ਕੈਲਗਰੀ: ਕੈਲਗਰੀ ਦੇ ਉੱਤਰ ਵਿਚ ਇਕ ਮੀਟ ਪਲਾਂਟ ‘ਚ ਇਕ ਵਾਰ ਫਿਰ ਕੋਵਿਡ -19 ਫੈਲਣ ਦੀ ਘੋਸ਼ਣਾ ਕੀਤੀ ਗਈ ਹੈ। ਸਿਹਤ ਅਧਿਕਾਰੀਆਂ ਨੇ ਸ਼ੁੱਕਰਵਾਰ ਨੂੰ ਨਾਵਲ ਕੋਰੋਨਾਵਾਇਰਸ ਦੇ 158 ਨਵੇਂ ਕੇਸਾਂ ਦੀ ਰਿਪੋਰਟ ਕੀਤੀ, ਜਿਨ੍ਹਾਂ ਵਿੱਚ ਕੈਲਗਰੀ ਦੇ ਬਿਲਕੁਲ ਉੱਤਰ ਵਿੱਚ, Balzac, Alta ਵਿੱਚ ਹਾਰਮਨੀ ਬੀਫ (Harmony Beef) ਵਿੱਚ 38 ਕੇਸ ਸ਼ਾਮਲ ਹਨ। ਇਨ੍ਹਾਂ ਵਿੱਚੋਂ 2 ਲੋਕ ਸਹਿਤਯਾਬ ਹੋ ਚੁੱਕੇ ਹਨ ਜਦੋਂਕਿ 36 ਲੋਕ ਅਜੇ ਕੋਰੋਨਾ ਦੀ ਲਪੇਟ ‘ਚ ਹਨ।
ਇਸ ਤੋਂ ਪਹਿਲਾਂ ਮਾਰਚ ਮਹੀਨੇ ਜਦ ਕੋਰੋਨਾ ਵਾਇਰਸ ਫੈਲਣਾ ਸ਼ੁਰੂ ਹੋਇਆ ਸੀ ਤਾਂ ਇੱਥੇ ਇਸਦੇ 36 ਕੇਸ ਸਾਹਮਣੇ ਆਏ ਸਨ। ਸੰਘੀ ਫੂਡ ਇੰਸਪੈਕਟਰਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਨੇ ਫਿਲਹਾਲ ਪਲਾਂਟ ਨੂੰ 14 ਦਿਨਾਂ ਲਈ ਬੰਦ ਕਰਨ ਲਈ ਕਿਹਾ ਹੈ।
ਸਿਹਤ ਅਧਿਕਾਰੀਆਂ ਦੇ ਤਾਜ਼ਾ ਅੰਕੜਿਆਂ ਦੇ ਅਨੁਸਾਰ, ਸੂਬੇ ਵਿੱਚ ਇਸ ਸਮੇਂ ਕੋਵਿਡ 19 ਦੇ 1,185 ਐਕਟਿਵ ਕੇਸ ਹਨ, ਜਿਨ੍ਹਾਂ ਵਿੱਚੋਂ 12,054 ਠੀਕ ਹੋ ਚੁੱਕੇ ਹਨ ਅਤੇ 237 ਲੋਕਾਂ ਦੀ ਮੌਤ ਹੋ ਗਈ ਹੈ।
