ਨਹੀਂ ਘਟ ਰਹੇ ਕੋਰੋਨਾ ਪੀੜ੍ਹਤਾਂ ਦੇ ਮਾਮਲੇ
ਅਮਰੀਕਾ, ਕੈਨੇਡਾ ਅਤੇ ਮੈਕਸੀਕੋ ਨੇ ਚੁੱਕਿਆ ਵੱਡਾ ਕਦਮ
ਤਿੰਨੇ ਸਰਕਾਰਾਂ ਪਾਬੰਦੀਆਂ ਜਾਰੀ ਰੱਖਣ ਵਾਸਤੇ ਹੋਈਆਂ ਸਹਿਮਤ
ਵਾਸ਼ਿੰਗਟਨ : ਅਮਰੀਕਾ ਵਿਚ ਕੋਰੋਨਾ ਵਾਇਰਸ ਦੇ ਤੇਜ਼ੀ ਨਾਲ ਵਧਦੇ ਮਾਮਲਿਆਂ ਨੇ ਮੁੜ ਤੋਂ ਸਰਕਾਰਾਂ ਨੂੰ ਸਖ਼ਤੀ ਕਰਨ ਲਈ ਮਜਬੂਰ ਕਰ ਦਿੱਤਾ ਹੈ । ਅਮਰੀਕਾ ਦੇ ਕਈ ਸੂਬਿਆਂ ਵਿਚ ਦੂਜੀ ਵਾਰ ਤਾਲਾਬੰਦੀ ਲਾਗੂ ਕੀਤੀ ਗਈ ਹੈ। ਸਥਿਤੀ ਨੂੰ ਵੇਖਦਿਆਂ ਸੰਯੁਕਤ ਰਾਜ, ਕੈਨੇਡਾ ਅਤੇ ਮੈਕਸੀਕੋ ਨੇ COVID-19 ਦੇ ਕਾਰਨ ਘੱਟੋ ਘੱਟ ਅਗਸਤ ਦੇ ਅਖੀਰ ਤੱਕ ਆਪਣੀਆਂ ਸਾਂਝੀਆਂ ਸਰਹੱਦਾਂ ਨੂੰ ਗੈਰ-ਜ਼ਰੂਰੀ ਟ੍ਰੈਫਿਕ ਲਈ ਬੰਦ ਰੱਖਣ ‘ਤੇ ਸਹਿਮਤੀ ਜਤਾਈ ਹੈ ।
ਸੰਯੁਕਤ ਰਾਜ ਦੇ ਹੋਮਲੈਂਡ ਸਿਕਿਉਰਿਟੀ ਵਿਭਾਗ ਦੇ ਕਾਰਜਕਾਰੀ ਅਧਿਕਾਰੀ ਚੈਡ ਵੁਲਫ ਨੇ ਵੀਰਵਾਰ ਨੂੰ ਇਸ ਵਿਸਥਾਰ ਦੀ ਘੋਸ਼ਣਾ ਕਰਦਿਆਂ ਕਿਹਾ ਕਿ ਸਰਹੱਦ ਪਾਰ ਵਾਲੇ ਟ੍ਰੈਫਿਕ ‘ਤੇ ਪਾਬੰਦੀਆਂ ਜੋ ਮਾਰਚ ਤੋਂ ਲਾਗੂ ਹਨ, ਨੇ ਕੋਰੋਨਾਵਾਇਰਸ ਦੇ ਪ੍ਰਸਾਰ ਨੂੰ ਹੌਲੀ ਕਰਨ ਵਿੱਚ ਸਹਾਇਤਾ ਕੀਤੀ ਹੈ। ਇਸ ਨੂੰ ਮੁੱਖ ਰੱਖਦਿਆ ਪਾਬੰਦੀਆਂ ਨੂੰ ਅੱਗੇ ਵੀ ਜਾਰੀ ਰੱਖਣ ਦਾ ਫੈਸਲਾ ਕੀਤਾ ਗਿਆ ਹੈ।
ਅਧਿਕਾਰੀਆਂ ਨੇ ਹਾਲ ਹੀ ਦੇ ਦਿਨਾਂ ਵਿਚ ਕਿਹਾ ਸੀ ਕਿ ਪਿਛਲੇ 30 ਦਿਨਾਂ ਦੇ ਵਾਧੇ ਦੀ ਮਿਆਦ ਖਤਮ ਹੋਣ ਤੋਂ ਪਹਿਲਾਂ 30 ਦਿਨਾਂ ਲਈ ਹੋਰ ਵਾਧੇ ਦੀ ਸੰਭਾਵਨਾ ਹੈ। ਫਿਲਹਾਲ ਹੋਇਆ ਵੀ ਕੁਝ ਇਸੇ ਤਰਾਂ, ਸਰਕਾਰ ਨੇ ਆਪਸੀ ਸਹਿਮਤੀ ਨਾਲ ਸਰਹੱਦਾਂ ‘ਤੇ ਪਾਬੰਦੀ ਜਾਰੀ ਰੱਖੀ ਹੈ।
ਮੌਜੂਦਾ ਪਾਬੰਦੀ ਨੂੰ ਅਧੂਰਾ ਬੰਦ ਹੋਣਾ ਕਿਹਾ ਜਾ ਸਕਦਾ ਹੈ, ਜਿਹੜਾ ਵਪਾਰਕ ਟ੍ਰੈਫਿਕ ਨੂੰ ਸਰਹੱਦ ਪਾਰ ਕਰਨ ਤੇ ਪਾਬੰਦੀ ਲਗਾਉਂਦਾ ਹੈ। ਇਹ ਲੋਕਾਂ ਨੂੰ ਸੈਰ-ਸਪਾਟਾ ਜਾਂ ਖਰੀਦਦਾਰੀ ਲਈ ਦੇਸ਼ਾਂ ਦੇ ਵਿਚਕਾਰ ਯਾਤਰਾ ਕਰਨ ‘ਤੇ ਰੋਕ ਲਗਾਉਂਦਾ ਹੈ, ਜੋ ਸਰਹੱਦੀ ਭਾਈਚਾਰਿਆਂ ਲਈ ਆਰਥਿਕ ਤੌਰ’ ਤੇ ਮਹੱਤਵਪੂਰਨ ਹੈ