ਹੈਲੀਫੈਕਸ ਰੀਜਨਲ ਪੁਲਿਸ (Halifax Regional Police) 10 ਸਾਲਾ ਲਾਪਤਾ ਲੜਕੀ ਨੂੰ ਲੱਭਣ ਲਈ ਲੋਕਾਂ ਤੋਂ ਮਦਦ ਦੀ ਅਪੀਲ ਕਰ ਰਹੀ ਹੈ।
ਓਡਰੇ ਵ੍ਹਾਈਟ (Audrey White) ਨੂੰ ਆਖਰੀ ਵਾਰ 19 ਅਗਸਤ ਨੂੰ ਸ਼ਾਮ 9:30 ਵਜੇ ਹੈਲੀਫੈਕਸ ਦੇ ਬਾਏਰਜ਼ ਰੋਡ ਅਤੇ ਐਸ਼ਬਰਨ ਐਵੀਨਿਊ ਦੇ ਖੇਤਰ ‘ਚ ਦੇਖਿਆ ਗਿਆ ਸੀ।
ਪੁਲਿਸ ਵਲੋਂ ਓਡਰੇ ਦੀ ਪਹਿਚਾਣ ਜਾਰੀ ਕੀਤੀ ਗਈ ਹੈ। ਉਨ੍ਹਾਂ ਦਸਿਆ ਕਿ ਓਡਰੇ ਦਾ ਕੱਦ 4 ਫੁੱਟ 11 ਇੰਚ ਹੈ । ਉਸਦੇ ਮੋਢਿਆਂ ਤੱਕ ਲੰਬੇ ਭੁਰੇ ਵਾਲ ਹਨ ਅਤੇ ਆਖਰੀ ਵਾਰ ਉਸਨੇ ਲਾਲ ਅਤੇ ਕਾਲੇ ਰੰਗ ਦੀ ਚੈਕ ਕਮੀਜ਼ ਅਤੇ ਲਾਲ ਜਾਗਿੰਗ ਪੈਂਟ ਪਹਿਨੀ ਹੋਈ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਉਸਦਾ ਪਰਿਵਾਰ ਅਤੇ ਪੁਲਿਸ ਉਸਦੀ ਤੰਦਰੁਸਤੀ ਨੂੰ ਲੈ ਕੇ ਚਿੰਤਤ ਹਨ।
ਪੁਲਿਸ ਵਲੋਂ ਨੰਬਰ 902-490-5016 ਜਾਰੀ ਕੀਤਾ ਗਿਆ ਹੈ ਅਤੇ ਕਿਹਾ ਗਿਆ ਹੈ ਜੇਕਰ ਕਿਸੇ ਵਿਅਕਤੀ ਨੂੰ ਓਡਰੇ ਬਾਰੇ ਜਾਣਕਾਰੀ ਹੋਵੇ ਤਾਂ ਹੈਲੀਫੈਕਸ ਪੁਲਿਸ ਨੂੰ ਦਸ ਸਕਦੇ ਹਨ।