ਟੋਰਾਂਟੋ ਤੇ ਪੀਲ ਰੀਜਨ ਜੋ ਕੋਵਿਡ 19 ਕਰਕੇ ਪਿਛਲੇ ਕੁਝ ਸਮੇਂ ਤੋਂ ਕਾਫੀ ਪ੍ਰਭਾਵਿਤ ਸਨ ਪਰ ਹੁਣ ਇਨਾਂ ਨੂੰ ਪੜਾਅ ਤਿੰਨ ‘ਚ ਸ਼ਾਮਿਲ ਹੋਣ ਦੀ ਇਜਾਜ਼ਤ ਸ਼ੁਕਰਵਾਰ ਨੂੰ ਮਿਲ ਚੁਕੀ ਹੈ। ਜਿਸ ਤਰਾਂ ਕੋਵਿਡ ਮਾਮਲਿਆਂ ‘ਚ ਕਮੀ ਆਈ ਹੈ ਇਸ ਨੂੰ ਧਿਆਨ ਚ ਰਖਦਿਆਂ ਮੁਖ ਮੈਡੀਕਲ ਅਧਿਕਾਰੀ ਤੇ ਸਥਾਨਕ ਸਿਹਤ ਮੈਡੀਕਲ ਅਫਸਰਾਂ ਦੀ ਸਲਾਹ ਨਾਲ ਇਹ ਫੈਸਲਾ ਲਿਆ ਗਿਆ ਹੈ। ਦੋਵੇਂ ਖੇਤਰ ਸ਼ੁਕਰਵਾਰ ਸਵੇਰੇ 12 ਵਜੇ ਅਧਿਕਾਰਤ ਸਟੇਜ 3 ‘ਚ ਦਾਖਲ ਹੋਣਗੇ।
ਦਸ ਦਈਏ ਹੁਣ ਸਿਰਫ ਵਿੰਡਸਰ ਐਸੇਕਸ ਇਕੋ ਇਕ ਖੇਤਰ ਹੈ ਜੋ ਇਸ ਸਟੇਜ ‘ਚ ਸ਼ਾਮਿਲ ਹੋਣਾ ਬਾਕੀ ਹੈ। ਸਟੇਜ 3 ‘ਚ ਬਾਰ ਤੇ ਰੈਸਟੋਰੈਂਟਾਂ ‘ਚ ਇਨਡੋਰ ਡਾਇਨਿੰਗ ਦੁਬਾਰਾ ਸ਼ੁਰੂ ਹੋ ਸਕਦੀ ਹੈ। ਇਸ ਦੇ ਨਾਲ ਹੀ ਇਨਡੋਰ ‘ਚ 50 ਲੋਕਾਂ ਦੇ ਇਕਠ ਤੇ ਬਾਹਰ ਖੁਲੇ ‘ਚ 100 ਲੋਕਾਂ ਦੇ ਇਕੱਠ ਨੂੰ ਇਜਾਜਤ ਦਿੱਤੀ ਜਾ ਸਕਦੀ ਹੈ। ਜਿਸ ਵਿਚ ਸਰੀਰਕ ਦੂਰੀ ਲਾਜਮੀ ਹੋਵੇਗੀ, ਬਿਨਾਂ ਸਰੀਰਕ ਦੂਰੀ ਦੇ ਕਿਸੇ ਵੀ ਤਰਾਂ ਦਾ ਇਕੱਠ ਹੋਣ ਦੀ ਢਿਲ ਹਾਲਾਂਕਿ ਨਹੀਂ ਦਿਤੀ ਗਈ।
ਕੈਨੇਡਾ ਦੇ ਸਭ ਤੋਂ ਵਡੇ ਸ਼ਹਿਰ ਟੋਰਾਂਟੋ ‘ਚ ਮੰਗਲਵਾਰ ਨੂੰ ਕੋਵਿਡ 19 ਦਾ ਸਿਰਫ ਇਕ ਨਵਾਂ ਮਾਮਲਾ ਸਾਹਮਣੇ ਆਇਆ ਹੈ। ਸਟੇਜ ਤਿੰਨ ‘ਚ ਫੂਡ ਜਾਂ ਡ੍ਰਿੰਕਸ ਦੀ ਸਪਲਾਈ ਕਰਨ ਦੇ ਕੰਮ ਨੂੰ ਛੱਡ ਕੇ ਨਾਈਟ ਕਲਬਾਂ ਨੂੰ ਅਜੇ ਵੀ ਦੁਬਾਰਾ ਖੋਲਣ ਤੇ ਪਾਬੰਦੀ ਰੱਖੀ ਗਈ ਹੈ।
