channel punjabi
Canada International News North America

ਓਂਟਾਰਿਓ :ਕੋਵਿਡ 19 ਕਾਰਨ ਕਈ ਸਕੂਲਾਂ ‘ਚ ਹੋਈ ਬਸ ਡਰਾਈਵਰਾਂ ਦੀ ਘਾਟ

ਇੱਕ ਪਾਸੇ ਸਕੂਲਾਂ ‘ਚ ਬੱਚੇ ਭੇਜਣਾ ਵੱਡੀ ਚਿੰਤਾ ਤੇ ਦੂਜੇ ਪਾਸੇ ਸਕੂਲ ਬੱਸਾਂ ਦੇ ਡਰਾਇਵਰ ਨਾ ਹੋਣਾ ਵੀ ਮਾਪਿਆਂ ਲਈ ਮੁਸੀਬਤ ਬਣਦਾ ਜਾ ਰਿਹਾ ਹੈ। ਓਂਟਾਰਿਓ ‘ਚ ਕਈ ਸਕੂਲਾਂ ਨੂੰ ਬਸ ਡਰਾਇਵਰ ਨਹੀਂ ਮਿਲ ਰਹੇ। ਜਿਸ ਕਰਕੇ ਕਈ ਬੱਸਾਂ ਦੇ ਰੋਜਾਨਾ ਰੂਟ ਰੱਦ ਕਰਨੇ ਪੈ ਰਹੇ ਹਨ।

ਕੋਵਿਡ 19 ਕਾਰਨ ਡਰਾਈਵਰਾਂ ਦੀ ਘਾਟ ਹੋਰ ਵੱਧ ਗਈ ਹੈ। ਕੋਵਿਡ 19 ਮਹਾਂਮਾਰੀ ਓਂਟਾਰੀਓ ਦੀ ਪਹਿਲਾਂ ਤੋਂ ਹੀ ਖਤਰਨਾਕ ਸਕੂਲ ਬਸ ਉਦਯੋਗ ਨੂੰ ਵਧੇਰੇ ਦਬਾਅ ਹੇਠ ਕਰ ਰਹੀ ਹੈ। ਜਨਤਕ ਮਾਰਗ ਰੱਦ ਕਰਨ ਤੇ ਭੀੜ ਭਰੀ ਵਾਹਨਾਂ ਦੀਆਂ ਵਧੀਆਂ ਖਬਰਾਂ ਵਿਚਕਾਰ ਬੁਧਵਾਰ ਨੂੰ ਮਾਪਿਆਂ ਤੇ ਵਕੀਲਾਂ ਨੇ ਬਹਿਸ ਵੀ ਕੀਤੀ। ਉਨਾਂ ਕਿਹਾ ਕਿ ਪ੍ਰਾਂਤ ਦੀ ਸਕੂਲ ਵਾਪਸੀ ਦੇ ਸਿਰਫ ਦੋ ਦਿਨਾਂ ਬਾਅਦ ਪੈਦਾ ਹੋਈਆਂ ਮੁਸ਼ਕਲਾਂ ਦੀ ਸੂਚੀ ਓਨਟਾਰਿਓ ‘ਚ ਲੰਬੇ ਸਮੇਂ ਤੋਂ ਚਲ ਰਹੀ ਬੱਸ ਡਰਾਈਵਰ ਦੀ ਘਾਟ ਦੇ ਸਿਖਰ ਤੇ ਆ ਗਈ ਹੈ।

ਡੈਬੀ ਮੌਂਟਗੋਮਰੀ ਯੂਨੀਫੋਰ ਲੋਕਲ 4268 ਦੀ ਪ੍ਰਧਾਨਗੀ ਕਰਦੇ ਨੇ ਜਿਨਾਂ ਕਿਹਾ ਕਿ ਡਰਾਇਵਰਾਂ ਦੀ ਰੁਕਾਵਟ ਤੇ ਭਰਤੀ ਦੀ ਪੂਰੀ ਤਸਵੀਰ ਅਜੇ ਵੀ ਸਹੀ ਰੂਪ ਧਾਰਨ ਕਰਨ ਚ ਸਮਾਂ ਲਵੇਗੀ। ਪਰ ਉਨਾਂ ਕਿਹਾ ਕਿ ਸੁਰਖਿਆ ਪਰੋਟੋਕਾਲ ਦੇ ਆਸੇ ਪਾਸੇ ਸਪਸ਼ਟਤਾ ਦੀ ਘਾਟ ਤੇ ਨਿੱਜੀ ਸੁਰਖਿਆ ਉਪਕਰਣਾਂ ਤੱਕ ਪਹੁੰਚ ਨੇ ਸੂਬੇ ਭਰ ਵਿਚ ਹਲਾਤਾਂ ਨੂੰ ਵਿਗੜਨ ਚ ਸਹਾਇਤਾ ਕੀਤੀ ਹੈ। ਹੁਣ ਅਸੀ ਸਿਰਫ ਇਹ ਸੁਣ ਰਹੇ ਹਾਂ ਕਿ ਰਸਤੇ ਰੱਦ ਕੀਤੇ ਜਾ ਰਹੇ ਹਨ। ਉਨਾਂ ਕਿਹਾ ਕਿ ਹੁਣ ਉਹ ਨਵੇਂ ਲੋਕਾਂ ਨੂੰ ਆਪਣੇ ਕੋਲ ਭਰਤੀ ਨਹੀਂ ਕਰ ਸਕਦੇ। ਵਾਹਨ ਓਹੀ ਹੈ ਪਰ ਚਾਲਕ ਨਹੀਂ ਹੈ। ਗ੍ਰੇ-ਬਰੂਸ ਤੇ ਥੰਡਰ ਬੇ ਦੋਵਾਂ ਖੇਤਰਾਂ ਵਿਚ ਬੁਧਵਾਰ ਤੱਕ 12 ਬੱਸਾਂ ਨੂੰ ਰੱਦ ਕਰ ਦਿਤਾ ਗਿਆ ਸੀ।

ਓਨਟਾਰਿਓ ਸਬਡਰੀ ਵਿਚ ਵਿਦਿਆਰਥੀ ਸੇਵਾਵਾਂ ਸੰਘ ਨੇ ਐਲਾਨ ਕੀਤਾ ਕਿ ਸਕੂਲ ਦੇ ਘੱਟੋ ਘਟ ਪਹਿਲੇ ਹਫਤੇ ਵਿਚ 23 ਰੂਟ ਨਹੀਂ ਚਲਣਗੇ ਕਿਉਕਿ ਕਾਫੀ ਡਰਾਇਵਰ ਕੰਮ ਤੇ ਨਹੀਂ ਪਰਤੇ। ਹਾਲਾਂਕਿ ਥੰਡਰ ਬੇਅ ਵਿਦਿਆਰਥੀ ਸੇਵਾਵਾਂ ਨੇ ਕਿਹਾ ਕਿ ਸਕੂਲ ਬੱਸ ਇੰਡਸਟਰੀ ਨਾ ਸਿਰਫ ਕੋਵਿਡ ਮੌਕੇ ਬਲਕਿ ਪਿਛਲੇ ਪੰਜ ਸਾਲਾਂ ਤੋਂ ਬਸ ਡਰਾਇਵਰਾਂ ਦੀ ਘਾਟ ਨਾਲ ਜੂਝ ਰਹੀ ਹੈ। ਬਿਆਨ ਵਿਚ ਉਨਾਂ ਕਿਹਾ ਕਿ ਖੇਤਰ ਚ ਬਸ ਚਾਲਕ ਡਰਾਇਵਰਾਂ ਦੀ ਉਮਰ 57 ਸਾਲ ਹੈ ਤੇ ਉਨਾਂ ਚੋਂ ਕੁਝ 70 ਸਾਲ ਦੀ ਉਮਰ ਦੇ ਹਨ। ਇਸ ਲਈ ਬਹੁਤ ਸਾਰੇ ਡਰਾਇਵਰਾਂ ਨੇ ਕੋਵਿਡ 19 ਮੌਕੇ ਉਮਰ ਸਬੰਧੀ ਸਿਹਤ ਜੋਖਮਾਂ ਕਾਰਨ ਨੌਕਰੀ ਤੋਂ ਛੁੱਟੀ ਦਾ ਫੈਸਲਾ ਕੀਤਾ। ਉਨਾਂ ਕਿਹਾ ਕਿ ਅਸੀ ਉਨਾਂ ਦੀ ਸੁਰਖਿਆ ਦੇ ਸਬੰਧ ਵਿਚ ਇਸ ਫੈਸਲੇ ਦੇ ਅਧਿਕਾਰ ਦਾ ਸਤਿਕਾਰ ਕਰਦੇ ਹਾਂ ਬਾਵਜੂਦ ਇਸਦੇ ਕਿ ਸਾਨੂੰ ਹੁਣ ਸਕੂਲ ਦੇ ਸਾਲ ਦੇ ਸ਼ੁਰੂ ਵਿਚ ਕੁਝ ਬੱਸ ਰੂਟ ਮੁਅਤਲ ਕਰਨ ਦੀ ਮੰਦਭਾਗੀ ਸਥਿਤੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

 

 

Related News

ਮੰਗਲਵਾਰ ਨੂੰ ਸਸਕੈਚਵਨ ‘ਚ ਕੋਰੋਨਾ ਵਾਇਰਸ ਦੇ 10 ਨਵੇਂ ਕੇਸਾਂ ਦੀ ਪੁਸ਼ਟੀ

Rajneet Kaur

ਪੰਜਾਬੀ ਗਾਇਕ ਸ਼੍ਰੀ ਬਰਾੜ ਨੂੰ ਪਟਿਆਲਾ ਪੁਲਿਸ ਨੇ ਕੀਤਾ ਗ੍ਰਿਫ਼ਤਾਰ, ਹਥਿਆਰ ਕਲਚਰ ਨੂੰ ਪ੍ਰਮੋਟ ਕਰਨ ਦਾ ਇਲਜਾਮ

Vivek Sharma

RCMP ਨੇ ਐਨ.ਐੱਸ. ਦੇ ਇੱਕ ਵਿਅਕਤੀ ਨੂੰ ਕਤਲ ਕਰਨ ਦੀ ਕੋਸ਼ਿਸ਼ ਦੇ ਦੋਸ਼ ‘ਚ ਕੀਤਾ ਗ੍ਰਿਫਤਾਰ

Rajneet Kaur

Leave a Comment