channel punjabi
Canada International News North America

ਬਰੈਂਪਟਨ ਦੇ ਇਕ ਸਕੂਲ ‘ਚ ਕੋਵਿਡ 19 ਦਾ ਮਾਮਲਾ ਆਇਆ ਸਾਹਮਣੇ

ਬਰੈਂਪਟਨ: ਪੀਲ ਪਬਲਿਕ ਸਿਹਤ ਵਿਭਾਗ, ਵਾਇਰਸ ਦੇ ਪੁਸ਼ਟੀ ਹੋਏ ਕੇਸ ਦੇ ਬਾਅਦ ਬਰੈਂਪਟਨ ਦੇ ਇੱਕ ਸਕੂਲ ਵਿੱਚ ਕੋਵਿਡ -19 ਐਕਸਪੋਜਰ ਦੀ ਜਾਂਚ ਕਰ ਰਹੀ ਹੈ।

ਐਤਵਾਰ ਨੂੰ ਸਟਾਫ ਅਤੇ ਪਰਿਵਾਰ ਵਾਲਿਆਂ ਨੂੰ ਇੱਕ ਪੱਤਰ ਵਿੱਚ, ਲੂਈਸ ਆਰਬਰ ਸੈਕੰਡਰੀ ਸਕੂਲ ਦੇ ਪ੍ਰਿੰਸੀਪਲ ਸ਼ੈਰਨ ਕੁਹਲ ਨੇ ਕਿਹਾ ਕਿ 10 ਸਤੰਬਰ ਨੂੰ ਸਕੂਲ ਵਿੱਚ ਕਿਸੇ ਨੇ ਕੋਰੋਨਾ ਵਾਇਰਸ ਲਈ ਸਕਾਰਾਤਮਕ ਟੈਸਟ ਦਿਤਾ ਸੀ। ਉਨ੍ਹਾਂ ਕਿਹਾ ਇਹ ਕਿ ਵਅਕਤੀ ਸਕੂਲ ‘ਚ ਸੰਕਰਮਣ ਦੀ ਲਪੇਟ ‘ਚ ਨਹੀਂ ਆਇਆ ਸਗੋਂ ਬਾਹਰੋਂ ਹੀ ਕੋਰੋਨਾ ਦਾ ਸ਼ਿਕਾਰ ਹੋਇਆ ਹੈ। ਵਿਅਕਤੀ ਦੀ ਪਛਾਣ ਨੂੰ ਨਿੱਜੀ ਰੱਖਿਆ ਗਿਆ ਹੈ। ਇਹ ਵੀ ਨਹੀਂ ਦੱਸਿਆ ਗਿਆ ਕਿ ਵਾਇਰਸ ਦਾ ਸ਼ਿਕਾਰ ਵਿਦਿਆਰਥੀ ਹੈ ਜਾਂ ਕੋਈ ਸਟਾਫ ਮੈਂਬਰ।

ਕੁਹਲ ਨੇ ਦਸਿਆ ਕਿ ਸਕੂਲ ਨੂੰ ਨਿਯਮਤ ਸਫਾਈ ਪ੍ਰੋਟੋਕੋਲ ਦੇ ਹਿੱਸੇ ਵਜੋਂ 10 ਅਤੇ 11 ਸਤੰਬਰ ਨੂੰ ਪਹਿਲਾਂ ਹੀ ਸਾਫ਼ ਕਰ ਦਿੱਤਾ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਮੈਨੂੰ ਪਤਾ ਹੈ ਕਿ ਕੋਵਿਡ 19 ਦੀ ਖਬਰ ਚਿੰਤਾ ਪੈਦਾ ਕਰ ਸਕਦੀ ਹੈ, ਤੁਹਾਡੇ ਵਾਂਗ ਮੈਂ ਵੀ ਪ੍ਰਾਰਥਨਾ ਕਰਦੀ ਹਾਂ ਕਿ ਅਜਿਹਾ ਮੁੜ ਸਾਡੇ ਸਕੂਲ ‘ਚ ਸੁਣਨ ਨੂੰ ਨਾ ਮਿਲੇ। ਉਨ੍ਹਾਂ ਕਿਹਾ ਕਿ ਸਕੂਲ ‘ਚ ਸਾਰੇ ਸਮਾਜਕ ਦੂਰੀ ਬਣਾ ਕੇ ਰਖ ਰਹੇ ਹਨ ਅਤੇ ਮਾਸਕ ਵੀ ਪਾ ਕੇ ਰਖਦੇ ਹਨ, ਇਸ ਲਈ ਹੋਰਾਂ ਦੇ ਇਸ ਵਾਇਰਸ ਦੇ ਲਪੇਟ ‘ਚ ਆਉਣ ਦੀ ਸੰਭਾਵਨਾ ਘਟ ਹੈ।

ਕੁਹਲ ਨੇ ਕਿਹਾ ਕਿ ਸਕੂਲ ਸੋਮਵਾਰ ਨੂੰ ਵਿਦਿਆਰਥੀਆਂ ਅਤੇ ਸਟਾਫ ਲਈ ਪਹਿਲਾਂ ਵਾਂਗ ਖੁਲ੍ਹੇਗਾ।

 

Related News

UK ਜਾਣ ਵਾਲਿਆਂ ਲਈ ਇੰਮੀਗ੍ਰੇਸ਼ਨ ਨੇ ਕੀਤਾ ਵੱਡਾ ਐਲਾਨ! ਹੁਣੇ-ਹੁਣੇ ਆਏ ਨਵੇਂ ਨਿਯਮ!

team punjabi

2021 ਦੀ ਸ਼ੁਰੂਆਤ ਤੱਕ ਹੀ ਹੋ ਸਕੇਗਾ ਕੋਰੋਨਾ ਵੈਕਸੀਨ ਦਾ ਉਪਯੋਗ : WHO

Vivek Sharma

ਓਂਂਟਾਰੀਓ ‘ਚ ਐਮਰਜੈਂਸੀ ਨੂੰ ਦੋ ਹਫ਼ਤਿਆਂ ਲਈ ਹੋਰ ਵਧਾਇਆ ਗਿਆ, ਹੁਣ 9 ਫ਼ਰਵਰੀ ਤੱਕ ਰਹੇਗੀ ਐਮਰਜੈਂਸੀ

Vivek Sharma

Leave a Comment