਅਤੇ ਘੱਟੋ ਘੱਟ ਦੋ ਮੀਟਰ ਦੀ ਸਰੀਰਕ ਦੂਰੀ ਨੂੰ ਯਕੀਨੀ ਬਣਾਉਣਾ, ਰੰਗੀਨ ਬੈਨਰਾਂ, ਚਿੰਨ੍ਹ ਅਤੇ ਬੋਲਣਾ ਸ਼ਾਮਲ ਹੋਵੇਗਾ।